Isaías 6:3 - Tayta Diosninchi Isquirbichishan

³ Paycunami gayaraypa ninacuycaran: «Munayniyoj Tayta Diosga Santo, Santo, Santumi. Paypa munayninmi intëru pachacho juntasha caycan.»

Isaías 6:3 ပူးပေါင်းရင်းမြစ်များ

Esdras 3:11

Tayta Diosta waquin alabaptin waquenga chasquiran «Tayta Diosta agradësicuy. Payga amatar allimi. Israelcunataga imaycamapis cuyanmi» nir. Llapan runacunapis cushicuypita gaparparan. Tayta Diosta sinchipa alabaran Templuta yapay aruyta gallaycärishanpita.

Salmos 57:11

Tayta Dios, gamga janaj syëluchöpis llapanpämi munayniyoj caycanqui. Cay pachapis intërumi munaynillayquicho caycan.

Salmos 66:2

Tayta Diostaga alabay-llapa. Paytaga munayniyoj cashanpita alabay-llapa.

Salmos 72:19

Tayta Diosga imaycamapis alabasha caycuchun. ¡Cay pachachöga intërucho paylla rejsisha cachun! ¡Chayno caycuchun!

Salmos 8:2

tacsha wamracunami, chuchuycaj wamracunami alabashunqui. Chayno alabashunqui contrayqui jatarejcunata, chiquishojcunata upällachinanpaj illgächinanpämi.

Salmos 90:16

Camacaycachiy ari Tayta Dios sirbishojcunapis wamrancunapis rurashayquicunata y alli cashayquita ricananpaj.

Salmos 97:6

Tayta Dios allita ruraj cashanta syëlucunami willacun. May-chaychöpis tiyajcunanami rican alli cashanta.

Salmos 99:3

Manchacuypaj, jatun munayniyoj Tayta Diosta alabay-llapa. ¡Tayta Diosga pasaypa santumi!

Salmos 99:9

¡Tayta Diosninchïta alabay-llapa! ¡Paypa rispitädu jirca puntancho gongurpacuy-llapa! ¡Tayta Diosga pasaypa santumi!

Éxodo 15:11

«Tayta Dios, maygan dioscunapis gammanga manami tincunchu. Gamno santuga manami juc canchu. Gamno munayniyöga manami juc canchu. Gamga fiyupa almiraypajcunatami rurashcanqui.

Isaías 24:16

Cay pachapa cuchunpita-pacha cantamojtami wiyashcäcuna «¡Juchaynäga alabasha cachun!» nir. Noganami nishcä: «Ay, ima ruraytapis manami camäpacöchu. Pasaypa llaquishami caycä. Fiyu runacunaga engañacunmi. Paycunamanga manami yäracuypächu.»

Isaías 40:5

Chayrämi Tayta Diosga munayniyoj cayninta ricacächenga. Chaytaga llapan runacunami ricangapaj. Quiquin Tayta Diosmi chayno cananpaj nisha.»

Isaías 54:5

Camashoj Tayta Diosmi majanpaj shuntashunquipaj. Paypa jutenga munayniyoj Tayta Diosmi. Imapitapis chapäshöga caycan Israelcunapa Santo Tayta Diosninmi. Payga mundu intërupa Diosninmi.

Ezequiel 43:2

Chaypita ricarä Israelcunapa Tayta Diosninpa achicyaynin inti yagamunan caj-läpita aywaycämojta. Suynashanga fiyupa wiyacaran chayasha mayu gaparajnöraj. Chaura cay pachaga fiyupa achicyacurcuran.

Ezequiel 44:4

Chaypitana runaga nortipita yaycuna caycajpa pushamaran ruri caj sawan pampa Templupa chimpanman. Chaycho ricarä Tayta Diospa achicyaynin Templucho juntasha caycajta. Chaura nogaga umpurä urcöpis pampaman töpanancama.

Habacuc 2:14

Chauraga lamarcho yacu juntarashannömi mundu intëruchöpis Tayta Diosta rispitaj runacunallana aypalla canga.

Zacarías 14:9

Chay wichanga Tayta Diosllanami mandangapaj intëru munducho. Pay japallanmi Tayta Diosninchi.

Números 14:21

Rasunpami nogaga imaycamapis cawä. Intëru mundupis maquillächömi caycan.

Efesios 1:18

Payta mañacö imaypis alli yarpayta goshunayquipaj. Chayrämi musyanquipaj imapaj salbashushayquitapis; chasquinayquipaj caycaj erensya fiyupa alli cashanta;