Jeremías 10:15 - Tayta Diosninchi Isquirbichishan

¹⁵ Chay mana bälej ïdulucunaga manacajllami. Chaycunataga Tayta Diosmi castïgu junaj illgächenga.

Jeremías 10:15 ပူးပေါင်းရင်းမြစ်များ

Salmos 115:9

Israelcuna gamcunaga Tayta Diosllaman yäracuy-llapa. Paymi yanapämanchi, imapitapis chapämanchi.

Isaías 41:24

Ichanga chay ‹diosnë› nishayquicuna manami ima ruraytapis camäpacunchu. Chaycunaga manacajllami caycan. Chay dioscunaman yäracojcunaga fiyupa melanaypämi.

Isaías 41:29

¡Chay dioscunaga mayganpis manami imapischu! Imata ruraytapis manami camäpacunchu. Chaycunaga caycan runa rurashallan y mana-bälejcunallami.»

Isaías 57:12

Imano cashayquitapis nogaga intërupami musyachishaj. Chauraga llapan rurashayquicunapis yangallapämi canga.

Jeremías 10:11

Ïdulucunata adurajcunata cayno niy: «Cay pachatapis syëlutapis mana ruraj dioscunaga llapanmi cay pachapita illganga. Ni jucnayllapis cay pachachöga manami cangapänachu.»

Jeremías 10:8

Paycunaga llapanpis yarpayniynajllami. Manami tantiyayta atipanchu. Llagllasha gueruga paycunata manami imatapis yachachinchu.

Jeremías 14:22

Juc dioscunaga manami mayganpis tamyata tamyachimunchu. Syëlupitapis quiquillanga manami tamyamunchu. Chaypa ruquenga gammi Tayta Dios tamyachimunqui. Ima-aycatapis gamllami camashcanqui. ¡Chaymi Tayta Dios gamllaman yäracaycämöcuna!

Jeremías 18:15

Acrashä runacunami ichanga gongaycamasha. Mana rasun caj dioscunallapämi insinsutapis rupachin. Unay purishan nänicunapita pantaycärirmi juc-läpana purircaycan. Mana rejsishan nänipanami aywarcaycan.

Jeremías 43:12

Egipto runacunapa diosnincunapa templuncunatapis rupaycachengami. Paycuna rurashan diosnincunatapis rupaycachengami. Mana rupachishpanga apacongami. Uyshëru jacunpita uruta tapsirishpan uruynajta cachaycushannömi Egipto nasyuntaga cachaycongapaj. Chayno ushaycur aywacuptin pipis manami imatapis rimapangapächu.

Jeremías 50:2

«Nasyuncunaman willacuy. Llapanta musyachiy. Señalpaj bandërata churay. Willapashätaga juctapis mana gongaypa willacuy. Cayno niy: ‹Babiloniataga maynami charisha. Bel diospis pengaychömi caycan. Marduc diosga fiyupa mancharishami caycan. Ïduluncunaga, manacaj diosnincunaga pengaychömi, mancharishami carcaycan.›

Jeremías 51:18

Chay mana bälej ïdulucunaga manacajllami. Chaycunataga Tayta Diosmi castïgu junaj illgächenga.

Jeremías 8:12

¿Fiyupa melanäcushä cajta rurarcur paycunaga pengacushachuraj? Manami ni imanillarpis pengacushachu. Manami musyannachu imano pengacuna cashantapis. Chayno cashanpitami castigaptëraj mayanga. Chayrämi mana alliman chayanga. Noga Tayta Diosmi chayno në.

Jeremías 8:19

Marca-masëcuna intëruchömi llaquicur wagashpan nircaycan: «Sionchöga ¿mananachu Tayta Dios can? Rayninchëga ¿mananachu chaycho can?» nir. Chayno niptinmi Tayta Dios nin: «¿Imapätaj gamcuna rabyachimanqui mana sirbej ïdulucunata adurashpayqui, juc-lä runacuna ‹diosnë› nishan mana bälejta adurashpayqui?» nir.

Oseas 9:7

Chayamushanami juchayquiman-tupu castiganäpaj caj junajcuna. Israelcuna, musyanquipänami castïgu mayna chayamushanta. Gamcunaga nircaycanqui: «Profëtaga upami, löcuyaycanmi» nir. Chaynöga nircaycanqui fiyupa juchasapa cashpayquimi, fiyupa chiquicushpayquimi.

Jonás 2:8

Mana bälej ïdulucunata adurajcunaga gamta gongaycushurayquimi.

Zacarías 13:2

«Chay junaj cay nasyunchöga intëruchömi ïdulucunata illgächishaj. Chayrämi mastaga manana imaypis parlanganachu chay ïdulucunapaj. Chay nasyunpitaga illgarachishämi llulla profëtacunata. Noga Tayta Diosmi chayno në.

Hechos 14:15

«Taytacuna, ama chayta ruraychu. Nogacunapis gamcunano runallami cä. Nogacunaga shamushcä cay manacaj custumricunata ruraycashayquita cachaycur Tayta Diosmanna yäracunayquipaj willapajmi. Paymi llapantapis camaran: syëlutapis, cay pachatapis, lamartapis, ima-aycatapis.

Deuteronomio 32:21

Mana dios caycaptin juc dioscunata adurashpanmi rabyachiman. Manacaj ïdulucunata adurashpanmi rabyachiman. Nogapis paycunata rabyachishaj juc marca runacunawan. Mana tantiyacoj runacunawanmi rabyachishaj.

1 Samuel 12:21

Ama yäracunquichu ïdulucunamanga. Chaycunaga manami imachöpis yanapäshunquipächu, salbashunquipächu.

1 Samuel 5:4

Yapay warannin tutapis Asdod runacuna Dagontaga tariran Tayta Diospa babulnin ñaupancho lätacasha jitaraycajta. Umanwan maquincunana paquisha jitarpaycaran puncu yaycurinacho. Cuerpullanna sänu caycaran.