Isaías 60:11 - Tayta Diosninchi Isquirbichishan

¹¹ Chacaypa junajpapis puncuyquicunaga quicharaycangami. Quicharaycanga intëru nasyuncho ima-ayca alli cajtapis apapämushunayquipämi. Raycunapis garaynincunawanmi gam cajman yaycamongapaj.

Isaías 60:11 ပူးပေါင်းရင်းမြစ်များ

Nehemías 13:19

Chaynöpami jamay-junaj gallaycunanpaj juc junaj pishiycaptin tardi llantuy ñitiycaptinna nirä Jerusalenman yaycuna puncucunata wichgananpaj, nircur säbadu jamay junaj päsanancama mana quichananpaj. Uywaynëcunata churarä siudäman yaycuna puncucunaman säbadu jamay junajcho imatapis mana yaycuchinanpaj.

Salmos 149:8

Chaynöpami prësu chariycur fiyupa lasaj fyërru cadinacunawan watanqui raycunata, munayniyoj runacunata.

Isaías 24:21

Chay junäga Tayta Dios castigangapaj janaj pachacho caycaj munayniyojcunata, cay pachacho caj raycunatapis.

Isaías 26:2

Siudäpa puncunta quichay-llapa. Chaypami yaycamonga Tayta Diosta wiyacoj runacuna, payman yäracoj runacuna.

Isaías 49:23

Raycunami wamrachacushunquipaj. Raypa jipash wamrancunanami uywashunquipaj. Paycunaga rispitashushpayquimi gongurpaconga. Chaquiquiman ñuchu allpa lagacajtapis lajwangami. Chaymi musyanquipaj noga Tayta Dios cashäta. Musyanquipaj nogaman yäracamoj cäga mana pengaycho ricacushanta.»

Isaías 56:7

Nogami pushamushaj rispitädu jircäman. Nircurmi aduramänan wasëcho cushishata goyächishaj. Paycuna altarnëcho garamashanta, uywacunata rupachishanta chasquishämi. Wasëpäga llapan runapis ‹Tayta Diosta mañacuna wasi› nengami.»

Isaías 60:18

Marcayquichöga wañuchinacur gaparächinacushan manami wiyacanganachu. Nasyunniquichöga ushacächinacuypis manami cangapänachu. Chaypa ruquenga curral pergayquicunatami ‹Salbacoj› nir jutichapanquipaj. Sawan puncuyquicunatana ‹Alabansa› nir jutichapanquipaj.

Isaías 60:5

Gam paycunata ricaptiqui cärayquipis cushicuypita achicyaypa achicyangaraj. Cushicuypita shonguyquipis ashac-ashacllaraj ricacongapaj. Lamarcho cajcunatapis fiyupa cuestajcunatami apapämushunquipaj. Nasyunnincunacho ima-aycanpis mas alli cajtami goycushunquipaj.

Isaías 61:6

Gamcunatanami «Tayta Diospa cürancuna», «Tayta Diosninchïta sirbejcuna» nishunquipaj. Juc-lä nasyun runacunapa ima-aycanwanpis gamcunami quëdanquipaj. Fiyupa chanin cuestaj adurnuncunatami camaränayquipaj churacunquipaj.

Isaías 62:10

¡Siudäpa sawan puncucunapa llojshiy-llapa! ¡Runacuna purinanpaj nänita aruy! Jatun nänita aruy-llapa. Nänicho rumicuna caycajtapis jitariy-llapa. Llapan nasyun runacuna musyananpaj señalta jawiy.