Isaías 65:17 - Tayta Diosninchi Isquirbichishan

¹⁷ «Sumaj wiyamay. Nogami camaj aywä syëluta y cay pachatapis mushojta. Unay cajcunaga gongacashami canga. Chaytaga manami pipis yarpangapänachu.

Isaías 65:17 ပူးပေါင်းရင်းမြစ်များ

Isaías 43:18

Cananga acrashä runacunata noga në: Ñaupa cajcunallapäga ama yarparaychu. Ni unay cashancunallapäpis ama yarparaychu.

Isaías 46:9

Unaypita-pacha imano päsashantapis yarpay. Nogallami Diosga cä. Manami mas juc Dios canchu. Nogaman tincöga manami juc dios canchu.

Isaías 51:16

Syëluta mashtacächirä. Allpatapis sumaj camacächishcä. Rimanäpaj cajtapis nogami shimiquiman churashcä. Nogami ima chayashunayquitapis munaynëwan chapashcä. Nogami Siontaga nirä: ‹Gamga acrashämi canqui› nir.»

Isaías 66:22

Mastapis Tayta Diosga nin: «Mushoj syëlutawan mushoj pachata camanäpaj caycajcuna imaycamapis mana ushacaj cashannömi gamcunapita mirajcunapis canga. Jutiquipis imaycamapis yarpasha canga.

Jeremías 3:16

Shamoj watacunacho tiyashayqui nasyuncho aypallamanmi miranquipaj; wamrayquicunapis aypallanami cangapaj. Chauraga manami pipis parlangapänachu conträtuta rurashanchi babulpaj. Chay babulpäga manami pipis yarpangapänachu, ni ruraytapis yarpangapänachu. Noga Tayta Diosmi chayno në.

1 Corintios 2:9

Tayta Diosninchïpa palabranchöpis caynömi niycan: «Pipis mana ricashanta ni mana wiyashanta ni mana yarpashantami payta cuyajcunapäga Tayta Diosninchi camarisha.»

2 Corintios 5:17

Pipis Jesucristuman yäracorga mushoj runanami caycan. Manami ñaupata cawashannönachu cawan. Llapanpis mushojnami.

Hebreos 12:27

«Yapaymi» nerga musyachimanchi llapan camashancunata sicsicyachir illgarachinanpaj cashantami. Chayno ruraptinmi syëlucho caycaj mana ushacajcunallana quëdanga.

2 Pedro 3:13

Noganchïtami ichanga aunimashanchïno Tayta Diosninchi shuyaraycächimanchi mushoj syëluta, mushoj pachatapis. Chaychöga Tayta Diosninchi munashannöllanami llapanpis allilla cangapaj.