Isaías 6:5 - Tayta Diosninchi Isquirbichishan

⁵ Chaymi nogaga gapachacur nirä: «¡Ay, cananga wañushächari! Nogaga juchayoj runa caycashpämi, juchasapa runacunawan tiyaycashpämi caway-ñawëpa ricashcä munayniyoj Tayta Diosta. Rayninchi Tayta Diostami ricashcä» nir.

Isaías 6:5 ပူးပေါင်းရင်းမြစ်များ

Génesis 32:31

Penielpita Jacob aywacuycaptin inti ratarcamuranna. Cheglla tincoj moguncho anjil yataycusha captinmi wegruyllapa aywaycaran.

Salmos 24:10

¿Pitaj munayniyoj Rayga? ¡Munayniyoj Tayta Diosllami! ¡Payga Munayniyoj Raymi! Selah

Éxodo 24:10

Chaychömi mayurcunaga ricaran Israelcuna yäracushan Tayta Diosta. Lluchcarashanga zafiro rumipita rurashano chip-chipyaycaj caycaran. Colorninpis syëlunöraj caran.

Éxodo 3:6

Mastapis niran: «Nogaga unay caj awiluyquicuna Abrahampa, Isaacpa, Jacobpa Diosninmi caycä» nir. Chayno niptenga Diosta ricapayta manchacushpan Moisés cäranta chapacurcuran.

Éxodo 33:20

Ichanga cäräta manami ricanquimanchu. Pipis cäräta ricaj cäga wañongami.»

Éxodo 4:10

Chayno Tayta Dios niptin Moisés niran: «Tayta Dios, nogaga parlayta ñacapacämi. Nogaga parlarpis manami tantiyachëchu. Chayno cashäga manami cananllarächu sinöga unaypita-pachanami.»

Éxodo 6:12

Chaura Moisesga Tayta Diosta niran: «Israelcunallapis mana cäsuycämaptenga ¿imanöparäshi faraonga wiyamanman? Nogaga parlarpis manami tantiyachëchu.»

Éxodo 6:30

Niptin Moisés niran: «Tayta Dios, nogaga rimarpis wata-watallami pashtachë. Chaura ¿imanöparäshi faraonga cäsumanman?»

Isaías 24:16

Cay pachapa cuchunpita-pacha cantamojtami wiyashcäcuna «¡Juchaynäga alabasha cachun!» nir. Noganami nishcä: «Ay, ima ruraytapis manami camäpacöchu. Pasaypa llaquishami caycä. Fiyu runacunaga engañacunmi. Paycunamanga manami yäracuypächu.»

Isaías 29:13

Tayta Dios nin: «Cay runacunaga shimillanwanmi sirbiman. Janan shongullami alabaman. Shongunchöga juctami yarparcaycan. Nogata aduraycämashanga caycan runacuna yarpaynillanpita nishancunallami. Paycunaga runa yachachishannöllami aduraycäman.

Isaías 33:17

Rayta ricanquipaj munayniyoj cuyayllapaj caycajta. Nasyunpa lindancunapis mas carucamami canga.

Isaías 59:3

Gamcunapaga maquiquipis yawarwan tiñicashami caycan. Dëduyquicunapis runa wañuchejllami. Llullacuyllatami parlanquipis. Shimiquicunapis mana allicunallatami parlan.

Isaías 64:6

Nogacunaga llapäpis caycä ganra runanömi. Allita rurashäcunapis ganra räpunömi caycan. Llapanëpis caycä garwashtar öja yagashanömi. Juchäcunami wayra apajnöpis mana alliman chayaycächiman.

Jeremías 1:6

Chayno nimaptin noga nirä: «Tayta Dios, nogaga wamra mösullarämi cä. Manami imano parlaytapis camäpacörächu.»

Jeremías 51:57

Babiloniacunapa mandajnincunata, musyacojnincunata, siudäpa mandajnincunata, waquin mandajcunata, suldäruncunatapis rabyasha aptaraycashä cöpawanmi machächishaj. Chayno machashallami puñucäconga. Puñuycorga imaypis manami ricchanganachu.»

Ezequiel 12:2

«Runa, gamga tiyaycanqui mana wiyacoj runacuna tiyaycashanchömi. Chay runacunaga ricaycarpis mana ricajnömi, wiyaycarpis mana wiyajnömi carcaycan. Chaynöga carcaycan mana wiyacoj runacuna cashpanmi.

Ezequiel 33:31

Chayno ninacurmi paycunaga aywarcaycämun. Nircur ñaupayquiman jamaycärin willapashayquita wiyananpaj. Ichanga wiyaycarpis manami wiyashantano ruranchu. Shimillanwanmi nogapaj allita riman. Shongunchöga yarparaycan mana allita ruraypa gänayllatami.

Daniel 9:20

Jinallami nogaga Tayta Diosta mañacuycarä, juchäcunata, Israel-masëcuna juchata rurashanpitapis cunfisacushpä. Pay acrashan rispitädu lömacho caycaj Jerusalenpäpis mañacuycarä.

Habacuc 3:16

Llapan chaycunata wiyarmi mancharirä. Shimi wirpäcunapis sicsicyacäcuran. Chaquëcunapis mana awantashpan sicsicyacäcuran. Intëru cuerpömi gotucäcuran. Chayno caycaptinpis, mana yarpachacuypami shuyaräshaj conträ yaycamojcunata Tayta Dios castiganancama.

Números 17:12

Israelcuna ichanga Moisesta niran: «¡Nogacunapäga imapis manami allinachu! ¡Llapanëchari wañushaj!

Jueces 13:22

Chaura Manoaga warminta niran: «Tayta Diostami ricashcanchi. Cananga wañushunchari.»

Jueces 6:22

Chayraj Gedeonga musyaran Tayta Diospa anjilnin cashanta. Chaymi niran: «Taytallau tayta, anjilniquiwanmi ricanacushcä.»