Jeremías 17:14 - Tayta Diosninchi Isquirbichishan

¹⁴ Tayta Dios, gamllatami rispitar alabä. Allchacächimay ari sänuna canäpaj. Salbaycamay ari salbashana canäpaj.

Jeremías 17:14 ပူးပေါင်းရင်းမြစ်များ

Salmos 106:47

¡Tayta Dios salbaycamay ari! ¡Llapan nasyuncunacho carcaycajtapis shuntaycamay llapanë gamta agradësicunäpaj, cushisha alabanäcunapaj!

Salmos 109:1

Tayta Dios, mañacaycämuptëga ama upällalla cacuychu.

Salmos 119:94

Salbaycamay ari. Nogaga gampami cä. Willapämashayquicunataga cumliycämi.

Salmos 12:4

Illgächenga «Rimaypaga pï-maytapis riguirachinchïmi» nejcunata, «Shiminchïmi imapitapis jorgamanchi» nejcunata, «¿Piräshi noganchïtaga upällachimashwan?» nejcunata.

Salmos 148:14

Paymi munayniyojyächisha acrashan runacunataga. Tayta Diosta rispitajcuna, llapan Israelcuna payllata alabay-llapa. ¡Aleluya! ¡Tayta Diosga alabasha cachun!

Salmos 54:1

¡Tayta Dios, salbaycamay ari! Munayniyoj cayniquiwan chapaycamay ari.

Salmos 6:2

Tayta Dios, cuyapaycamay ari. Gueshyarmi callpaynaj ricacushcä. Tayta Dios, allchacaycachimay ari. Intëru cuerpöchaj sicsicyaycan.

Salmos 6:3

¡Manchariywanmi sicsicyaycä! Tayta Dios, ¿imaycamaraj cayno cashaj?

Salmos 6:4

¡Aywaycamuy ari Tayta Dios, salbamänayquipaj! ¡Cuyapäcoj cashpayqui salbaycamay ari!

Salmos 60:5

¡Cananga munayniquiwan salbaycamay ari! ¡Cuyashayqui runacunata salbaycuy ari! ¡Wiyaycamay ari!

Isaías 6:10

Isaías, chay runacunapa yarpayninta ticrachiy mana tantiyajman. Rinrincunatapis llutarcuy mana wiyananpaj. Ñawintapis chaparcuy mana ricananpaj. Chaynöpami mana ricar mana wiyar mana tantiyangachu. Chaynöpami mana arpinticongachu. Chayno captenga nogapis manami allchacächishächu.»

Jeremías 15:20

Nogami camacächishaj chay runacunapäga runsipita tapyano canayquipaj. Manami imanöpapis binsishunquipächu. Gamwan pillyarpis manami binsishunquipächu. Gamwanga nogami caycä imapitapis salbar chapänäpaj. Noga Tayta Diosmi chayno në.

Jeremías 3:23

Yangami puytush lömacunamanpis aywä. Yangami puntacunachöpis gaparpä. Tayta Dios gamllami Israelcunataga salbamanqui.

Jeremías 30:17

Gamtami ichanga gueriquicunata jampipäshayqui. ‹Dios cachaycushan siudä› nir manacajman churashuptiquipis gamtaga allchacächishayquipämi. Noga Tayta Diosmi chayno në.»

Jeremías 31:18

Wiyashcämi acrashä runacuna llaquicur parlajta. Paycunaga nisha: ‹Nogacunaga goyäcurä manaraj aroj törunömi. Chayno caycajtami gam castigamashpayqui manshuyächimashcanqui. Yapay shuntacamay ari. Gammi canqui nogacunapa Tayta Diosnëga.

Jeremías 33:6

«Ichanga chayno rurarcurpis yapaymi allchacächishäpaj. Nircurnami yanapäshaj pipis mana rimapaptin allina goyäcunanpaj.

Números 12:13

Chaura Moisesga Tayta Diosta ruwacur mañacuran: «Tayta Dios, Mariata allchacaycachiy ari» nir.

Mateo 14:30

Fiyupa wayra wayrämuptinna manchacäcuran. Chaura yacuman tallpucar gapararan «¡Salbaycallämay Tayta!» nir.

Mateo 8:25

Chaymi disïpuluncunaga Jesusta riccharcachir niran: «Tayta, tallpucaycanchïnami. Salbaycallämay.»

Lucas 4:18

«Tayta Dios acramasha captinmi Tayta Diospa Espiritonga nogacho caycan. Nogataga cachamasha pobricunata alli willacuyta willapänäpämi; [llaquisha caycajcunata cushicachinäpämi;] prësu caycajcunata libri cananpäna willapänäpämi; gapracunatapis allchacächinäpaj; jucpa munaynincho ñacaycajcunatapis jorgunäpaj.

Deuteronomio 10:21

Payllata alabanqui. Payllami Tayta Diosninchi. Paymi rurasha llapan ricashayqui milagrucunatapis.

Deuteronomio 32:39

¡Nogallami llapanpaj munayniyoj Dios caycä! Nogapita mas jucga manami canchu. Nogami munayniyoj caycä pitapis cawayta gonäpaj, wañuchinäpäpis. Nogami pitapis gueshyachë, allchacächëpis. Ñawëpitaga manami pipis gueshpinchu.