Jeremías 10:21 - Tayta Diosninchi Isquirbichishan

²¹ Chaynöga caycan cay runacunapa mandajnincuna yarpayniynaj captinmi. Chay mandajcunaga Tayta Diosta manami wiyacushachu. Chaypitami castïgu chayasha. Cananga mandashan runacunapis mashtacashami carcaycan.

Jeremías 10:21 ပူးပေါင်းရင်းမြစ်များ

Jeremías 10:14

Runacunaga llapanpis upami, imatapis mana tantiyajmi. Ïduluncunaga ruraj runatapis pengacachinmi. Rurashan ïdulucunaga mana bälejmi, mana cawajmi.

Jeremías 10:8

Paycunaga llapanpis yarpayniynajllami. Manami tantiyayta atipanchu. Llagllasha gueruga paycunata manami imatapis yachachinchu.

Jeremías 12:10

Übas chacrata michicojcuna uywanwan lluchcachishannömi, contran mandajcunaga acrashä runacunata usharisha. Chay chacrä jananpami purisha. Chayno purishpanmi mas cuyashä chacrata chunyajman ticrarachisha.

Jeremías 2:8

Cüracunapis noga munashänöga manami rurashachu. Layta yachachejcunapis manami rejsimashachu. Mandajcunapis nogapa conträ ricacuran. Profëtacunapis Baalpaj willacusha. Chayno rurarmi imapäpis mana bälej ïdulucunallaman yäracusha.

Jeremías 22:30

Tayta Dios nin: «Cay runaga fiyupa mana allimanmi chayasha. Paytaga actamanpis apuntay wamraynaj runatanöna. Paypita mirar aywaj cäga Judächo yapay ray cananpaj manami mayganpis David jamarashan silluncho jamarangapänachu.»

Jeremías 49:32

¡Llapan uywancunata camëlluncunata suwapäshun!› nir. Sentïdunpa rutucojcunataga Nogami intëruman mashtacächishäpaj. Intërupitami paycunamanga ñacay chayanga. Noga Tayta Diosmi chayno në.

Jeremías 5:31

Profëtacuna willacushanpis llullallami. Cüracunapis antöjunmanmi mandarcaycan. ¡Chayno captinpis acrashä runacunaga manami imapis gocunchu! Ichanga jusgasha canayqui junaj chayamuptin gamcuna ¿imataraj ruranqui?»

Jeremías 50:17

«Israelcunaga caycaran jircacho ogracasha uysha caycajnömi. Chayno caycaptinmi rimëruga Asiriapa raynin micucoj liyunno shamuran. Chaypitaga Babiloniapa raynin Nabucodonosorna usharinanpaj shamuran.

Jeremías 8:9

Chaypitami chay musyaj-yachajcunaga pengaycho cangapaj. Trampaman yaycusha animalnöpis mancharenga. Noga nishätaga manacajmanmi churasha. Chauraga ¿imanöpataj yachaj canga?

Ezequiel 34:12

Uyshëru imanömi yarpachacun uyshancuna mashtacasha captin, chaynömi nogapis yarpachacushaj uyshäcunapäga. Chacaypa löcu wayra captin mashtacar maypa aywasha captinpis nogaga shuntamushämi.

Zacarías 10:3

Chaymi Tayta Diosga nin: «Nogaga fiyupami rabyacurcushcä mandajnincunapaj. Acrashä runacunata pusharajcunataga castigashämi. Chay uyshäcunataga noga munayniyoj Tayta Diosmi ricashaj. Paycunaga caycan Judäpita mirar-aywaj runacunami. Paycunaga canga guërracho pillyananpaj caycaj sinchi cawallucunanömi.

Zacarías 13:7

Munayniyoj Tayta Diosga caynömi nin: «Sabli, uyshëröpawan yanapämajnëpa contran ricacuy. Uyshëruta wañuycachiy. Chaura uyshacunaga machiypa-machirmi aywaconga. Noganami uysha-mallwäcunapa contran ricacushaj.