Isaías 58:4 - Tayta Diosninchi Isquirbichishan

⁴ Ayunay junaj gamcunaga goyanqui rimanacullar, pillyallar, wañuchicojcunano cutanacushpallayquimi. Ayunay junajcho chayno rurashayquipitaga ruwacur mañacamashayquicunata noga manami wiyashächu.

Isaías 58:4 ပူးပေါင်းရင်းမြစ်များ

Proverbios 21:27

Tayta Diosga melanäcunmi fiyu runacuna garashan sacrifisyuta. Mas piyur-rämi melanäcunpis yanapänan cashalla sacrifisyuta apapaptenga.

Isaías 1:15

Gamcuna maquiquita jogaricurcur mañacamaptiquipis gamcunapitaga juc-läpami ticracurë. Yaparir-yaparir mañacamuptiquipis Nogaga mananami wiyashänachu. Gamcunapaga maquiquipis wañuchicushayqui yawarllami caycan.

Isaías 3:14

Tayta Diosmi arriglananpaj gayachishpan dimanducho arriglajcunatawan mandajcunata nenga: «Gamcunami übas wertäno caycajcunatapis illgächishcanqui. Pobricunatapis suwapashcanqui. Suwacushayquicunatanami wasiquicunaman juntaycächinqui.

Isaías 3:15

¿Imanirtaj chaynöga acrashä runacunata ñacaycächinqui? ¿Imanirtaj pobricunata ñacachishcanqui?» Munayniyoj Tayta Diosmi chayno nishunqui.

Isaías 59:2

Ichanga gamcunapa juchayquimi Tayta Diospitaga pergano raquishurayqui. Gamcuna juchata rurashayquipitami Tayta Diosga mana ricärishunquinachu. Mañacuptiquipis mana wiyashunquinachu.

Isaías 59:6

Chay llicapitaga manami röpata ruranchu. Chay awashanwanga manami pipis jananta chapacunchu. Paycunaga wañuchicuyllatami arun.

Joel 2:12

Cananga Tayta Dios caynömi nin: «Llapan shonguyquipa nogamanna yäracamuy-llapa. ¡Ayunashpayqui, wagashpayqui, llaquicushpayqui nogamanna cutimuy-llapa!»

Jonás 3:7

Papilta rurarcur mashtachiran intëru siudäpa. Chay papilcho cayno niycaran: «Pipis ama ima micuytapis micuychu. Uywayquicunatapis ama garaychu. Ni yacutapis ama upuchiychu.

Mateo 23:13

«¡Ay imanöraj canqui lay yachachejcunawan fariseucuna! ¡Janan shongullami carcaycanqui! Gamcunaga yachachishayquiwanmi Tayta Diospa maquincho cawaj yaycuyta munajcunata puncuta wichgapajno carcaycanqui. Ichanga quiquiquicunapis manami yaycunquichu.

Lucas 20:47

Paycunaga biyüdacunapa wasinpita ima cajllantapis ushapan. Nircorga rurashancunata pampachananpaj Tayta Diosta may öra mañacoj-tucun. Chayno rurashanpitami fiyupa castigasha canga.»

Juan 18:28

Manaräpis pacha waraptin Caifaspa wasinpita Jesusta aparan Pilatupa despächunman. Payga Roma gobernadormi caran. Mandaj Israelcunaga gobernadorpa despächunman mana yaycuranchu «Mana Israel runapa wasinman yaycorga ganrami ricacushunpaj. Pascua fista micuytapis manami micushunpänachu» nir.