Isaías 63:7 - Tayta Diosninchi Isquirbichishan

⁷ Nogaga Tayta Dios cuyapäcoj cashantami parlayta munä. Tayta Diosga noganchïpaj ima-aycatapis rurashami. Israel runacunata fiyupami cuyapasha. Cuyacoj cashpan yanapämashanpitami payta alabayta munä.

Isaías 63:7 ပူးပေါင်းရင်းမြစ်များ

1 Reyes 8:66

Fista ushaynaga intërupita shamoj runacunata «marcayquiman-cama cuticuyna» niran. Chaura paycunaga rayta «allilla goyaycuy Tayta» niycärir wasinman-cama cushisha aywacuran Davidta, llapan Israelcunata Tayta Dios alli yanapashanpita.

2 Crónicas 7:10

Ganchis caj quilla, ishcay chunca quimsa (23) junajnincho ray Salomonga llapan runacunata «Marcayquicunaman-cama cuticuy» niran. Runacunaga Davidta, Salomonta, llapan Israelcunatapis Tayta Dios alli yanapashanpita cushisha cuticuran.

Nehemías 9:25

Guechur charicarcäriran intërunpa curalasha siudäcunata, micuy alli wayunan chacracunata, ima-aycanpis junta caycaj wasincunata, yacu pösuncunata, übas chacrancunata, olivo wertancunata, waquin früta wertancunata. Chaychömi paycunaga micuytapis cushisha micuran werayänanyaj. Yanapashayquipitami fiyupa cushicur alli goyaran.

Nehemías 9:27

Chayno captinmi chiquejcunapa munayninman cachaycurayqui. Chauraga ñacachisha. Ñacar llaquicur-rämi yarpärishpan gamtaga mañacushurayqui yanapänayquipaj. Chaura gamna cuyapashpayqui syëlupita-pacha wiyamushcanqui. Ñacaycashanpita jorgamunanpaj acrashayqui runacunata cachashcanqui.

Nehemías 9:31

Cuyapäcoj cashpayquimi ushajpäga mana illgächishcanquichu, ni gongaycushcanquipischu. Gamga fiyupa cuyapäcoj Tayta Diosmi canqui.

Nehemías 9:35

Chaypa ruquenga mandashancho ima-aycayoj cananpaj yanapaycaptiquipis, micuy alli wayunan jatun chacrata goycaptiquipis manami adurashurayquichu. Jucha ruraycunatapis manami cachaycuranchu.

Salmos 103:2

Almantïmi Tayta Diosta alabashaj. Yanapämashancunataga manami gongächu.

Salmos 107:15

Chaymi Tayta Diostaga agradësicuy cuyapäcoj cashanpita, runacunata cuyapar yanapashanpita.

Salmos 107:21

Chaymi Tayta Diostaga agradësicuy cuyapäcoj cashanpita, runacunata cuyapar yanapashanpita.

Salmos 107:31

Chaymi Tayta Diostaga agradësicuy cuyapäcoj cashanpita, runacunata cuyapar yanapashanpita.

Salmos 107:8

Chaymi Tayta Diostaga agradësicuy cuyapäcoj cashanpita, runacunata cuyapar yanapashanpita.

Salmos 145:7

Fiyupa alli cashayquitami parlanga. Allita rurashayquipitanami cushicur cantanga.

Salmos 25:6

Tayta Dios, para-simri cuyapäcoj cashayquita, alli cashayquita yarpaycuy ari.

Salmos 51:1

Tayta Dios, gamga cuyapäcojmi canqui. Cuyapaycamay ari. Alli shongumi canqui. Juchäcunata perdunaycamay ari.

Salmos 63:3

Cawaypitapis masga cuyamänayquitami munä. Cantashpämi alabashayqui.

Salmos 86:15

Tayta Dios, chaypis gamga canqui alli shongumi, cuyapäcojmi, pasinsacojmi, cuyacojmi, rasun cajta rurajmi.

Salmos 86:5

Tayta Dios, gamga canqui allimi, imapitapis perdunajmi. Amatarmi cuyanqui gamman mañacamojcunataga.

