Isaías 65:7 - Tayta Diosninchi Isquirbichishan

⁷ quiquincunapa juchanpita, taytancunapa juchanpitapis. Paycunaga puntacunacho insinsutapis rupachin. Puytush lömacunachöpis ïdulucunata adurar rabyachimaj. Chaypitami imanöpis rurashanman-tupu castigashaj.» Tayta Diosmi chayno nisha.

Isaías 65:7 ပူးပေါင်းရင်းမြစ်များ

1 Reyes 22:43

Josafatga papänin Asano allillata ruraran. Payga Tayta Diosta wiyacuran. Chaypis, runacuna ïdulucunata aduranan capillacunata, chaycho uywacunata pishtar rupachinanta, insinsuta saumachinacunatapis mana illgächiranchu.

1 Reyes 22:44

Josafatga Israelpa rayninwan jauca goyänanpaj alli parlacuran.

2 Reyes 12:3

Ichanga manami illgächiranchu ïdulucunata aduranan puytush lömacunacho caj capillacunata. Jinallami runacuna uywacunata pishtarcaycaran ïduluncunapaj. Insinsuwanpis saumaycächiran.

2 Reyes 14:4

Manami illgächiranchu ïdulucunata aduranan puytush lömacunacho caj capillacunata. Jinallami runacunaga sacrifisyucunata rupaycächiran. Insinsuwanpis saumaycächiran.

2 Reyes 15:35

Payga rurachiran Tayta Diospa Templunpa puncunta jawaman cajta. Ichanga manami illgächiranchu ïdulucunata aduranan puytush lömacunacho caj capillacunata. Jinallami runacuna uywacunata pishtarcaycaran ïdulucunapaj. Insinsuwanpis saumaycächiran.

2 Reyes 16:4

Uywacunatapis pishtaj, insinsutapis saumachej ïdulucunapa capillancunacho, altunnin jircacunacho, puytush lömacunacho, cupösu yöracunapa chaquincunacho.

2 Crónicas 21:11

Joramga Judá nasyun jircacunacho ïdulucunapaj capillacunata rurachiran. Chaynöpami Jerusalencho tiyajcunataga mana allita rurachiran Tayta Dios ricaptin. Judá runacunaga Tayta Diosta mana cäsurannachu.

Éxodo 20:5

Chaycunapa ñaupanmanga ama gongurpacunquichu ni aduranquipischu. Nogallami Tayta Diosniquega cä. Japalläta aduramänayquitami munä. Mana wiyacamar ïdulucunata adurajcunataga castigashaj maman-taytanta, wamranta, willcanta mas willcan cajtapis.

Isaías 10:12

Sión lömatawan Jerusalenta Asiriapa rayninwan ushaycacherga paytapis Tayta Dios castigangami. Castiganga alli-tucushanpita, ollgoj car munayniyoj-tucushanpita.

Isaías 13:11

Tayta Diosmi nin: «Allpacho tiyajcunataga ushajpämi illgächishaj. Mana allita rurashanpitami runata castigashaj. Mana rispitacojcunatawan alli-tucojcunatapis pengaymanmi churashaj. Alli-tucoj fiyu runacuna manami canganachu.

Isaías 22:14

Chaypitami munayniyoj Tayta Diosga yuriparcamashpan rinrillächo yachayllapa willapämaran: «Juchata rurashancunapitaga manami perdunashächu. Juchallanpitami wañonga.» Munayniyoj Tayta Diosmi chayno nisha.

Isaías 26:21

Tiyananpitami Tayta Diosga shamoj-aywan cay pachacho tiyajcunata juchanpita castigananpaj. Runa wañuchishan wañojcunata allpaga manami pacanganachu. Chaypa ruquin llapantami allpa ricacächenga.

Isaías 28:21

Tayta Diosga Perazim jircacho rurashannömi illajpita usharenga. Gabaón guechwacho rurashannömi rabyawan usharenga. Runa tantiyayta mana atipashantami ruranga.

Isaías 29:14

Chaypitami cay runacunapäga tantiyayta mana camäpacunanpaj camacächishaj. Camacächishaj cay runacuna fiyupa almirananpaj. Yachajcunapa yachaj cayninpis, tantiyajcunapa tantiyaj cayninpis manami canganachu.»

Isaías 3:11

¡Ay imanöraj canga juchasapacuna! Paycunataga imatapis rurashanman-tupumi Tayta Dios cutichenga.

Isaías 30:13

Chaypitami gamcunaga juchayoj canqui. Juchayquega altu perga shillisha caycajnömi caycan. Perga shillicar mana yarpashapita amicäcojnömi canga.

Isaías 30:14

Tunerga puyñu shallojnömi ricacunquipaj. Ushajpaj shallusha cashpan tullpapita shanshata jorgucunapäpis mana allino, ni yacuta chagacunapäpis mana allinöna ricacunquipaj.»

