Isaías 58:2 - Tayta Diosninchi Isquirbichishan

² Paycunaga waran-waranmi nogaman mañacaycämun. Munashäno rurananpaj cajta musyarmi paycunaga cushisha caycan, allita ruraj runacunanöraj, laynëcunatapis mana cachaypa cumlejnöraj. ‹Alli cajta ruranäpaj laycunata musyachimay› nir mañacaman. Chayno mañacamarmi paycunaga alli-tucurcaycan.

Isaías 58:2 ပူးပေါင်းရင်းမြစ်များ

Salmos 119:15

Willapämashayquicunata cumlinäpämi yarpachacushaj. Caminuyquipa puriyta manami gongashächu.

Salmos 119:151

Tayta Dios, gamga ñaupallächömi caycanqui. Mandamintuyquega llapanpis rasun cajllami.

Salmos 119:87

Ichicllapami pishisha wañunäpis. Chayno caycarpis manami gongaycushcächu willapämashayquicunata cumliytaga.

Proverbios 15:8

Fiyu runacunapataga imata goptinpis Tayta Dios manami chasquinchu. Quiquin Tayta Dios munashanno cawajcuna mañacuptinmi ichanga cushicun.

Isaías 1:28

Mana wiyacojcunawan juchasapacunami ichanga wañuchicanga. Tayta Diosta gongaycoj cajcunaga llapanmi wañonga.

Isaías 1:4

Ay imanöraj canqui juchasapa runacuna, mana allita rurar jucha aparicoj runacuna, juchasapacunapita mirajcuna, pirdicasha wamracuna. Gamcunaga Tayta Diospitami witicurishcanqui. Israelcunapa Santo Diosnintami manacajman churashcanqui. Paytaga gongaycärishcanquinami.

Isaías 29:13

Tayta Dios nin: «Cay runacunaga shimillanwanmi sirbiman. Janan shongullami alabaman. Shongunchöga juctami yarparcaycan. Nogata aduraycämashanga caycan runacuna yarpaynillanpita nishancunallami. Paycunaga runa yachachishannöllami aduraycäman.

Isaías 42:20

Paycunaga tucuytami ricasha. Ichanga manami cuentata gocushachu. Wiyaytaga wiyanmi. Ichanga imata niycashätapis manami tantiyanchu.»

Isaías 57:12

Imano cashayquitapis nogaga intërupami musyachishaj. Chauraga llapan rurashayquicunapis yangallapämi canga.

Isaías 57:3

Tayta Diosmi cayno nin: «Witimuy brüjacunapa wawan. Shamuy mañösa warmipa wawan.

Isaías 59:13

Tayta Dios nishantaga manami cumlishcanchïchu ni wiyacushcanchïpischu. Paytaga chiquicarcärishcanchïmi. Noganchëga wañuchicuyllapämi, juc runata mana alli rurayllapämi parlashcanchi. Jucta-jucta engañanallanchïpämi parlacushcanchïpis.

Jeremías 42:2

profëta Jeremiasta. Nircur niran: «Ruwacuyculläshayqui ari tayta. Tayta Diosniquita mañacuycuy nogacuna wallcajllapis quëdajpaj. Quiquiqui ricashayquinöpis ñaupataga aypallami caranchi. Cananga pasaypa wallcajllanami quëdashcanchi.

Jeremías 42:20

Gamcunaga Tayta Diosta mañacapänäpaj ruwacamashpayquimi nimarayqui: ‹Nogacunapaj Tayta Diosninchïta mañacuycuy. Nircorga imata nishantapis willamay nishanno ruranäcunapaj ari› nir. Canan nogaga gamcunata willashcä imano willanäpäpis Tayta Dios nimashantami. Ichanga gamcuna manami wiyacuyta munanquichu. Chay nishayquita mana cumlir gamcunaga fiyupa juchatami aparicuycanqui.

Jeremías 7:10

Chayno rurarcärirpis mana musyaj-tucusha aywarcaycämunqui tiyanäpaj caycaj Templuman. Gamcunaga «caycho imapis manami chayamäshunchu» nircaycanqui. Chaypis mana munashä cajtami sïguir rurarcaycanqui.

Jeremías 7:9

Gamcunaga suwacurcaycanqui, wañuchicurcaycanqui runa-masiquipa warminwan cacurcaycanqui, llullacuypa jurarcaycanqui, insinsuwan Baal diosta saumaycächinqui. Gamcunaga juc-lä runacuna «diosnë» nir adurashantami adurarcaycanqui.

Ezequiel 20:3

«Runa, gamga Israel mayurcunawan parlay. Paycunata ninqui: ‹Tayta Diosga nin: ¿Gamcunaga tapucamajchu shamushcanqui? Tapucamaptiquipis manami willashayquipächu. Noga Tayta Diosmi chayno në.›

Amós 5:18

¡Ay imanöraj canga, Tayta Dios shamunan junajta shuyarpaycajcuna! ¿Gamcunaga musyaycanquichu gamcunapaj imano chay junaj cananpaj cashantapis? Achicyaj cananpa ruquin chay junäga cangapaj yanauyaycaj chacaymi.

Marcos 12:14

Chayaycärir niran: «Maestru, nogacuna musyämi rasun cajllata rimashayquita. Gamga rasunpami yachachinqui Tayta Dios munashannölla. Manami runacuna gustashallantachu yachachinqui. Cananga mä nimay. ¿Impuestuta pägashwanchu Roma nasyunpa mandajnin Cesarpaj o manachu?»

Marcos 6:20

Herodes michaptinmi mana puydiranchu. Herodesga nej «Juanga Diosta sirbej runami. Wañuchir juchayojmi cashaj» nir. Chaymi Juan willapashan shongunman mana tincuptinpis willapaptenga cushisha wiyaparaj.

Juan 5:35

Bautisaj Juan yachachishanga achqui achicyacurcojnömi gamcunapaj caran. Chaymi shamunäpaj cashanta wiyar ishcay quimsa junajllapis cushicurayqui.

Tito 1:16

Llutan yachachicojcuna «Tayta Dios munashannömi goyä» niptinpis llutancunata rurar goyashanta ricarmi runacuna tantiyacun Diosninchïta mana wiyacushanta. Paycunaga Diosninchïta mana wiyacurmi runa-masinta chiquir imatapis alli cajtaga mana ruranchu.

Santiago 4:8

Tayta Diosninchïman ayway-llapa. Chauraga paypis maquinchönami purichishunqui. Juchata rurasha carga arpinticuy. Tayta Diosninchïmanga llapan shonguyquiwanna yäracuy, ama janan shongullaga.