Isaías 59:11 - Tayta Diosninchi Isquirbichishan

¹¹ Llapanchïpis ucumaryanömi gaparpaycanchi. Palumanömi ataycanchi. Salbasyunta shuyararpis manami salbacunchïchu.

Isaías 59:11 ပူးပေါင်းရင်းမြစ်များ

Salmos 119:150

Fiyupa chiquimajcunaga gaticachämar taripaycämannami. Yachachicuyniquicunatami ichanga gongaycush.

Salmos 119:155

Layniquicunata mana wiyacuptin fiyucunataga manami salbanquichu.

Salmos 38:8

Callpäpis mananami cannachu. Wirur-ushashanömi nanapäcuycä. Chaymi llapan shongöpa llaquicur ataycä.

Salmos 55:2

Yanapaycamay ari. Fiyupa llaquicurmi mañacaycämö.

Salmos 85:9

Tayta Diosga jananchïchönami caycan rispitajcunata salbananpaj. Payga cay pachacho noganchïwanmi imaypis caycanga.

Isaías 38:14

Äbicuna wagajnömi nanächicuycä. Palumanöllami nanaywanpis ataycä. Ñawëpis uticannami syëluman ricarayllawan. Tayta Dios fiyupami ñacaycä. Nogapa faburnë jatarcuy ari.

Isaías 51:20

Toglla chariptin animal ricacushannömi wamrayquicunaga ricacusha. May cälli isquïnachöpis jitarpaycan. Chaynöga carcaycan Tayta Dios rabyawan castigashushayquicunapitami.

Isaías 59:14

Chaynöpami alli cajta ruraytaga gongaycärishana. Alli cajta ruraytaga pipis manami yarpannachu. Parlashantaga runacuna manami cumlinnachu. Suwapänacur suwapänacullarnami goyarcaycan.

Isaías 59:8

Manami musyanchu alli goyay imano cashantapis. Paycuna rurashanga llapanpis mana allillami. Paycuna rurashanga llapanpis llutanllami. Paycuna goyashanno goyajcunaga alli goyayta manami tarinchu.

Isaías 59:9

Juchanchïcunapitami salbacunanchïpäga fiyupa sasa caycan. Chaynöpami Tayta Diospa achicyaynin mana chayamunchu. Achicyajta shuyarashanchïpis chacajllami caycan. Achicyayta munaycarpis yanauyaycajllachörämi purircaycanchi.

Jeremías 8:15

Alli goyaytami munarcaycaranchi. Ichanga manami yarpashanchïnöchu casha. Mana gueshyayllapa goyaytami yarparanchi. Ichanga fiyupa manchachicuyllami casha.

Jeremías 9:1

¡Ojalä ñawëga pashtaj yacuno canman! Chauraga wañoj marca-masëcunapaj pagasta junajtapis wagaptë pashtaj yacunömi weguë llojshinman.

Lamentaciones 3:17

Nogapäga manami cannachu alli goyayga. Cushisha goyay cashantapis gongaycushcänami.

Ezequiel 7:16

Waquenga mancharisha palumanöpis jircacunaman, puntacunaman gueshpir pacaconga. Gueshpejcunapis juchanpita llapanmi wañonga.

Oseas 7:14

Cämancho gaparpashpanpis, manami llapan shongunpa mañacamanchu. Rïgun, bïnun achca cananpaj mañacur janancunatami yawar-yawar ruracun. Chayno rurarmi nogapa conträ ricacusha.

Nahúm 2:7

Nínive runacunatana prësu apacun. Chaymi uywaynin warmicunaga paluma wagajnöraj atarcaycan. Wagashpan pëchuncunata tacacurcaycan.

Nahúm 2:8

Ishtanqui juchucäcuptin yacu bunyaylla aywacushannömi Nínive siudächo tiyajcunaga gueshpiycan. «¡Ichiy-llapa! ¡Cutimuy!» nir gayacuptinpis manami pipis cutinnachu.