Jeremías 17:8 - Tayta Diosninchi Isquirbichishan

⁸ Chay runaga cangapaj mayu cantunman yörata lantaycusha mayu rurinpa sapincuna sapichajnömi. Chay yörataga shanarpis manami chaquichinchu. Imaypis berdillami caycan. Wayuyninpis mana pishiypami caycan.

Jeremías 17:8 ပူးပေါင်းရင်းမြစ်များ

Job 29:19

Nogaga caycä yacu ñaupancho yöra caycajnömi. Chay yörapa rämanga shullaypashami warämun.

Job 8:16

Fiyucunaga caycan shanaycashan öra intëru wertapa jacha mashtaraycajnömi.

Salmos 1:3

Chay runaga caycan juc yöra mayu cantuncho alli caycajnömi, wayunan timpu chayamuptin alli wayojnömi, öjancunapis mana garwashtajnömi. ¡Chay runataga llapanpis allimi llojshipan!

Proverbios 11:28

Charashanman yäracojcunaga yöra tunejnömi ushacanga. Alli runacunami ichanga jacha berdiypa berdir wiñaycajno canga.

Isaías 58:11

Nogaga imay örapis pusharaycäshayquipämi. Chunyaj chaqui jircachöpis aypalla micuytami tarichishayqui. Callpayqui cananpäpis yanapäshayquimi. Chauraga caycanquipaj cadalla pargusha werta caycajnömi, yacu llojshinan pösucho imaypis yacu mana chaquejnömi.

Isaías 61:3

Sioncho llaquicuycajcunata shoganäpaj: pengacuycashanpa ruquin corönatana jatipänäpaj, llaquicuycashanpa ruquin cushicuyta tarichinäpaj; wagaycashanpa ruquin cushicur cantananpaj. Chaymi paycunataga nengapaj «Sinchi guerucuna» nir. Paycunaga caycangapaj Tayta Dios munayniyoj cashanta juccunata musyachinanpämi.

Jeremías 39:18

Nogami camacächishaj mana wañuchishunayquipaj. Gamga nogaman yäracushayquipitami cawaycar quëdanquipaj. Noga Tayta Diosmi chayno në› nir.»

Ezequiel 31:3

Mä yarpäshun Asiria nasyunta. Chay nasyonga caran Libanucho caycaj sedrunömi. Fiyupa rämayoj car llapan muntita llantuparan. Fiyupa jatun cayllawanmi puntanga pucutaycamaraj chayaran.

Ezequiel 47:12

Chay mayupa ishcan-lä cantuncho wiñamongapaj tucuy casta frütata wayoj yöracunami. Öjancunapis mana shicwajmi canga. Imaypis chaynöllami wayuycanga. Cada quillami wayuynin caycanga. Chaynöga canga Templupita llojshej yacu parguptinmi. Wayuynincunaga canga micunapaj; öjancunana canga jampipaj.»