Isaías 60:3 - Tayta Diosninchi Isquirbichishan

³ Llapan nasyun runacunami shamongapaj gamcho achqui caycajman. Raycunapis shamongapaj gamcho pacha warajno achicyaptinmi.

Isaías 60:3 ပူးပေါင်းရင်းမြစ်များ

Génesis 49:10

Judätaga manami pipis guechongapächu munayniyoj cayninta. Manami pipis guechongapächu mandaj car charashan bastunnintapis rasunpa mandaj chayamunancama. Chay mandajtami llapan runacunapis rispitangapaj.

Salmos 102:16

Pay Sionta allchananpaj shamushpanmi munayniyoj cashanta musyachiconga.

Salmos 102:22

Intëru nasyunpita runacuna, raycuna shuntacarcurmi Tayta Diosta aduranga.

Salmos 138:4

Cay munducho caj raycunaga aunishayquicunata wiyarmi gamta alabashunquipaj.

Salmos 2:10

Chaymi raycuna, mandajcuna sumaj tantiyacuy. ¡Cay willapashäta sumaj yachacuy!

Salmos 22:27

Tucuy casta carpis, may nasyunpita carpis Tayta Diosmanna yäraconga. Cay pachacho tiyajcunaga llapan runacunami Tayta Diosta adurananpaj shamonga.

Salmos 68:29

Jerusalencho Templuyquimanmi raycuna garaynincunata apamonga.

Salmos 72:11

¡Llapan raycuna gongurpacuchun paymanga! ¡Llapan nasyuncho tiyajcuna sirbichun!

Isaías 11:10

Chay wichanga tumpuno caycaj Isaïpita mirar aywaj yurejmi llapan runacunata shuntanga. Llapan nasyun runacunami payta ashej aywanga. Pay caycashannami fiyupa rispitädu cangapaj.

Isaías 42:6

«Noga Tayta Diosmi gamta gayashcä munashäta ruranayquipaj. Maquipita charircurmi yanapashpä purichishayqui. Nogami churashayqui señalno canayquipaj, nasyuncunapäpis achquino canayquipaj.

Isaías 45:14

Israelcunata Tayta Diosga caynömi nin: «Egipto runacunapis, Etiopía runacunapis, jatusaj Sabá runacunapis maquiquichömi canga. Chay runacunapis, murushan micuynincunapis, nigusyuncunapis gamcunapanami canga. Paycunaga cadinawan watashami guepayquita shamongapaj. Gamcunapa ñaupayquiman gongurpacuycurmi ruwacushunquipaj. Chaynöga ruranga ‹Rasunpa gamcunachömi Diosga caycan. Paypita mas jucga manami dios canchu› nirmi.»

Isaías 45:22

«May caru allpapa cuchuncho cajpis Nogaman shamuptiquega salbashayquimi. Nogallami Diosga cä. Nogapita mas juc diosga manami canchu.

Isaías 49:12

¡Masqui ricäriy! May carupitashi aywarcaycämun: Waquenga norte caj-läpita, waquenga inti yaganan cajpita. Waquinnami aywarcaycämun Asuán partipita.»

Isaías 49:23

Raycunami wamrachacushunquipaj. Raypa jipash wamrancunanami uywashunquipaj. Paycunaga rispitashushpayquimi gongurpaconga. Chaquiquiman ñuchu allpa lagacajtapis lajwangami. Chaymi musyanquipaj noga Tayta Dios cashäta. Musyanquipaj nogaman yäracamoj cäga mana pengaycho ricacushanta.»

Isaías 56:8

Mashtacasha caycaj Israelcunata yapay shuntaj Tayta Diosmi cayno nin: «Shuntasha caycächishäpa jananmanpis mastarämi shuntamushaj.»

Isaías 60:10

«Nogaga rabyacurcurmi gamta castigarä. Cananmi ichanga gamta cuyashäta musyachishayqui. Chaymi pergayquicuna juchusha caycajtapis juc-lä nasyun runacuna allchanga. Raynincunapis sirbishunquipaj.

Isaías 60:16

Llapan nasyuncunami allinnin micuynincunata apapämushunquipaj. Raycunanami riquësancunata apapämushunquipaj. Chauraga tantiyacunquipämi noga Tayta Diosniqui salbashoj cashäta, Jacob rispitashan Munayniyoj Dios gamta imapitapis jorgoj cashäta.

Isaías 62:2

Intëru nasyun runacunami ricanga allilla goyaycashayquita. Llapan raycunami ricashunquipaj munayniyoj caycajta. Chauraga quiquin Tayta Diosmi juc jutitana churapäshunquipaj.

Isaías 66:12

Chayno cananpäga Tayta Diosmi nin: «Nogami camacächishäpaj mayu aypalla chayajno Jerusalencho alli goyay cananpaj. Chaynömi Jerusalenmanga juc-lä nasyuncunapa ima-aycanpis mayu chayashpan yaycojnöraj aypallanpa chayangapaj. Chauraga Jerusalenmi gamcunata garashunquipaj. Paymi margaräshunquipaj. Gongurninman jamarcachirmi cuyashunquipaj.

Amós 9:12

Chauraga Edom runacuna chararaycashan parti, waquin nasyuncuna chararaycashan partipis yapay canga Israel nasyunpa munayninchöna.» Chayno cananpämi Tayta Dios nisha. Nishantaga cumlengami.

Zacarías 2:11

Chayno captenga achca nasyun runacunami sirbimangapaj. Chaura nogaga paycuna cajchömi caycäshaj. Paycunaga acrashä runacunanami canga,» nir. Chayno captinrämi gamcunaga musyanquipaj munayniyoj Tayta Dios nogata cachamashanta.

Mateo 28:19

Chaymi gamcunaga caypita ayway may-chay nasyunchöpis disïpulö cananpaj yachachishpayqui. Chasquicamajcunataga bautisanqui Tayta Diospa, Wamranpa, Espíritu Santupa jutincho.

Lucas 24:47

Chaycuna cumlishana captinmi runacunata willapänayqui ‹Jucha rurashayquipita arpinticur Tayta Dios munashannöna caway. Chayrämi llapan jucha rurashayquipita perdunashunqui› nir. Jerusalenpita gallaycur may-chaypapis aywar llapan runacunata willapanqui.

Juan 12:32

Noganami cay pachacho wañuchimashanpita cawarcamushpä llapan runacunata shuntashaj.»

Hechos 13:47

Llapan runacunata willapänäpämi Tayta Dios nimaran: «Gamcunataga churashcä llapan nasyun runacunapaj achquino canayquipämi. Chaynöpami mundu intërucho tiyajcuna salbasha cangapaj.»

Hechos 15:17

Chayrämi pï-may runapis nogaman yäracamongapaj. Chaynöpami llapan acrashä cajcuna salbacongapaj.

Apocalipsis 11:15

Ganchis caj anjil trompëtata tucamuran. Chaura syëlucho sinchipa cayno nimushan wiyacämuran: «Llapan nasyuncunapis Tayta Diospa y cachamushan Cristupa maquinchönami caycan. Tayta Diosnami llapanpäpis munayniyoj car imaycamapis mandanga.»

Apocalipsis 21:24

Llapan nasyuncunapis Tayta Diosninchïpa siudänin achicyashallanwanmi cawanga. Chay nasyuncunapa mandajnincunapis chay siudämanmi riquësancunata apanga.