Jeremías 15:18 - Tayta Diosninchi Isquirbichishan

¹⁸ Chaura noga llaquicushäga ¿imanirtaj imaypis mana päsanchu? Shongu nanaynëga ¿imanirtaj mana chawanchu? Nogapäga gam ricacushcanqui pashtaj yacu illajpita chaquicäcojnömi.

Jeremías 15:18 ပူးပေါင်းရင်းမြစ်များ

Job 14:11

Lamar yacu chaquishannömi, mayucuna päsashannömi

Job 34:6

Llullacuycämanmi «juchayojmi cä» nishpäga. Guerëcunaga manami allchacanchu, juchaynaj caycaptëpis› nir.

Salmos 6:3

¡Manchariywanmi sicsicyaycä! Tayta Dios, ¿imaycamaraj cayno cashaj?

Jeremías 14:19

Tayta Dios, ¿fiyupachu rabyacurcushcanqui Judá runacunapäga? Sión siudätaga ¿mananachu ricaytapis munanquina? ¿Imanirtaj mana cuyapaypa mana alliman chayachimashcanqui? Nogacunaga allilla goyaytami yarpaycarä. Nishäga manami imapis alliga cashachu. Mana gueshyaypa cawaytami yarparäcuna. Nishäga fiyupa manchacuyllami casha.

Jeremías 14:3

Rïcucunapis uywaynincunata cachan yacu ashej. Chaura gochacunaman yacu ashej chayarga yacuta manami tarimunchu. Mana tarishpanga puyñuncunatapis yacuynajllata cutichicun. Fiyupa llaquicur pengacushpan umancunatapis shucutacarcärin.

Jeremías 20:18

Cay-jina nanaywan llaquicuyllawan goyänäpaj ¡imapäraj yuriräpis mamäpa pachanpita! ¡Imapäraj yuriräpis pasaypa pengayllacho canäpaj!

Jeremías 20:7

Tayta Dios, gamga llullapämashcanquimi. Nogaga nimashayquitami riguishcä. Gam nogapita mas callpa cashpayquimi binsimashcanqui. Cananga imay örapis runacuna asipänanmi caycä. Llapanmi manacajman churamar asipäman.

Jeremías 30:12

«Noga Tayta Diosmi cayno në: «Gueriquega manami imanöpapis allchacannachu. Nanächicuycashayquipäga manami jampi canchu.

Jeremías 30:15

Nanaycäshushayquipaj manana jampi caycaptenga ¿imapänataj nanächicur gaparaycanqui? Gamtaga castigashcä yupaytapis mana atipaypaj juchata rurashayquipitami, fiyupa mana allicunata rurashayquipitami.

Miqueas 1:14

Imaypis mana cutinayquipaj Moreset-gat-taga «Aywallä» nicuy. Israelpa raynincunapäga Aczib siudä canga charinanpaj toglla shuyaraycajnömi.

Miqueas 1:9

Samariapa guerenga caycan ima jampiwanpis mana allchacajmi. Chay gueriga jogushami Judätapis. Jerusalén siudämanpis chayashami.