Salmos 92:2

Sumaj allimi cuyacoj cashayquita, aunishayquita cumlej cashayquita pagasta junajtapis willacuyga.

Éxodo 18:9

Egipto runacunapa munayninpita Israelcunata cuyapar Tayta Dios jorgushanta wiyaycur Jetroga amatar cushicuran.

Isaías 26:13

Tayta Dios, juc mandajcunami nogacunataga munaynincho charämasha. Ichanga gamllami Tayta Diosnë canqui.

Isaías 51:2

Masqui yarpäriy unay awiluyqui Abrahampaj. Yarpäriy gamcunata gueshpichishoj Sarapaj. Noga gayashä öra paycunaga wamraynajllami caran. Nogami bindisyunta gorä. Paypita mirajcuna aypalla cananpaj yanaparä.

Isaías 54:10

Puntacuna juc-läman witicuriptinpis, jircacuna gotucäcuptinpis, gamta cuyaytaga manami cachaycushayquipächu. Ni alli conträtuta rurashanchïpitapis manami cutiricushächu.» Cuyapäshoj Tayta Diosmi chayno nin.

Isaías 54:7

«Gamtaga rätullami cachaycurä. Ichanga fiyupa cuyapäcoj cashpämi yapay shuntashayqui.

Isaías 54:8

Illajpita rabyacurcushpämi juc rätulla mana ricamänayquipaj witicurirä. Ichanga imaycamapis cuyapäcoj cashpämi gamta cuyapashcä.» Jorgushoj Tayta Diosniquimi chayno nin.

Isaías 55:7

Fiyu runacunaga mana allicunata ama rurachunnachu, mana allita rurananpäga ama yarpächunnachu. Tayta Diosman yapay cutichun. Chaura paypis cuyapangami. Payga amatar alli cashpanmi perdunacun.

Isaías 64:5

Gamga munanqui pipis cushisha alli cajllata ruranantami. Chaynöpis munanqui gam munashayquita rurananpaj yarpachacojcunallatami. Gamga rabyacurcushcanqui juchäcunapitami. Unaypita-pachanami gamta rabyachir jucha rurayllacho nogacuna cashcä. ¿Imanöparaj nogacunaga salbacöman?

Lamentaciones 3:32

Ñacachishpanpis cuyapanmi. Chaynöga ruran fiyupa cuyacoj cashpanmi.

Oseas 2:19

Chaypitaga nogapanami imaycamapis canquipaj. Maquëcho captiquimi imaypis gamcunata cuyashayqui. Manami yapapacuyllä warmichu canquipaj, sinöga lijïtimu caj warmëmi.

Zacarías 9:17

¡Chaura ima alli, ima cuyayllapäraj canga chay nasyonga! Rïgupis, bïnupis aypalla captinmi ollgupis warmipis wamracuna cuyayllapaj alli wiñanga.

Mateo 7:11

May-jina fiyu caycarpis wamrayquicunataga alli cajllatami goycärinqui. Chaynöllami Tayta Diosta mañacuptiquega alli cajcunata tarichishunquipaj.

Romanos 2:4

¿U Tayta Dios cuyapäcoj, pasinsacoj, alli captinchu yarpanqui mana castigashunayquipaj cashanta? Payga cuyapäshushpayquimi munan jucha rurashayquipita arpinticur pay munashannöna cawanayquita.

Romanos 5:20

Moisés isquirbishan layga masrämi musyachimashcanchi llapanchïpis fiyupa juchasapa cashanchïta. Chayno caycashapis Tayta Diosmi ichanga cuyapäcoj car mana yamacaypa perdunamashcanchi.

Efesios 2:4

Ichanga Tayta Diosninchi fiyupa cuyapäcoj carmi cuyapämashcanchi.

1 Timoteo 1:14

Chayno caycaptëpis Tayta Diosninchïmi alli cashpan cuyapämar tantiyachimaran payman yäracunäpaj y Jesucristo cuyacoj cashanno cuyacoj canäpaj.