Jeremías 13:14 - Tayta Diosninchi Isquirbichishan

¹⁴ Nircurmi urputa paquejnöpis jucninta-jucninta tacanacachenga. Chaura paycuna illganga urpu paquir ushacashannömi. Chaynömi ruranga llapan runacunata papänincunatapis wamrancunatapis. Manami pitapis cuyapangachu. Pitapis mana cuyapashpanmi illgächenga› nir. Noga Tayta Diosmi chayno në.»

Jeremías 13:14 ပူးပေါင်းရင်းမြစ်များ

2 Crónicas 20:23

Amón cajwan Moab cajcunaga wañuycärachiran Seir jircapita shamojcunata. Chayta wañuycärachirna quiquin-pura wañuchinacuran.

Job 27:22

Imanöpa pacacuyta munaycaptinpis mana cuyapaypami chay runaman wayra chayanga.

Salmos 2:9

Fyërru bastunniquiwan magarmi llapan raycunata binsinquipaj. ¡Allpa mancata shallurejnömi usharinquipaj!»

Isaías 27:11

Chaychöga yörapa rämancunapis chaquir shicwanga. Chay shicwajta shuntarcurnami warmicuna yanuconga. Chaynöga canga chay runacuna yarpayniynaj captinmi. Chaypitami paycunata Camaj Diosga mana cuyapangachu ni llaquipangapischu.

Jeremías 15:5

«Jerusalén runacuna, ¿piraj cuyapäshunqui? ¿Piraj llaquipäshunqui? ¿Piraj imano goyaycashayquipäpis yarpachaconga?

Jeremías 15:6

Gamcunami cachaycamashcanqui. Gamcunami chiquicarcamashcanqui. Chayno cashayquipita mana awantarnami castigar illgächishayqui. Noga Tayta Diosmi chayno në.

Jeremías 16:5

Tayta Diosga mastapis nimaran: «Ama aywaychu wañusha runa täpacuycashanman. Chay wañojpäga ama wagaychu ni llaquicuypischu. Cay runacunataga cachaycushcä mana allina goyänanpämi. Mananami cuyänachu; ni cuyapänapischu.

Jeremías 21:7

Judäpa raynin Sedequiasta, suldäruncunata, mas mandaj suldäruncunatapis cachaycushaj contran ray Nabucodonosorpa maquinmanmi. Contrancunapa maquinmanmi cachaycushaj fiyu gueshyawan, yargaywan, guërrawan mana wañur siudächo cawaycar quëdaj runacunatapis. Nogami camacächishaj chay rayga mana cuyapaypa sabliwan wañuchinanpaj. Noga Tayta Diosmi chayno në.› »

Jeremías 25:16

Upucarcärerga gumitangami, mancharengami, löcuyaytami gallaycärenga. Chaynöga canga paycunacho guërra cananpaj noga camacächiptëmi.»

Jeremías 47:3

Cawallucuna cörriptin chaquincuna pagraraptin, carrëtacunapis tagraraptin, ruyrancuna aywashanpis wiyacaptin, papänincunaga wamrancunata cachariycärin llapanta gueshpichinanpaj callpan ni maquinpis mana aypaptin.

Jeremías 48:12

«Ichanga noga Tayta Dios në: «Juc junäga runacunatami cachamushaj chay juc pachallacho wiñaräcoj bïnuta jucman-jucman tacshir-ushananpaj. Jinaylla caj wiñacunatana paquir usharenga.

Jeremías 6:21

Chayno cashanpitami cay runacunapäga camacächishaj mana alliman chayananpaj. Chaynöpami wañur ushacanga taytanpis wamranpis bisïnunpis rejsinacushanpis.» Tayta Diosmi chayno nisha.

Lamentaciones 2:21

«Wamracunapis, auquincunapis cällicunachömi wañusha mashtarpaycan. Mösucunapis, jipashcunapis cuchuypami wañusha. Rabyasha caycashayqui örami wañuchishcanqui. Mana cuyapaypami wañuchishcanqui.

