Jeremías 18:22 - Tayta Diosninchi Isquirbichishan

²² Paycunaman illajpita suwacuna yagacuycuchun. Paycuna fiyupa manchariywan gaparpashan wiyacächun. Chayno päsachun mana alliman chayachimänanpaj uchcuta rurashanpita, purishäcunaman togllata churashanpita.

Jeremías 18:22 ပူးပေါင်းရင်းမြစ်များ

Salmos 119:85

Mana rispitashojcunami y yachachicuyniquitapis mana wiyacoj runacunami mana alliman chayanäta munaycan.

Salmos 140:5

Paycunaga alli-tucoj runacunami. Tuninäpaj wascatano churapämasha. Liyar pitucarcamänanpaj redata churapämasha. Nänicunaman togllancunata churasha manyapacar tuninäpaj. Selah

Salmos 140:6

Tayta Diostami ruwacushcä: «Gammi canqui Diosnë. Mañacamushäta wiyamay ari» nir.

Salmos 142:4

Derëchu caj-lädöpami ricachacö. Pitapis manami ricächu yanapämaj shamojta. Pipis manami canchu washämaj. Nogapäga manami pipis yarpärinchu.

Salmos 38:12

Wañuchimayta munajcunaga togllatami churaparcaycäman. Mana allita ruramayta munamajcunaga illgächimaytami yarparcaycan. Imay örapis mana allita ruramayllatami yarpaycan.

Isaías 10:30

¡Gaparay ari Bat-galim runacuna! ¡Chayta wiyay ari Laisa runacuna! ¡Ay imanöraj canga Anatot marca runacuna!

Jeremías 18:20

Paycunaga mana alliman tunichimänanpämi uchcuta rurasha. ¿Allita rurashanchïpita mana alliwanchu cutichimanchi? Paycunapaj fiyupa rabyasha caycashayquipita allchacänayquipaj paycunapa faburnin gamta ruwacushäta yarpaycuy ari.

Jeremías 20:10

Runacunaga manacajman churamarmi shap-shapyayllapa rimar «¡Intërupami fiyupa manchariypaj caycan!» nin. Chaynöpis ninacun: «Llapanchi shuntacäshun calumyanapaj» nir. Amïgöcunapis munarcaycan imanöllapapis mana alliman chayanätami. Paycuna nin: «Imanöllaparaj riguichir rimaycachishwan. Chauraga binsishunmi, ayñita cutichishunmi» nir.

Jeremías 20:16

¡Chay willaj runaga cachun mana cuyapaypa Tayta Dios illgächishan siudäcunano! Tutapaga wiyachun nanaywan gaparpaycajta. Pullan junäga wiyachun «guërra caycan» nir gaparpaycajta.

Jeremías 4:31

Guechpa wawanta warmi gueshyacunanpaj nanaycho car gaparajno gaparpaycajtami wiyä. Sioncho tiyajcunami maquillan chojpasha gaparpaycan ‹¡Cananllapänachari caräpis! ¡Wañuchicojcunami wañuycachimanga!› nir.»

Jeremías 5:26

Chaynöga caycan acrashä runacunacho fiyu runacuna captinmi. Chay fiyu runacunaga mishi pichiusata charinanpaj llupuyllapa aywajnömi runa-masinta watgapaycan. Trampata churarcaycan runa-masincunata charinanpaj.

Jeremías 6:26

Marca-masëcuna, fiyupa llaquicushpayqui gachga röpacunata jaticuy. Uchpacho gochpay. Nircur jucnaylla wamrayqui wañusha caycajpäno fiyupa wagay. Ushamänanchïpaj caycäga manapis aycällatanami chayamonga.»

Sofonías 1:16

Chay junäga intërunpa curalasha caycaj siudäcunaman magaj yaycunanpämi, jatuncaray törricuna caycajmanpis yaycunanpämi trompëtata tucashpan mandanga.

Mateo 22:15

Chaura fariseucunaga juc-läman aywaycur parlacuran Jesusta pantachir llutanta parlachinanpaj.