Jeremías 14:14 - Tayta Diosninchi Isquirbichishan

¹⁴ Chaura Tayta Dios nimaran: «Nogapa jutëcho chayno nishpan chay profëtacunaga llullacurcaycanmi. Chay runacunataga manami cachashcächu. Manami imatapis nishcächu; manami willapashcäpischu. Yarpayninpita jorgurcullarmi ‹ricachimasha› nir willacuycan. Chayno llullacuyllapami chay profëtacunaga runacunata willaparcaycan.

Jeremías 14:14 ပူးပေါင်းရင်းမြစ်များ

Isaías 56:10

Paycunata mandaycäga gaprayashami carcaycan. Manami imatapis musyanchu. Llapanpis paycunaga carcaycan mana wagyacoj allgunömi. Paycunaga goyay-goyaymi jitaräcun. Puñullarmi cacun.

Isaías 9:15

Animalpa umanman tincuchishanga caycan rispitädu runacunawan mandajcunami. Chupanman tincuchishanga caycan llulla profëtacunami.

Jeremías 20:6

Gam Pasurtanami llapan castayquicunatawan Babiloniaman prësu apashunquipaj. Chauraga wañuptiqui chaychönami pampashunquipaj gamtapis llapan amïguyquicunatapis. Amïguyquicunataga llullapashpayquimi willapashcanqui› nir.»

Jeremías 28:11

Paquiycashan öra llapan runacunapa ñaupancho cayno niran: «Tayta Diosga nin: ‹Babiloniapa raynin Nabucodonosor yügunta llapan nasyuncunaman churashantaga cananpita ishcay watata caynömi paquir-usharishaj.› » Chaypita Jeremiasga aywacuran.

Jeremías 28:13

«Ayway Hananías cajman. Payta ninqui noga cayno nishäta: Gamga gueru yügutami paquishcanqui. Cananga fyërru yügunami caycan.

Jeremías 28:15

Chayno willarmi Jeremiasga mastapis Hananiasta niran: «Hananías wiyamay. Gamtaga manami Tayta Dioschu cachamusha-cashunqui. Gamga llullacuyllapami cay runacunata riguiycächinqui.

Jeremías 29:21

Israelcunapa munayniyoj Tayta Diosninmi Colaiaspa wamran Acabpäwan Maasiaspa wamran Sedequiaspaj cayno nin: «Paycunaga llutantami willaparcaycäshunqui ‹Tayta Diosmi willamasha› nir. Chayno cashanpitami Babiloniapa raynin Nabucodonosorpa maquinman chayachishaj. Chaura Nabucodonosornami gamcunapa ñaupayquicho wañuchenga.

Jeremías 29:31

«Prësu aywasha caycajcunaman willachiy. Noga Tayta Diosmi paycunata në: Nehelam runa Semaiasga noga mana cachaycämuptëmi jutëcho willacusha. Chay willacushanwan gamcunataga mana rasun cajtami riguichisha-cashunqui.

Jeremías 37:19

Cananga ¿maytaj ‹Babiloniapa raynin suldäruncunawan manami yaycamongapächu gamcunaman ni nasyunniquimanpis› nishoj profëtacunaga?

Jeremías 5:31

Profëtacuna willacushanpis llullallami. Cüracunapis antöjunmanmi mandarcaycan. ¡Chayno captinpis acrashä runacunaga manami imapis gocunchu! Ichanga jusgasha canayqui junaj chayamuptin gamcuna ¿imataraj ruranqui?»

Jeremías 8:10

Chaypitami warmincunapis juc runawanna tiyanga. Chacrancunatapis juc runanami aronga. Paycunaga jatunpis tacshapis yarpaycan mana allicunata rurayllapa gänayta. Profëtacunawan cüracunapis llullacushpanmi engañacuycan.

Jeremías 8:11

Paycunaga acrashä runacuna nanächicushantapis yanga yangallami jampin. Chayno rurarmi «Alli goyay caycan, alli goyay caycan» nin. Rasunpaga mana alli goyayllami caycan.