Isaías 57:12

Imano cashayquitapis nogaga intërupami musyachishaj. Chauraga llapan rurashayquicunapis yangallapämi canga.

Isaías 57:7

Altunnin puntacunachömi cämayquitapis camacächishcanqui. Chaycamami wichashcanqui sacrifisyucunata garanayquipaj.

Isaías 59:18

Chayno camaricurcurmi Tayta Diosga cada-ünunta imanöpis rurashanmanno cutichenga. Contrancunataga castigangami. Chiquej cajtaga imanöpis rurashanmannömi cutichenga. Chaynömi ruranga lamar cantun nasyuncunacho tiyaycajtapis.

Isaías 65:6

Chay runacuna imanöpis rurashanga llapanmi nogapa ñaupächo isquirbiraycan. Chaymi castigänillataga mana cachashächu. Paycunataga castigashaj

Isaías 66:4

Chayno rurajcunapäga nogapis ñacananpämi acrashaj. Chaymi paycunamanga fiyupa manchacushan cajtaraj chayachishaj. Chayno cananpäga camacächishaj gayaptëpis mana wiyamashanpitami, willapaptëpis mana tantiyacushanpitami. Paycunaga mana gustashä cajtami rurasha. Noga mana munashä cajtami acrashapis.»

Jeremías 13:25

Israel runacuna, gamcunapaga chayno canayquipämi distïnuyqui. Chayno ruranätami gamcunaga munashcanqui. Noga Tayta Diosmi chayno në. Gamcunaga nogata gongaycamashpayquimi mana sirbej ïdulucunaman yäracushcanqui.

Jeremías 13:27

Nogaga gamcunata ricashcämi mañösa warmi runacunata chasquejno pengaypaj juc dioscunata adurashayquita. Ricashcämi puytush lömacunacho chacracunacho melanaypajcunata rurashayquitapis. ¡Ay imanöraj canqui Jerusalén runacuna! ¿Imaycamaraj chayno ganralla carcaycanqui?»

Jeremías 16:18

Paycunaga mana sirbej aypalla ïduluncunata adurarmi partisyunta goycushä nasyunta ganrachisha. Chay partichöga intëruchömi mana munashäcunata rurasha. Chaymi paycunataga juchata rurashanpita fiyupa castigashaj.»

Jeremías 5:29

Chayno rurarcaycaptenga ¿imanirtaj mana castigämanchu? Chayno runacunataga yarpachacunanpaj ¿manachu castigäman? Noga Tayta Diosmi chayno në.

Jeremías 5:9

Chayno carcaycaptenga ¿imanirtaj mana castigämanchu? Chayno runacunataga yarpachacunanpaj ¿manachu castigäman?

Ezequiel 18:6

Manami puytush lömacunaman witipanchu ïdulucunata adurananpaj micuyta rurachishanmanpis. Manami yäracunchu mana dios caycaptin Israelcuna ‹diosnë› nishancunaman. Manami jucpa warminwan cacunchu. Manami quilla gueshyanwan caycaj warmiwan cacunchu.

Daniel 9:8

Tayta Dios nogacunapis, chayno raynëcunapis, unay caj awilöcunapis fiyupa pengacushami carcaycä ricaycämaptiqui mana allita rurashäpita.

Oseas 11:2

Chayno gayaycaptëpis nogapitaga masmi witicoj. Paycunaga mana dios caycaptin ‹diosnë› nishanpämi garayninta churapaj. Ïdulucunatami insinsuwanpis saumachej.

Oseas 2:13

Castigashaj ayca watapis Baal dios-niraj ïdulucunapaj saumachishanpitami. Nogata cachaycamashpanmi wallgacunata, surtïjacunata jaticurcur cuyashancunapa guepanta aywacuran.» Tayta Diosmi chayno nisha.

Levítico 26:39

Contrayquicunapa nasyunnincho cawaycar quëdajcunapis juchanpitami wañonga. ¡Cawaycar quëdaj wamrayquicunapis wañur ushacangapämi!

Números 32:14

«¿Canan gamcunapis Tayta Diosta rabyachej unay Israel-masiquicunanöllachu guellanächiyta munaycanqui? Chayno guellanächiptiquega yapaymi Israelcunapaj Tayta Dios rabyacurcongapaj.

Lucas 6:38

Pï-maytapis goycuptiquega gamtapis chaynöllami goycushunquipaj. Chasquinquipaj junta shajshipayllapa wiñasha jichay jichaytami. Runa-masiquita imanöpis ricashayquimannöllami Tayta Diospis ricashunquipaj.»

1 Tesalonicenses 2:16

Mana Israel runacuna salbacunanpaj Jesucristupa alli willacuyninta willapänäta paycunaga manami munanchu. Chayno car masmi juchata aparicuycan. Chayno cashanpitami fisyu junäga paycunata Tayta Diosninchi fiyupa castiganga.