Isaías 6:10 - Tayta Diosninchi Isquirbichishan

¹⁰ Isaías, chay runacunapa yarpayninta ticrachiy mana tantiyajman. Rinrincunatapis llutarcuy mana wiyananpaj. Ñawintapis chaparcuy mana ricananpaj. Chaynöpami mana ricar mana wiyar mana tantiyangachu. Chaynöpami mana arpinticongachu. Chayno captenga nogapis manami allchacächishächu.»

Isaías 6:10 ပူးပေါင်းရင်းမြစ်များ

Salmos 119:70

Mana rispitashojcunaga llutallantami yarpanpis. Nogami ichanga cushicö yachachicuyniqui nishanta cumlir.

Salmos 17:10

Chiquimajcunaga quiquincuna munashallanpämi yarpachacurcaycan. Munayniyoj-tucushpan fiyu shiminpami parlarcaycanpis.

Salmos 69:23

Ñawincunapis chacacäcuchun mana ricananpaj. Imaycamapis chancancuna chucchuchun.

Éxodo 10:27

Ichanga faraón rumi shonguno contra ricacunanpaj Tayta Dios yapay camacächiran. Chaymi Israelcuna aywananta mana munaranchu.

Éxodo 11:10

Aaronwan Moisesga almiraypajcunata ruraran faraonpa ñaupancho. Chaypis Tayta Diosmi camacächiran faraón rumi shonguno contra ricacunanpaj. Chaymi Israelcuna Egiptupita aywacunanta faraón mana munaranchu.

Éxodo 14:17

Nogami camacächishaj Egiptucuna rumi shonguno contra ricacunanpaj. Chaymi gamcuna aywashayquipa gatishunquipaj. Chaynöpami faraonta, llapan suldäruncunata carrëtancunatawan, muntädu suldäruncunatawan imanöpis rurashpä pï-maytapis noga musyachishaj munayniyoj cashäta.

Éxodo 7:3

Ichanga nogami camacächishaj faraón rumi shonguno contra ricacunanpaj. Chaynöpami nogaga Egiptucho rurashaj fiyupa almiraypajcunata.

Proverbios 16:30

Mana allita rurayta yarpajcunaga ñipchipayllapami sëñata rurashunqui. Mana allita rurariycorga shimi wirpanta amucurcun.

Eclesiastés 3:3

Canmi wañuchinan timpu; jampina timpupis. Canmi juchuchina timpu; jatarachinan timpupis.

Isaías 19:22

Tayta Diosga Egiptucunata castigarcushpan yanapanganami. Paycunapis Tayta Dios nishallantanami ruranga. Chaura Tayta Diospis paycunata cuyapashpan yanapanganami.

Isaías 28:13

Chaypitami Tayta Diosga «Cayta, wacta ruray» nishunquipaj. «Wacta, cayta wiyacuy» nishunquipaj. «Cay-läman, wac-läman witiy» nishunquipaj. «Wac-läman, cay-läman witiy» nishunquipaj. Chaura purishpayqui ancallaypami tuninquipaj. Däñacunquipämi. Togllamanmi watacanquipaj. Chaychönami prësu ricacunquipaj.

Isaías 29:10

Tayta Diosmi camacächisha gamcuna fiyupa wañuy puñuypa puñucäcunayquipaj. Profëtacunami caycan llapan runacunapa ñawinnöpis. Ichanga Tayta Diosmi bendarcusha mana ricananpaj.

Isaías 29:14

Chaypitami cay runacunapäga tantiyayta mana camäpacunanpaj camacächishaj. Camacächishaj cay runacuna fiyupa almirananpaj. Yachajcunapa yachaj cayninpis, tantiyajcunapa tantiyaj cayninpis manami canganachu.»

Isaías 29:9

¡Ariel runacuna, gamcunaga jinalla goyarcaycay mana tantiyacuypa! ¡Gaprano, imatapis mana ricajno goyarcaycay! ¡Machächicojta mana upusha caycashpayquicunapis machasha runano tapraycachaycanqui!

Isaías 44:18

Chay runacunaga manami musyanchu, ni tantiyanpischu. Ñawin chapashanömi carcaycan. Manami tantiyanchu.

Isaías 63:17

Tayta Dios, ¿imanirtaj camacächishcanqui munashayquita ruraycashäpita gongaycärinäpäga? ¿Imanirtaj manana rispitanäpaj shongöcunatapis jucnöman ticrachishcanqui? Acrashayqui runacuna caycaptëga, sirbishojniqui runacuna caycaptëga cuyapämashpayqui yanapaycamay ari.

