Isaías 63:8 - Tayta Diosninchi Isquirbichishan

⁸ Tayta Diosga niran: «Paycunaga acrashä runacunami. Paycunaga manami gongaycamangachu.» Chaymi Tayta Diosga salbaran.

Isaías 63:8 ပူးပေါင်းရင်းမြစ်များ

Génesis 17:7

Gamwanpis gampita mirajcunawanpis conträtutami rurashaj. Chay conträtu rurashäga imaycamapis canga. Nogami cashaj gampa Diosniqui; chayno gampita mirajcunapapis.

Salmos 106:21

Paycunaga gongaycäriran salbajnin Tayta Dios Egiptucho munayninwan milagrucunata rurashanta.

Éxodo 14:30

Chay junaj Egiptucunapa maquinpita Tayta Dios Israelcunata gueshpichiran. Chaypitaga Israelcuna ricaran lamar cuchuncho Egiptucunapa ayan wampurcaycajta.

Éxodo 24:7

Chaypitaga conträtuta rurar isquirbishan libruta liguiparan llapan runacunata. Chaura runacunanami niran: «Tayta Dios nishancunataga llapantami wiyacushaj, cumlishaj» nir.

Éxodo 3:7

Chaypis Tayta Dios sïguir niycaran: «Musyämi Egiptucho acrashä runacuna fiyupa llaquicur goyaycashanta. Wiyashcämi capatasnincuna ñacachiptin llaquicur mañacamashantapis.

Éxodo 6:7

Israelcunaga cangapaj noga acrashä runacunami. Nogami cashaj paycunapa Diosnin. Paycunanami musyangapaj Tayta Diosnin cashäta. Egiptucuna fiyupa ñacay aruycho caycächishanpita jorgurcurmi

Isaías 12:2

Tayta Diosmi salbaman. Payman yäracurmi imapitapis mana manchacöchu. Tayta Diosmi callpata goman, imapitapis pacaman. Paymi salbamajnë.»

Isaías 19:20

Chayga señal cangapaj munayniyoj Tayta Diosta Egiptuchöpis rispitashan musyacänanpämi. Paycunaga fiyupa ñacachiptinmi yanapänanpaj Tayta Diosta mañaconga. Chaura paymi cachamongapaj juc salbajta imapitapis chapänanpaj, ñacaycajta jorgunanpaj.

Isaías 3:15

¿Imanirtaj chaynöga acrashä runacunata ñacaycächinqui? ¿Imanirtaj pobricunata ñacachishcanqui?» Munayniyoj Tayta Diosmi chayno nishunqui.

Isaías 41:8

Tayta Diosga mastapis niran: «Jacobpita miraj Israelcuna, gamcunaga sirbimajnëmi carcaycanqui. Gamcunataga nogami acracushcä. Gamcunaga amïgö Abrahampita mirar-aywajmi carcaycanqui.

Isaías 43:11

Nogallami Tayta Diosga cä. Nogallami salbacöga cä.

Isaías 43:3

Nogami cä gamcunapa Tayta Diosniqui, salbashojniqui. Gam Israelcunapa Santo Diosniquimi caycä. Gamcunata jorgamunäpäga ruquiqui churashcä Egiptutami, Etiopiatami, Sabätami.

Isaías 51:4

«Acrashä runacuna sumaj wiyamay. Acrashä nasyun runacuna sumaj tantiyay. Yachachicuynëcunatami willacachishäpaj. Chaycunaga llapan nasyun runacunapaj achquinömi canga noga munashänöna cawananpaj.

Isaías 57:11

«¿Pita manchacushpayquitaj nogata engañamashcanqui? ¿Pita rispitashpayquitaj nogata gongaycamashcanqui? ¿Unaypita-pacha mana rimacuptëchu gamcunaga mana rispitamanquichu?

Isaías 60:16

Llapan nasyuncunami allinnin micuynincunata apapämushunquipaj. Raycunanami riquësancunata apapämushunquipaj. Chauraga tantiyacunquipämi noga Tayta Diosniqui salbashoj cashäta, Jacob rispitashan Munayniyoj Dios gamta imapitapis jorgoj cashäta.

Isaías 64:8

Imano casha captëpis Tayta Dios gammi canqui nogacunapa papänëga. Nogacunaga cä mitullapitami. Gamnami canqui manca ruraj. ¡Llapanëpis cä gam ruramashallayquimi!

Isaías 64:9

Tayta Dios, ama fiyupaga rabyacurcuychu ari. Juchäcunatapis ama para-simriga yarparaychu ari. ¡Nogacunaga acrashayqui runacunami cä!

Jeremías 14:8

Gamllamanmi Israelcunaga yäracamö. Fiyupa llaquicurcaycaptëpis gamllami imapitapis salbamanqui. Cananga ¿imanirtaj cay nasyunchöga jäpano caycanqui? ¿Imanirtaj gorpa pachacojnölla caycanqui?

Oseas 13:4

Tayta Diosmi acrashan runacunata nin: «Nogami Egiptucho cashayquipita-pachapis Diosniqui cä. Nogapita mas juctaga ama pitapis ‹Diosnë› niychu. Nogallami cä gamcunata salbäga.

Sofonías 3:7

Chayno rurar noga yarparä: ‹Chayno ruraycaptëga Jerusalén runacuna manchacamangami, wiyacamangami. Wiyacamaptinnaga noga manami castigashänachu. Chaynöpa tiyashan wasincunapis sänulla quëdanga› nir. Ichanga paycuna masmi tucuy-niraj mana allicunata rurasha.

Juan 1:47

Chaypitanaga Natanael chayaycajta ricar Jesús niran: «Paymi ichanga rasunpa Israel runa. Payga llullacuyta manami yachanchu.»

Romanos 11:28

Canancunaga Israelcunapa contran-nirajmi Tayta Diosninchi caycan. Ichanga chayno caycan gamcuna Jesucristuman yäracunayquipämi. Israelcunataga jinallami Tayta Dios cuyaycan. Unay awiluncunatami auniran acrashan runacuna cananpaj.

Efesios 4:25

Chayno caycaptenga amana llullapänacuynachu. Llapaninchïpis jucnayllanöna caycarga rasun cajllatana rimashun.

Deuteronomio 32:5

«Fiyu, juchasapa runacuna, Tayta Diosta rabyachej, Paypa ‹wamran› ninäpäpis manami allichu canqui.

Deuteronomio 33:29

Israelcuna cushicäriy. ¿Picunaräshi gamcunamanga tincunman? Tayta Dios quiquinmi gamcunataga salbashunqui. Paymi imapitapis chapäshushpayqui yanapäshunqui. Paymi contrayquicunatapis binsëshishunquipaj. Chiquishojcunataga ushajpämi wañuchinquipaj. Alli-tucuycajtami manacajman churanquipaj.»

Colosenses 3:9

Ama llullapänacuynachu. Canan gamcunaga chayno jucha ruraycunata cachaycushcanquinami.

1 Juan 4:14

Nogacunaga quiquëcunami ricashcä Tayta Diosninchi salbacoj Wamranta cay pachaman cachamushanta. Chaytami willacurcaycä.

Judas 1:25

Pay japallanmi salbamajninchi caycan. Tayta Diosninchi alabasha cachun llapanpaj munayniyoj cashanpita. Alabasha caycullächun cananpis, imaycamapis. Amén.

1 Samuel 12:22

Rasunpa rispitaptiqui Tayta Diosga manami imaypis cachaycushunquipächu. Payga munan gamcuna acrashan runacuna canayquitami.