Jeremías 15:7 - Tayta Diosninchi Isquirbichishan

⁷ Rïgu päjata jorquëtiwan jitajnömi gamcunataga siudäniquicunapita jorgurcur jitarishayqui. Gamcuna tiyashayquega chunyajmi quëdanga. Mana alli ruraycunata mana cachashayquipitami illgächishayqui.

Jeremías 15:7 ပူးပေါင်းရင်းမြစ်များ

Salmos 1:4

Fiyu runacunapäga manami chaynöchu. Paycunaga carcaycan wayra apashan chaqui panganömi.

Isaías 41:16

Paycunaga wayra apacuptin illgashannömi ushacangapaj. Löcu wayra shamur wacpa-caypa machirishannömi illgangapaj. Chaynöpami Tayta Dios yanapäshushayquipita fiyupa cushicunquipaj. Santo Diosniquipäga fiyupa cushishami caycanquipaj.

Isaías 9:12

Inti yagamunan caj-läpitaga chayasha Asiria runacuna. Inti yaganan caj-läpitana chayasha Filistea runacuna. Paycunami Israel runacunataga micuyta juc amuyta micucurcojnölla usharisha. Chaypis Tayta Dios rabyashanga manami päsacanrächu. Payga jinallarämi castigananpaj rimaycan.

Isaías 9:13

Chayno castigaycaptinpis runacunaga manami wanacuranchu. Ni munayniyoj Tayta Diosmanpis manami yäracuranchu.

Jeremías 18:21

Canan ichanga gam castigaycuy wamrancuna yargaypitapis sabliwanpis wañunanpaj. Warmincunapis biyüda wamraynajllana quëdachun. Ollgu cajcunaga gueshyawan wañuchun. Mösucunapis guërracho wañuchun.

Jeremías 5:3

Tayta Dios gamga munanqui alli runacunatami. Cay runacunaga castigaptiquipis manami wiyacushachu. Fiyupa mana alliman chayachiptiquipis manami yarpachacushachu. Paycunapaga shongunpis caycan ruminömi. Chaymi arpinticuytapis mana munashachu.

Jeremías 51:2

Disigrasya chayaptin, chay nasyunmanga wacpita-caypitami pillyaj yayconga. Camacächishaj Babiloniataga contran fiyu runacuna rïguta wayrajnöpis rurarinanpaj. Chaura chay nasyunchöga ni juc runapis manami tiyangapänachu.

Jeremías 9:21

«Wasinchïcunaman wañuymi chayamusha. Palasyunchïcunamanpis chayasha. Wamranchïcunata cällicunacho wañuchin; mösucunatana läsacunacho.

Ezequiel 24:21

Israelcunata cayno ninäpaj: ‹Caynömi Tayta Dios nin: Gamcunaga Templöta amatarmi cuyanqui; amatarmi almiranquipis. Chay Templuwanmi gamcunaga alli-tucuycanqui, munayniyoj-tucuycanqui. Ichanga chay Templuta noga ganrachishämi. Jerusalencho quëdamoj wamrayquicuna warmipis ollgupis runa wañuchiypami wañonga.

Ezequiel 24:25

«Runa, Israelcuna yäracuycashan Templutami illgarachishaj. Templu cuyayllapaj captinmi paycunaga fiyupa cushicuycan. Templunta amatar cuyan, amatar almiranpis. Chaynöllami wamrancunatapis ollguta warmita wañuchishaj.

Ezequiel 36:12

Israel jircacuna, nogami camacächishaj acrashä runacuna janayquicho purinanpaj. Paycunaga gamcunachömi tiyangapaj duyñuyqui cananpaj. Nogapis manami camacächishänachu wamrancunata micunayquita.

Zacarías 1:4

Ama caynachu unay caj famillyayquicuna cashannöga. Paycunatami unay caj profëtacuna piñacuyparaj cayno willaparan: «Tayta Dios nin: Llutancho goyaycashayquipita cutimuyna ari» nir. Chaypis paycunaga manami wiyacuranchu, ni manami cachaycuranchu mana allita ruraycashancunatapis. Noga Tayta Diosmi chayno në.

Mateo 3:12

Payga jorquëtita aptaraycannami rïguta wayrananpaj. Wayrarcurnami rïgunta wasinman churanga. Punshantanami ichanga mana imaypis upej ninaman gaycurenga.»

Deuteronomio 28:18

Wamrayquicunamanpis, micuyniquicunamanpis, wäcayquicunamanpis, uyshayquicunamanpis, llapan casta uywayquicunamanpis maldisyunmi chayangapaj.

Deuteronomio 28:32

Ricapaycaptiquimi wamrayquicunata warmita ollgutapis juc-lä nasyun runacuna apaconga. Waran-waran paycunapaj fiyupa llaquicurpis manami ricanquipänachu.

Deuteronomio 28:41

Wamrayquicuna cangapämi ollgupis, warmipis. Ichanga juc-lä nasyunmanmi prësu apaconga.