Isaías 63:5 - Tayta Diosninchi Isquirbichishan

⁵ Ricachacurishpä manami pitapis ricarächu yanapämänanpaj shamojta. Yanapämänanpaj pipis mana captin almirasha ricacurä. Ichanga quiquëmi munayniyoj cashpä llapanchöpis alli llojshishcä. Rabyallawanmi llapanta usharishcä.

Isaías 63:5 ပူးပေါင်းရင်းမြစ်များ

Salmos 107:12

Chaymi Tayta Diosga fiyupa ñacay aruycunaman churaran. Mana alliman chayaptin mananami pipis yanapajnachu.

Salmos 22:11

Ama cachaycamaychu. Llaquicuynami nogamanga chayaycämun. Pipis manami canchu yanapämaj.

Salmos 44:3

Manami sablinwanchu cay pachataga guechuran. Ni callpanwanpischu binsiran. Chaypa ruquenga gammi munayniquiwan binsirayqui. Alli car yanapaptiquimi binsiran. Unay caj castäcunata cuyashpayquimi munayniquiwan yanaparayqui.

Salmos 69:20

Gayapämashpanmi shongötapis fiyupa jagayächisha. ¡Gänasnëpis ni callpäpis manami cannachu! Yangami ashishcä cushicachimänanpaj, cuyapämänanpäpis.

Salmos 94:16

¿Pillaraj shamonga mana alli runacunapitawan fiyucunapita washämänanpaj?

Salmos 98:1

Mushoj alabansawan Tayta Diosta alabashun. Payga rurasha fiyupa almiraypajcunatami. ¡Munayniyoj cashpanmi, callpayoj cashpanmi llapanta binsisha!

Isaías 40:10

Tayta Diosga fiyupa munayninwanmi chayamoj-aywan. Munayniyoj carmi llapanta maquincho chararanga. Juccunapa munaynincho caycajta shuntarcurmi acrashan runacunataga pushaycämun.

Isaías 41:28

Ricachacushpä, manami ricächu maygan dioscunapis yurimojta. Tantiyachej shamojpis manami pipis chayamunchu. Tapushäcunata cutichimänanpaj manami pipis canchu.

Isaías 50:2

¿Imanirtaj noga shamushpäga pitapis mana tariränachu? ¿Imanirtaj, gayacuptëga pipis mana wiyamashachu? ¿Manachu riguiran jorgunäpaj cashanta? ¿Manachu riguiran salbanäpaj cashanta? Noga juc shimi rimarcuptillämi lamar yacupis chaquicäcunman, mayucunapis chaqui jircaman ticracurinman. Chauraga pescäducunapis yacunaypita wañunmanmi, yacu mana captin ismunmanmi.

Isaías 51:5

Wallcanami pishin salbanäpaj. Manapis aycällatanami munaynëwan llapan nasyun runacunata mandashaj. Lamar cantun nasyuncho tiyaj runacuna nogallamanmi yäracamonga. Munayniyoj cashallämanmi yäracamonga.

Isaías 51:9

¡Ricchayna ari Tayta Dios! Fiyupa munayniyoj cashayquita musyacächiyna ari. Mas unay caj watacuna rurashayquino, unay caj runacuna cawashan wichan rurashayquino rurayna ari. Gammi illgächishcanqui lamarcho caycaj waräcuy Rahabtapis.

Isaías 52:10

Llapan nasyun runacunapa ricay ñawinchömi Tayta Diosga munayniyoj cashanta musyachisha. Chaynöpami Tayta Diosninchi salbamashanchëga intëru cay pachacho mayacanga.

Isaías 63:3

«Japallämi übasta lluchcajno conträcunata ushashcä. Manami pipis yanapämashachu. Fiyupa rabyashami conträcunataga lluchcar-ushashcä. Fiyupa ollgushami llapirishcä. Chaymi yawarnenga röpäman pillchipämasha. Röpätapis yawar tiñisha.

Ezequiel 22:30

«Chay runacunacho noga ashishcä juc runata paycunata mana illgächinäpaj faburnin nogawan parlananpaj. Ichanga pitapis manami tarishcächu.

Oseas 1:7

Judá nasyun cajtami ichanga cuyapäshaj. Quiquëmi salbashaj. Nogaga salbashaj manami guërrawanchu, lëchawanchu, sabliwanchu, cawallucunawanchu, ni cawalluta muntacuy yachajcunawanpischu.»

Juan 16:32

Manapis aycällatanami japalläta cachariycamar wacpa-caypa mashtaypa-mashtar aywacunquipaj. Chaypis nogaga manami japallächu caycäshäpaj. Taytämi nogawanga caycangapaj.

1 Corintios 1:24

Tayta Diosninchi acrashan cajcunami ichanga Israel carpis mana Israel carpis tantiyan Jesucristo rurashanwan Tayta Diosninchi munayniyoj y yachaj cashanta musyachishanta.