Isaías 65:1 - Tayta Diosninchi Isquirbichishan

¹ Tayta Dios caynömi nin: «Nogapaj mana yarpachacojcunatami yuripashcä. Mana ashimajcuna tarimänanpämi camacächishcä. Nogaman mana yäracamoj nasyun runacunatami ‹¡Shamuy! ¡Caychömi caycä!› nishcä.

Isaías 65:1 ပူးပေါင်းရင်းမြစ်များ

2 Samuel 1:7

Chay öra Saulga ticrarcur ricäramar gayamaran. Chaura noga aywashcä.

Salmos 22:27

Tucuy casta carpis, may nasyunpita carpis Tayta Diosmanna yäraconga. Cay pachacho tiyajcunaga llapan runacunami Tayta Diosta adurananpaj shamonga.

Isaías 11:10

Chay wichanga tumpuno caycaj Isaïpita mirar aywaj yurejmi llapan runacunata shuntanga. Llapan nasyun runacunami payta ashej aywanga. Pay caycashannami fiyupa rispitädu cangapaj.

Isaías 40:9

Sionman alli willapata apaj, altunnin puntaman wichay. Chaypita intërupa willacushpayqui llapan callpayquipa gayaray. Jerusalenman alli willapata apaj, mana manchacuypa sinchi gayaray. Judá siudäcunacho tiyajcunata willapay «¡Diosninchëga jananchichönami!» nir.

Isaías 41:27

Nogami gallarinanpita-pachapis Sión runacunamanga willacachirä. Nogami Jerusalenmanpis alli willapata willacoj cacharä.

Isaías 43:1

Cananmi ichanga Jacobpita mirar aywaj Israelcuna, camashoj Tayta Diosniqui cayno nishunqui: «Ama manchacuychu. Nogami gamtaga salbashcä. Jutiquipami gayashcä. Nogapanami canqui.

Isaías 45:22

«May caru allpapa cuchuncho cajpis Nogaman shamuptiquega salbashayquimi. Nogallami Diosga cä. Nogapita mas juc diosga manami canchu.

Isaías 55:5

Gamga mana rejsishayqui runacunatami gayanquipaj. Mana rejsishayqui marca runacunanami gam cajman cörriypa shamongapaj. Chaynöga cangapaj Israelcunapa Santo Tayta Diosnin gamta fiyupa rispitädu cayman churasha-cashuptiquimi.»

Isaías 63:19

Chaymi nogacunaga caycä imaypis mana mandashayqui nasyun runacunanöna, imaypis mana alabashoj runacunanöna.

Oseas 1:10

Juc junajmi ichanga Israelcuna cangapaj lamar cantuncho agush goturaycajnöraj. Manami pipis yupayta atipangapächu. Ñaupata «Gamcuna manami acrashä runacunachu canqui» nishushayqui pachachömi Dios nishunquipaj: «Gamcuna canqui cawaj Diospa wamrancunami» nishpanna.

Zacarías 2:11

Chayno captenga achca nasyun runacunami sirbimangapaj. Chaura nogaga paycuna cajchömi caycäshaj. Paycunaga acrashä runacunanami canga,» nir. Chayno captinrämi gamcunaga musyanquipaj munayniyoj Tayta Dios nogata cachamashanta.

Lucas 13:12

Chayno caycajta ricar Jesús gayaycur niran: «Curcu cashayquipita cananga sänunami ricacunqui.»

Juan 1:29

Warannin junaj quiquin Bautisaj Juan cajman Jesús yaycuycaran. Chaymi Juanga niran: «¡Masqui ricay-llapa! ¡Tagaymi caycan Tayta Diospa Cashni uyshanno! Paytami Tayta Dios cachamusha llapan runacunapa juchanta apananpaj.

Romanos 10:20

Chaypitapis Isaiasga Tayta Diosninchi nishanta mana manchacuypa niran: «Mana ashimajcuna tarimänanpämi camacächishcä. Nogapaj mana yarpachacojcunatami yuripashcä.»

Romanos 9:30

¿Imatanataj nishayquipis? Mana Israel runacunaga Tayta Dios alli ricananta manami ashiranchu. Chaypis Jesucristuman yäracuyninpami Tayta Diosninchëga salbasha.

1 Pedro 2:10

Ñaupataga manami Tayta Diosninchïpa marcanchu cashcanqui. Cananmi ichanga Tayta Diosninchi acrashan marca runacunana caycanqui. Ñaupataga Dios manami cuyasha-cashunquichu. Cananmi ichanga fiyupa cuyashunqui.