Isaías 8:14 - Tayta Diosninchi Isquirbichishan

¹⁴ Chayno rispitamaptiqui nogaga gamcunata chapäshayquipämi. Judá y Israel runacunapämi ichanga cashaj juc togllano, tacacänanpaj rumino. Jerusalén runacunapäpis cashaj redano, wascano.

Isaías 8:14 ပူးပေါင်းရင်းမြစ်များ

Salmos 11:6

Tayta Diosga fiyu runacunaman tamyachimonga shanshata, nina rataycajta, asufrita. Chaynömi acaj fiyu wayratapis wayrächimonga ruparinanpaj. ¡Tayta Diosmi castiganga!

Salmos 140:5

Paycunaga alli-tucoj runacunami. Tuninäpaj wascatano churapämasha. Liyar pitucarcamänanpaj redata churapämasha. Nänicunaman togllancunata churasha manyapacar tuninäpaj. Selah

Salmos 69:22

Cananga quiquincuna alli micuyta micunanpaj shuntacashan cachun achäqui mana alliman chayananpaj.

Proverbios 18:10

Tayta Diosga caycan mana tunej alli arusha törrinömi. Alli runacuna payman yäracojtaga imapitapis chapanmi.

Isaías 25:4

Pobricunataga gammi imaypis washashcanqui. Llaquicuycajcunatapis yanapar chapashcanquimi. Löcu tamya mana chayananpaj pacacunanmi cashcanqui. Fiyupa shanay mana chayananpäpis llantunmi cashcanqui. Fiyu runacunapa jämayninmi ichanga caycan löcu tamyano,

Isaías 26:20

Marca-masëcuna wasiquiman yaycur puncuyquita wichgacarcäramuy. Tayta Dios rabyasha caycashanpita allchacänancama rätullapis pacacuycuy-llapa.

Isaías 28:16

Chaypitami Tayta Diosga nin: «Sionmanmi juc rumita churaj-aywä. Chaymanga churashaj acrasha rumitami. Chay rumiga cangapaj llapanpita mas allimi. Jinachöpis chay rumimi simintupa isquïnancho puntu rumi cangapaj. Chayman yäracoj cäga allimi goyanga.

Isaías 4:6

imapitapis chapänanpaj y washänanpaj. Fiyupa shanaptinpis chaycunaga canga llantupänanpaj, tamyaptinpis llantucunanpaj, löcu wayrapitapis chapänanpaj.

Isaías 59:10

Gapracunanöpis pergata yatayllapami puriycanchi. Ñawiynajnöpis tapra-taprami puriycanchi. Las-dösi inti caycaptinmi chacaypanöpis tacacanchi. Callpallanchïchöraj caycarmi wañushanöna carcaycanchi.

Isaías 7:16

Chay wamra manaraj sumaj yarpayninman chayaptinmi ishcan raycuna manchaycächishojpa nasyunnincuna illganga.

Jeremías 6:21

Chayno cashanpitami cay runacunapäga camacächishaj mana alliman chayananpaj. Chaynöpami wañur ushacanga taytanpis wamranpis bisïnunpis rejsinacushanpis.» Tayta Diosmi chayno nisha.

Ezequiel 11:16

«Chaymi Babiloniacho caycajcunata niy: ‹Tayta Dios caynömi nin: «Gamcunataga nogami gargushcä. Mashtacächishcäpis juc-lä nasyuncunaman, mana rejsisha nasyuncunaman. Ichanga chay-quinrancho wallca watallami goyanquipaj. Gamcuna goyaycashayqui nasyuncunachöga quiquëmi caycäshaj aduramänayquipaj» nir.›

Ezequiel 3:20

Chaynöpis capas juc alli runa ñaupata cashanman cuticunman. Chayno cashanpita capas mana alliman chayananpaj camacächiptë wañunman. Gam mana willapashayquipitami chay runaga juchanpita wañonga. Nogaga manami yarpashänachu chay runa allita rurashanta. Ichanga chay runa wañushanpita gamtami tapushayquipaj.

Mateo 13:57

Chayno nirmi Jesús yachachishancunataga mana chasquicuranchu. Chaymi Jesús niran: «Diospa profëtancunataga may-chaychöpis allimi rican. Marca-masincunawan famillyancunami ichanga mana chasquicunchu.»

Mateo 21:44

« ‹Manami allichu› nir jitarishan rumiman pipis tacacarga illgangami. Chay rumi juc runapa jananman shicwarpis pasaypami agullarenga.»

Lucas 2:34

Simeonga Tayta Diosta mañacuran paycunata alli yanapänanpaj. Nircur itipa maman Mariata niran: «Cay itimi Israelcunachöga waquinta alli cayman chayachenga. Waquintana castïguman chayachenga. Willapashanta achcajmi mana chasquengapächu.

Lucas 21:35

Cay pachaman cutimushä junäga pipis manami gueshpengachu. Cay pachacho caycajcunaga manami gueshpengachu, ni jucnayllapis.

Romanos 11:35

¿Piraj payta imallatapis gosha cutichinanpaj?

Josué 10:7

Chayno niptinmi Josuëga llapan suldäruncunawan Gilgalpita aywaran.

1 Pedro 2:8

Mas juc partichöpis nin: «Tacacänanpaj rumi, tunichicoj rumimi caycan.» Paycunaga tacacan Tayta Jesucristupa alli willacuyninta mana wiyacushpanmi. Paycunapäga ñaupatanami Tayta Dios distinaran chayno cananpaj.