Ezequiel 24:14

Noga Tayta Diosmi chayno nishcä. Nishäga chaynömi canga. Quiquëmi chayno cananpaj camacächishäpis. Chaytaga manami cutiricushächu. Simrimi cumlishaj. Manami cuyapäshächu, ni pësacushäpischu. Imanöpis rurashayquipitami, imanöpis cashayquipitami castigashayquipaj. Noga Tayta Diosmi chayno në.»

Ezequiel 7:3

Ushacänayquipaj wallcanami pishin Israel. Llapan rabyäta pascacächinäpämi gamta castigashayqui. Imano rurashayquicunapitapis tapushayquimi. Melanaypaj mana allicunata rurashayquipitami castigashayqui.

Ezequiel 7:4

Manami cuyapäshayquipächu. Rurashayquimannömi castigashayqui. Melanaypajcunata rurashayquipitaga llapanpitami rurashayquimanno castïguwan cutichishayqui. Chaynöpami gamcuna tantiyacunquipaj noga Tayta Dios cashäta.›

Ezequiel 7:9

Manami cuyapäshayquipächu. Rurashayquimannömi castigashayqui. Melanaypajcunata rurashayquipitaga llapanpitami rurashayquimanno castïguwan cutichishayqui. Chaynöpami gamcuna tantiyacunquipaj noga Tayta Dios castigaycashäta.›

Ezequiel 8:18

Chayno rurashanpitami nogapis fiyupa rabyashpä castigashaj. Paycunataga manami cuyapäshächu. May-jina gaparaypa mañacamaptinpis manami wiyashächu.»

Ezequiel 9:10

Paycunata nogaga mananami cuyapänachu. Chaypa ruquenga imano imata rurashallanpitapis llapanpitami tapushaj.»

Ezequiel 9:5

Chaypitaga wiyarä pillyacunan aptasha runacunata cayno mandaycajta: «Gamcunapis siudäta tumamunayquipaj ayway paypa guepanta. Templöpita gallaycushpayqui mana cuyapaypa wañuchiy auquincunata, mösucunata, jipashcunata, wamracunata, warmicunatapis. Señalasha cajcunata ichanga ama wañuchinquichu.» Chaura paycunaga Templupa puncuncho caycaj auquincunapita-pacha wañuchiyta gallaycuran.

Oseas 2:4

Wamrancunatapis manami cuyapäshäpächu. Chay wamrancunaga caycan jucwan-jucwan cacushanpitami.

Zacarías 11:6

Nogapis yapayga manami cuyapäshänachu cay nasyuncho tiyaj runacunata. Chaypa ruquenga raypa y runa-masincunapa maquinmanmi cachaycushäpaj. Chay runacunami nasyuntaga pasaypa ushacashata cachayconga. Paycunapa maquinpitaga manami pitapis salbashäpächu. Noga Tayta Diosmi chayno në.»

Mateo 10:21

«Noga-janan chiquirmi wauguintapis autoridäcunaman apachenga wañuchinanpaj. Waquinnami wamranta apachenga wañuchinanpaj. Waquinnami taytantapis apachengapaj wañuchinanpaj.

Marcos 13:12

Nogapitami chiquir wauguintapis autoridäcunaman apachenga wañuchinanpaj. Waquinnami wamranta apachenga wañuchinanpaj. Waquinnami taytantapis apachenga wañuchinanpaj.

Deuteronomio 29:20

Tayta Diosga manami perdunashunquipächu, sinöga fiyupa rabyashpanmi cay librucho isquirbiraycaj llapan maldisyuncunawan castigashunquipaj gampita mirajcunapis ushacashanyaj.

1 Samuel 14:16

Benjamín trïbupa chacran Gabaacho Saulpa suldäruncunaga ricaran Filistea runacuna röpa-röpa gueshpiycajta.