Jeremías 13:20 - Tayta Diosninchi Isquirbichishan

²⁰ Tayta Dios nin: «Jerusalencho tiyajcuna, sumaj ricchacuy pï aywaycämushantapis. Contrayquicunami norte caj-läpita aywarcaycämun. Mandanayquipaj cachapäshushayqui runacunata maquiquicho charararmi alli-tucurayqui. Cananga ¿maytaj chay runacuna?

Jeremías 13:20 ပူးပေါင်းရင်းမြစ်များ

Proverbios 14:28

Aypallata ray mandaptenga llapanpis allimi rican. Wallcallata ray mandaptenga manacajman churashami canga.

Jeremías 1:14

Chaura Tayta Dios nimaran: «Chaynömi cay nasyuncho tiyajcunamanga nortipita fiyupa manchariypaj ñacaycuna chayamongapaj.

Jeremías 1:15

Norte caj-lä nasyuncunacho tiyajcunata llapantami gayamushaj. Noga Tayta Diosmi cayno në. «Chay runacunaga rayninwan-camami shamongapaj. Jerusalenman yaycuna quiquin puncucunachömi mandananpaj sillunnincunata churacarcärengapaj. Sillunnincunata mandananpaj churacarcärenga curalaraycaj perga wajtancunachömi, Judá nasyuncho caycaj llapan siudäcunachömi.

Jeremías 10:22

¡Sumaj wiyay-llapa! ¡Mana alli willapami chayaycämun! Norte caj-lä nasyunpitami aypalla suldärucuna aywarcaycämun. Chay suldärucuna chayamushpan Judächo caycaj siudäcunataga illgarachengami. Chaura jirca allgucunallanami chaychöga tiyanga.

Jeremías 13:17

Gamcuna mana wiyacuptiquega alli-tucushayquipitami pacayllapa noga wagashaj. Tayta Dios acrashan runacunata prësu apacuptinmi llaquicuywan fiyupa wagashaj.

Jeremías 23:2

Gamcunaga chay uyshäcunatami mashtarishcanqui. Mana sumaj ricaptiquimi gueshpir aywacusha. Mana allita rurashayquipitaga nogapis castigashayqui imanöpis rurashayquimannömi. Noga Tayta Diosmi chayno në.

Jeremías 25:37

Fiyupa rabyacurcushpanmi Tayta Diosga cuyayllapaj caycaj jircacunata illgächisha.

Jeremías 6:22

Tayta Diosmi cayno nin: «Fiyupa caru norte cajpitami munayniyoj nasyun runacuna shamunanpaj camaricurcaycan.

Habacuc 1:6

Caldea runacunatami camaricachej-aywä guërraman aywananpaj. Paycunaga fiyu runacunami. Juc nasyuncunata charicarcärinanpaj may-chaypapis purin.