Lamentaciones 2:14

Profëtayquicuna willashushayquega manami rasunpachu caran. Juchayoj cashayquita paycunaga manami willashurayquichu. Willashuptiquega canan manami prësu aywanquimanchu caran. Llutanta willapäshushpayquimi gamcunataga riguichishurayqui.

Lamentaciones 2:9

Siudäpaga mananami cannachu puncuncuna, ni rancancunapis. Paquir-ushashami intëru pampacho mashtaraycan. Raytapis gobernadorcunatapis juc-lä nasyuncunamanmi apacusha. Tayta Diospa layninpis manami cannachu. Profëtacunatapis Tayta Diosga mananami musyachinnachu.

Ezequiel 12:24

Israelcunachöga manami yapay cangapänachu llullacuypa «Diosmi willamasha» nejcuna, ni engañar willacojcunapis.

Ezequiel 13:2

«Runa, noga nishäta rimay Israelcunacho caycaj profëtacunapaj. Chay profëtacuna quiquincunapa yarpaynillanpita willacurcaycajta cayno ninqui: ‹Wiyay-llapa Tayta Dios nishanta.

Ezequiel 13:23

Chaypitami gamcunaga manana llullacuypa willacunquipänachu. Ni mäjicacunatapis manami ruranquipänachu. Acrashä runacunataga nogami maquiquipita jorgushaj. Chaynöpami gamcunaga musyanquipaj noga Tayta Dios cashäta.› »

Ezequiel 21:29

Gamcuna ricapacushayquega manami rasun cajchu. Musyacojniquicunapis llullacuyllapami willaycäshunqui. Gamcunaga wañuchicoj runacunami canqui. Chaypitami örayqui chayamushana. Sabliga cuchongapaj gamcunapa cuncayquitami.

Miqueas 3:11

Autoridäcunapis runacuna pacayllapa pägashan cajta alli arriglan. Cüracunapis guellayllapämi yachaycächin. Profëtacunapis guellayllapämi willacuycan. Chayno ruraycarpis «Tayta Diosmi yanapaycäman» nir riguichin. «Tayta Diosga noganchïwanmi caycan. Ima mana allipis manami chayamäshunchu» nin.

Zacarías 10:2

Wasi ïdulucuna ribilacushanmi ichanga mana rasunpachu. Musyacojcuna «cayno wacno» nishanpis manami rasunpa cajchu. Chay runacuna suyñucunata willacushanga manami rasunpachu. Shacyächir willapashancunapis manami rasun cajchu. Chaymi gamcunaga uysha mashtacajnöpis pantacasha carcaycanqui. Uyshëruynaj uyshacuna-jinami fiyupa ñacarcaycanqui.

Zacarías 13:3

Chaura yapay imapis cananpaj pipis willacuyta munaptenga quiquincunapa taytancunami nengapaj: ‹¡Gamga wañunquipämi. Gamga llullacuypami quiquiquipa yarpayniquipita «Tayta Diospa willacuyninmi» niyta munaycanqui!› nir. ¡Quiquinpa taytancunami tucsiycärengapaj juc profëtano willacuycaptin!

Deuteronomio 18:20

Pï runapis profëta-tucushpan «Tayta Diosmi nimasha» nir manacajcunata willacuptin u juc dioscunapa jutincho willacuptenga gamcuna wañuchinqui.›

1 Timoteo 4:2

Paycunaga llullacushpanmi ishcay cära canga. Chaymi llutancunata yachachirpis mana imapis gocongachu.

1 Juan 4:1

Cuyay ermänucuna, cay pachachöga achcajmi llullacur profëta-tucurcaycan. «Espiritumi munayninwan tantiyachimasha» nejcunata llapantaga ama riguiychu. Chaypa ruquenga sumajraj mayapay. Mayapanqui Tayta Diospa Espiritunpa munayninwan parlaycashanta u jucpa munayninwan parlaycashantapis.