Isaías 62:5 - Tayta Diosninchi Isquirbichishan

⁵ Imanömi juc mösu majachacan jipashwan, chaynömi Diosga paypana canayquipaj shuntashunquipaj. Tayta Diosga cushishami caycangapaj warminwan runan cushisha goyashanno.

Isaías 62:5 ပူးပေါင်းရင်းမြစ်များ

Cantares 3:11

Sión warmicuna, llojshimuy ray Salomonta ricanayquipaj. Maman cuyayllapaj corönata majachacänanpaj rurapashantami jatiraycan. Chay corönataga ruraparan mas cushisha-canan junajpämi.

Cantares 4:8

Majallä, aywacushun. Líbano puntapita uräcushun. Puntacunapita uräshun. Liyuncuna tiyanan machaycunapita aywacushun. Tigricuna tiyanan puntacunapitapis uräcushun.

Isaías 62:4

Runacuna mananami yapayga «Cacharisha» nishunquipänachu. Chaypa ruquenga «Tayta Dios fiyupa cuyashan» nishunquipänami. Tiyashayqui partitapis mananami «Illgächisha» nenganachu. Chaypa ruquenga «Tayta Diospa majan» nenganami.

Isaías 65:19

Jerusalenpäga quiquëpis cushicushämi. Acrashä runacunapäpis fiyupami shongöchöga cushicushaj. Paycunaga manami waganganachu. Ni llaquicuypis manami canganachu.

Jeremías 32:41

Alli goyänanpaj paycunata yanapashpämi cushicushaj. Llapan shongöwan cuyashpämi paycunata cay nasyunman tiyachishaj.

Oseas 2:19

Chaypitaga nogapanami imaycamapis canquipaj. Maquëcho captiquimi imaypis gamcunata cuyashayqui. Manami yapapacuyllä warmichu canquipaj, sinöga lijïtimu caj warmëmi.

Oseas 2:21

Chay wichanga nogami syëlupita allpaman tamyachimushaj.

Sofonías 3:17

Tayta Diosniquega gamcunachömi caycan. ¡Payga munayniyoj cashpanmi salbashunquipaj! Gamcunapäga Tayta Dios cushishami caycangapaj. Cuyacoj cashpanmi alli cawaytana goshunquipaj. Cushisha cashpanmi

Malaquías 3:12

Chauraga llapan nasyun runacunami ‹Dios yanapashan› nishunquipaj. Gamcunapa nasyunniquega cangapaj pï-maypis munapänanmi. Noga munayniyoj Tayta Diosmi chayno nishcä.»

Hebreos 12:2

Tayta Diosman chayno yäracur cawananchïpäga Jesucristo imano cawashantapis ricacushun. Juchayoj runatano pengaypaj cruscho wañuchinanpaj cashanta musyarpis payga Tayta Dios munashannömi cawaran. Imano ñacarpis Tayta Dios munashanno cawaran syëlucho cushisha imaycamapis cawananpaj cashanta musyarmi. Cananga cawarircamur Tayta Diospa derëchu caj-lädunchönami mandananpaj jamaraycan.