Isaías 64:6 - Tayta Diosninchi Isquirbichishan

⁶ Nogacunaga llapäpis caycä ganra runanömi. Allita rurashäcunapis ganra räpunömi caycan. Llapanëpis caycä garwashtar öja yagashanömi. Juchäcunami wayra apajnöpis mana alliman chayaycächiman.

Isaías 64:6 ပူးပေါင်းရင်းမြစ်များ

2 Samuel 22:46

Juc-lä nasyun runacunaga manchacamanmi. Pacacunanpitapis sicsicyaycarmi llojshimun.

Job 14:4

¿Piraj ganra caycajta limyuyächinman? ¡Pipis manami puydinchu!

Job 25:4

Runaga ¿imanöpataj Tayta Diospa ñaupancho juchaynaj canga? Warmipa wawanga ¿imanöpataj limyu canga?

Job 40:4

«¿Imataräshi nogaga nëman pasaypa manacajlla caycashpäga? Chaypa ruquenga upällallana cacushaj.

Salmos 1:4

Fiyu runacunapäga manami chaynöchu. Paycunaga carcaycan wayra apashan chaqui panganömi.

Salmos 14:4

Fiyu runacunaga manami imatapis tantiyannachu. Cuyashä runacunataga tantata micojnömi ushacarcärin. Tayta Diostaga manami manchacunnachu.

Salmos 51:5

Mamäpa pachancho cashäpita-pachami juchasapa caycä. Yurishäpita-pachapis juchasapallami caycä.

Isaías 1:28

Mana wiyacojcunawan juchasapacunami ichanga wañuchicanga. Tayta Diosta gongaycoj cajcunaga llapanmi wañonga.

Isaías 1:30

Gamcunaga canquipaj yörapa öjancuna garwashtar shicwajnömi, yacunpita werta chaquiycajnömi.

Isaías 43:22

«Chaypis gamcunaga Jacobpita mirar aywaj Israelcuna manami alabamashcanquichu. Chaypa ruquenga yamacämashcanquimi.

Isaías 46:12

Wiyamay rumi shongu runacuna. Gamcunaga manami salbasharächu caycanqui.

Isaías 48:1

Jacobpita miraj cashpayqui Israel jutita aparajcuna wiyay. Judá trïbu runacuna wiyay. Gamcunaga juranquipis Tayta Diospa jutinchömi. Israelpa Diosnintami mañacunquipis. Ichanga janan shongullami Tayta Diosta rispitaj-tucunqui.

Isaías 50:1

Tayta Diosmi cayno nin: «¡Gamcunaga capas yarpanqui juc runa warminwan raquicajno Israelta cachaycushäta! Chauraga ¿maytaj raquicashä papil? ¡Capas yarpanqui pipapis jagan cashpä gamcuna uyway canayquipaj ranticuycushäta! Chauraga ¿maytaj jaga cashä papil? Chaypa ruquin gamcunaga juchayquipitami ranticusha cashcanqui. Gamcuna mana wiyacoj cashayquipitami mamayqui Israelga jitaricasha.

Isaías 50:2

¿Imanirtaj noga shamushpäga pitapis mana tariränachu? ¿Imanirtaj, gayacuptëga pipis mana wiyamashachu? ¿Manachu riguiran jorgunäpaj cashanta? ¿Manachu riguiran salbanäpaj cashanta? Noga juc shimi rimarcuptillämi lamar yacupis chaquicäcunman, mayucunapis chaqui jircaman ticracurinman. Chauraga pescäducunapis yacunaypita wañunmanmi, yacu mana captin ismunmanmi.

Isaías 53:6

Llapanchïmi uyshacunano ogracasha carcaycashcanchi. Cada-ünunchïmi quiquinchi munashanchïno goyäcushcanchi. Ichanga juchanchïcunapita paylla ñacananpämi Tayta Diosga camacächisha.

Isaías 6:5

Chaymi nogaga gapachacur nirä: «¡Ay, cananga wañushächari! Nogaga juchayoj runa caycashpämi, juchasapa runacunawan tiyaycashpämi caway-ñawëpa ricashcä munayniyoj Tayta Diosta. Rayninchi Tayta Diostami ricashcä» nir.

Isaías 8:17

Jacobpita mirar aywaj runacunapita Tayta Dios pacacusha captinpis nogaga paymanmi imaypis yäracö. Imano captinpis payllamanmi yäracuycä.

Daniel 9:13

Cay ñacaycunaga llapanmi nogacunaman chayamusha Moisés isquirbishan laycho niycashanno. Chaypis nogacunaga manami gamman ricäramushcächu. Gam nishayquita ruranäpäga manami yarpachacushcächu. Llutan ruraycunallachömi goyashcä.

Oseas 4:19

Chayno ïdulucunata adurashanpitami wayra shamushpan älancunacho apacongapaj. Chayrämi pengaycho quëdangapäga.

Oseas 7:7

Paycunaga jurnu rataycajno cashpanmi autoridänincunatapis wañuchisha. Raynincunatapis rucachisha. Ichanga ni jucnayllapis manami canchu nogata mañacamäga.

Levítico 13:12

«Chay runapa garancho yurircur rätu mirar chaquipita umancama yur'gaypa yur'gar yagacuriptenga

Zacarías 3:3

Josuëga pasaypa ganra röpan jatisha jinalla ichiraycaran Tayta Diospa anjilninpa ñaupancho.

Romanos 7:18

Musyämi jucha rurayllapaj yarparaycashäta. Alli cajcunata rurayta munarpis manami camäpacöchu.

Romanos 7:24

¡Nogapäga cawaypis manami cawaynachu! Quiquëchömi juchaga caycan. Chayga wañuymanmi apaycäman. ¿Pillaraj salbaycamanman?

Filipenses 3:9

Cananga Jesucristuwan jucnayllanömi cawä. Manami laycunata cumlishäpitachu ni allicunata rurashäpitapischu Tayta Diosga alli ricaman. Chaypa ruquenga Jesucristuman yäracuptinchïmi Tayta Dios alli ricamanchi.

Tito 3:3

Jesucristuta manaraj chasquicorga noganchïpis waquin runanöllami mana tantiyacur Tayta Diosta mana wiyacuranchïchu. Chaymi jucha ruraycunata cachariyta mana camäpacuranchïchu. Chiquinacur rimanacur goyaranchi.

Apocalipsis 7:13

Chaymi ishcay chunca chuscu (24) mayur runacunapita jucga tapumaran: «¿Picunataj yuraj röpan jatisha caycäga? ¿Maypitataj shamusha?» nir.