Jeremías 17:9

«Runapa shongonga fiyupa mana tantiyaypämi. ¿Piraj tantiyanman llullapar engañaycashanta? ¿Piraj musyanman mana allita rurayta yarpaycashanta?

Jeremías 5:21

Ñawiqui caycaptinpis mana ricaj, rinriqui caycaptinpis mana wiyaj, mana tantiyacoj upa runacuna wiyamay.

Jeremías 6:10

Chaura noga nirä: «¿Pitaraj nishaj? ¿Pitaraj willapäshaj? ¿Piraj wiyamanga? Paycunaga imatapis mana wiyananpaj rinrincuna chapashami caycan. Tayta Diospa palabranpaj paycunaga asicunmi. Paycunaga manami wiyaytapis munanchu.

Lamentaciones 3:65

Paycuna mana tantiyananpaj camacaycachiy. Nircorga paycunata castigaycuy.

Zacarías 11:15

Tayta Dios nimaran: «Cananga mana alli uyshërunöna cay.

Zacarías 7:11

Chaypis paycunaga manami wiyacuranchu. Chaypa ruquenga rinrincunatapis chapacarcärir juc-läpa ticracarcäriran.

Mateo 13:15

Cay runacunapa shonguncuna fiyupa chucruyashami caycan. Chaymi rinrincunapis chapacashano caycan. Ñawincunapis mana ricajno caycan. Chaynöpami mana arpinticongachu. Chayno captenga nogapis manami allchacächishächu.›

Juan 12:40

Chay runacunapa yarpayninta ticrachisha mana tantiyajman. Rinrincunatapis chaparcusha mana wiyananpaj. Ñawintapis chaparcusha mana ricananpaj. Chaynöpami mana ricar, mana wiyar mana tantiyangachu. Chaynöpami mana arpinticongachu. Chayno captenga nogapis manami allchacächishächu.

Hechos 28:27

Chay runacunapaga shongun chucruyacäcusha mana tantiyananpämi. Rinrincunatapis llutarcusha mana wiyananpämi. Ñawintapis chaparcusha mana ricananpämi. Chaynöpami mana ricar mana wiyar mana tantiyanchu. Chaynöpami mana arpinticunchu. Chayno captenga nogapis manami allchacächishächu.

Hechos 3:19

Cananga juchayquicunapita arpinticuy. Tayta Diosmanna yäracuy. Chayrämi llapan juchayquita Tayta Dios perdunashunquipaj, alli cawaytana tarichishunquipaj.

2 Corintios 2:16

Mana salbacojcunapäga willacushä caycan melanaypaj asyajnömi. Tayta Diospa willacuyninta chasquicojcunapämi ichanga willacushä caycan cuyayllapaj alli asyay chayajno. Chaura ¿piraj Tayta Diospa willacuyninta willacuyta camäpacunman?

Deuteronomio 2:30

«Chayno ruwashapis ray Sehonga manami munaranchu nasyunninpa päsamunanchïta. Tayta Diosninchïmi camacächiran mana auninanpaj. Chayno camacächiran gamcunapa munayniquicho cananpaj. Chaymi cananyajpis munayniquicho caycan.

Deuteronomio 29:3

Gamcunaga ricarayquimi milagrucunata, señalcunata, almiraypajcunata rurashanta.

Deuteronomio 29:4

Canancamapis Tayta Diosga manami tantiyachishunquirächu imapaj chayno rurashantapis. Ricaycarpis mana ricajnömi caycanqui. Wiyaycarpis mana wiyajnömi caycanqui.

Deuteronomio 31:20

Nogaga Israelcunata chayachishaj jurar awiluncunata aunishä partimanmi. Chaychöga lëchipis mishquipis manami pishinchu. Chaycho paycuna sumaj micucarcärir, wirayacurcorga juc dioscunatami aduranga. Nogataga manacajmannami churamanga. Chayno rurarmi paycunawan conträtu rurashätapis mana cumlenganachu.

Deuteronomio 32:15

«Israel ichanga werayasha, jaytacojyasha. Jesurún wera cayllawan llushwaypa llushwasha. Chayno carmi Camajnin Tayta Diostapis gongaycusha. Salbajninta, chapajninta manacajman churasha.