Isaías 60:14 - Tayta Diosninchi Isquirbichishan

¹⁴ Ñacachishojcunapa wamrancunaga rispitashushpayquimi ñaupayquiman chayamonga. Manacajman churashojcunapis llapanmi ñaupayquiman gongurpacongapaj. Paycunaga ‹Israelpa Santo Tayta Diosninpa siudänin› nishunquipämi.

Isaías 60:14 ပူးပေါင်းရင်းမြစ်များ

Génesis 27:29

Gamtaga achca runacuna sirbiycushunqui. Llapan nasyun runacuna gamta rispitaycushunqui. Wauguiquicunapis gampa munayniquicho caycullächun. Gamta chiquishoj cäga maldisyunädumi canga. Gamta bindisashoj cäga bindisashami canga.»

Génesis 42:6

Egipto nasyun Josëpa munaynincho captinmi intërupita payman chayaj rïgu rantej. Chaymi Josëpa ñaupanman chayaycur wauguincunapis rispitashpan umpuran urcunpis pampaman töpanancama.

Salmos 46:4

Juc mayumi caycan Tayta Dios acrashan siudächo tiyaj runacuna cushicunanpaj. Chay siudäga Tayta Dios tiyashanmi.

Salmos 48:2

Sión lömaga cuyayllapämi. Chaychöga caycan munayniyoj Raypa siudäninmi. Chaymi llapan runacunapis fiyupa cushicun.

Salmos 87:3

Diospa siudänin, gampäga fiyupa allicunatami parlan. Selah

Proverbios 14:19

Fiyucunaga alli runacunapa maquintapis muchangarämi. Mana allita rurajcunaga ruwacur alli runacunapa puncunta tacangarämi.

Isaías 1:26

Unay alli juezniqui cashannömi yapay alli juezniquicuna canga. Tantiyachishojniquicunapis unay cashannömi yapay canga. Chayno noga camacächiptëga yapaymi nishunquipaj: ‹Jerusalenchöga alli runacunami tiyan› nir, ‹Diosninta wiyacoj runacunami› nir.»

Isaías 45:14

Israelcunata Tayta Diosga caynömi nin: «Egipto runacunapis, Etiopía runacunapis, jatusaj Sabá runacunapis maquiquichömi canga. Chay runacunapis, murushan micuynincunapis, nigusyuncunapis gamcunapanami canga. Paycunaga cadinawan watashami guepayquita shamongapaj. Gamcunapa ñaupayquiman gongurpacuycurmi ruwacushunquipaj. Chaynöga ruranga ‹Rasunpa gamcunachömi Diosga caycan. Paypita mas jucga manami dios canchu› nirmi.»

Isaías 45:23

Nogaga jutëchömi jurashcä. Alli cajta ruranäpämi jurarä. Chayno nishäga cumlicangami. Nogata rispitamashpan llapanmi gongurpacamongapaj. Pï-may runacunapis nogapa jutëchömi juranga.

Isaías 49:23

Raycunami wamrachacushunquipaj. Raypa jipash wamrancunanami uywashunquipaj. Paycunaga rispitashushpayquimi gongurpaconga. Chaquiquiman ñuchu allpa lagacajtapis lajwangami. Chaymi musyanquipaj noga Tayta Dios cashäta. Musyanquipaj nogaman yäracamoj cäga mana pengaycho ricacushanta.»

Isaías 62:12

Israelcunapa jutintaga «Santo runacuna», «Tayta Dios salbashan runacuna» nengami. Jerusalentanami «Fiyupa cuyay siudä», «Mana cachaycushan siudä» nenga.

Jeremías 16:19

Tayta Dios gammi callpata gomanqui. Mana allicuna chayamänantapis gammi chapämanqui. Allpapa jucaj cuchunpita jucaj cuchuncamapis gammanmi llapan nasyun runacuna shamonga. Paycuna nishunquipaj: «Unay awilöcunaga cachapaycamasha imapäpis mana bälej munayniynaj dioscunallatami.

Ezequiel 36:15

Yapayga manami camacächishänachu juc-lä nasyun runacuna ashllishunayquita. Chay nasyun runacuna yapayga manami ashllir manacajman churashunquipänachu. Gamcunaga imaypis mananami wamracunata micunquipänachu. Noga Tayta Diosmi chayno në.»

Ezequiel 39:7

Nogami camacächishaj acrashä Israelcunachöga Santo jutë rejsisha cananpaj. Mananami mastaga camacächishänachu Santo jutë manacajman churasha cananpäga. Juc-lä nasyuncho tiyajcunapis musyangami nogalla Israelcunapa Santo Tayta Diosnin cashäta.

Joel 3:8

Judá runacunamanmi ranticushaj ollgu warmi wamrayquicunata. Paycunanami ranticonga Sabá runacunaman. Chay runacunaga musyashayquinöpis fiyupa caruchömi tiyarcaycan. Noga Tayta Diosmi nishcä chayno cananpaj.» Sercacho caycaj nasyuncunapaj Joel niran:

Sofonías 3:19

Chay wichanga gamcunata ñacachishojcunatanami castigashaj. Wegruycajcunatapis yanapäshaj. Pantacasha caycajtapis shuntamushämi. Pasaypa manacajman churasha cashayquipitami nogaga ticrachishäpaj mundu intërucho rispitasha, rejsisha canayquipaj.

Zacarías 8:23

«Noga, munayniyoj Tayta Diosmi cayno në: Chay wichanga chuncaj juc-lä nasyun runacunami juc Judá runata röpanpita charircur ruwangapaj: ‹¡Gamwan aywaytami munä. Nogacunaga mayashcä Dios gamcunacho caycashantami!› nir.»

Hebreos 12:22

Canan gamcunami ichanga Sión lömaman, syëlucho caycaj Jerusalenman chayashcanqui. Chay siudäga cawaj Tayta Diosninchïpa marcanmi. Chaychöga yupaytapis mana atipaypämi anjilcuna Tayta Diosninchïta cushisha alabarcaycan.

Apocalipsis 14:1

Chaypita yapay ricarä Sión lömacho Cashni uysha ichiraycajta. Paypa ñaupanchömi ricarä pachac chuscu chunca chuscun waranga (144,000) runacuna Jesucristupa jutinwan, Tayta Diospa jutinwan urcuncho señalasha caycajta.

Apocalipsis 3:12

«Imano ñacarpis imaycamapis noga nishäta wiyacojcunaga templupa simintuncho rumicuna mana cuyucoj cashannömi canga. Paycunaga Tayta Diospa ñaupanchömi imaycamapis canga. Paycunamanmi isquirbishaj Tayta Diospa jutinta, janaj pachapita shamoj mushoj Jerusalenpa jutinta, quiquëpa mushoj jutëtapis.

Apocalipsis 3:9

«Marcayquicho Israel-tucojcuna ‹Dios acrashanmi cä› niycarpis manami Dios munashannöchu cawaycan. Man'chäga Satanás munashantami rurarcaycan. Paycunataga ñaupayquiman gongurpacamunanpämi cachamushaj y noga gamcunata cuyashäta musyachishaj.