Isaías 64:9 - Tayta Diosninchi Isquirbichishan

⁹ Tayta Dios, ama fiyupaga rabyacurcuychu ari. Juchäcunatapis ama para-simriga yarparaychu ari. ¡Nogacunaga acrashayqui runacunami cä!

Isaías 64:9 ပူးပေါင်းရင်းမြစ်များ

2 Reyes 25:9

Chayaycur rupaycachiran Templuta, palasyuta, siudächo caycaj wasicunata, mas rispitädu runacunapa wasincunata.

Salmos 119:94

Salbaycamay ari. Nogaga gampami cä. Willapämashayquicunataga cumliycämi.

Salmos 38:1

Tayta Dios, rabyasha caycashpayquega ama piñacamaychu. Ollgusha caycarpis ama castigamaychu.

Salmos 6:1

Tayta Dios, rabyasha caycashayqui öraga ama piñacamaychu. Fiyupa rabyasha carga ama castigamaychu.

Salmos 79:13

Acrashayqui runacunaga uyshayquicunanömi. Imaypis agradësicuycäshayquimi. Imaycamapis mana cachaycuypami gamta alabar alabansacunata cantaycäshaj.

Isaías 43:25

«Chaypis nogaga Diosniqui cashpämi conträ rurashayquicunata gongaycöna. Jucha rurashayquicunatapis manami yarpäshänachu.

Isaías 57:17

Israelcuna juchata rurashanpitami juc timpu rabyasha caycarä. Chaynöpami paycunataga castigarcur cachaycurä. Chaura paycunaga quiquincuna munashannöna goyaran.

Isaías 60:10

«Nogaga rabyacurcurmi gamta castigarä. Cananmi ichanga gamta cuyashäta musyachishayqui. Chaymi pergayquicuna juchusha caycajtapis juc-lä nasyun runacuna allchanga. Raynincunapis sirbishunquipaj.

Isaías 63:18

¡Acrashayqui runacunaga goycushayqui nasyuncho wallca watallami tiyasha! Cananga conträcunami Templuyquita pasaypa ganraycächin.

Isaías 63:19

Chaymi nogacunaga caycä imaypis mana mandashayqui nasyun runacunanöna, imaypis mana alabashoj runacunanöna.

Isaías 63:8

Tayta Diosga niran: «Paycunaga acrashä runacunami. Paycunaga manami gongaycamangachu.» Chaymi Tayta Diosga salbaran.

Jeremías 10:24

Tayta Dios, castigarga castigamay cuyapayllapa. Rabyashaga ama castigamaychu ari. Rabyasha castigamarga illgarachimanquimanchari.

Jeremías 3:12

Chaymi gam aywashpayqui norte caj-läman ricacurcur willacunqui noga cayno nishäta: «¡Mana wiyacoj Israel nogaman cuticamuy! Cutimuptiqui manami rabyashaga chasquishayquichu. Manami rabyashallaga cacushäpäpischu. Nogaga cuyapäcojmi cä.

Jeremías 44:21

«¿Chaycunata rurashayquita Tayta Dios mana musyashantachu gamcunaga yarpanqui? Payga llapantami musyaran. Musyaranmi unay caj awiluyquicuna, rayniquicuna, mandajniquicuna, llapan runacuna juc dioscunata rispitar intëru Judá siudäcunacho, Jerusalén cällicunachöpis insinsuta rupachishayquicunata.

Lamentaciones 2:7

Tayta Diosga Templunta manami ricaytapis munannachu. Altarnintapis manacajmannami churasha. Chiquejcunapa munayninmanmi cachaycusha siudäta curalaraj pergacunatapis. Nircur Tayta Diospa Templunchöga fistacho caycaj-jinaraj talluypa-tallur gaparpaycan.

Lamentaciones 5:18

Sión lömapis cananga caycan gotuy-gotuy juchushallami. Chaychöga atojcunallanami cutir ticrar puricunpis.

Lamentaciones 5:20

¿Imanirtäshi para-simriga gongaycamänayqui caran? ¿Imanirtäshi unaycamaga cachaycamänayqui caran?

Lamentaciones 5:22

Ichanga, gam Tayta nogacunata ricamaytapis manami munanquichu. Nogacunapäga fiyupami rabyacurcushcanqui.

Ezequiel 29:16

Israel runacunapis yapayga mananami Egiptuman yäracongapänachu. Chaypa ruquenga paycuna tantiyaconga Egiptuman guellicushpan mana allita rurashantami. Chauraga paycuna musyangapämi noga Tayta Dios cashäta.› »

Levítico 26:31

Siudäniquicunatapis ragällantami cachaycushaj. Capillayquicunatapis juchurachishaj. Nogapaj alli jömuy chayamunanpaj uywacunata rupachiptiquipis manami cushicushänachu.

Habacuc 3:2

Tayta Dios, intërupa rejsisha cashayquitami musyashcä. Tayta Dios, imata imano rurashayquitapis wiyarmi fiyupa almirä. Unaycuna rurashayquino ruray ari canan nogacuna caycashä wichanpis. Chaynöpanami nogacunapis rurashayquita musyashaj. Rabyashpayquipis cuyapäcoj cashayquita yarpaycuy ari.

Malaquías 1:4

Esaú casta Edom runacunaga caynömi nin: «Cäsi ushajpämi ushamashcanchi. Ichanga yapaymi juc nasyun cananchïpaj mirashun» nir. Munayniyoj Tayta Diosmi ichanga nin: «Paycuna siudänincunata yapay allchaptinpis nogaga yapaymi illgächishaj. Paycunapa nasyunninpa jutenga canga ‹Mana alli nasyun› nir, ‹Tayta Dios para-simri rabyapashan nasyun› nir.

2 Pedro 2:17

Llutan yachachicojcunaga chaquisha pucyunömi, wacpa-caypa puricoj chaqui pucutaynömi. ¡Paycunapäga maynami camarisha caycan yanauyaycaj chacay, chayllacho imaycamapis wichgaränanpaj!

Apocalipsis 20:10

Runacunata engañaj dyablutana Tayta Dios gayconga asufriyoj nina rataycaj gochaman. Waräcuytapis engañacoj profëtatapis maynami gaycusha. Paycunaga para-simrimi chacaypa junajpapis ñacanga.