Isaías 58:10 - Tayta Diosninchi Isquirbichishan

¹⁰ quiquiquipaj cajta yargaycaj runata goycuptiqui, llaquicuycajta nistashanwan yanapaptiqui, chacajchöno carpis achicyajnömi canquipaj. Chacäpacushano cashayquipis pullan junajmannömi ticracurenga.

Isaías 58:10 ပူးပေါင်းရင်းမြစ်များ

Job 11:17

Gampäga las-dösinörämi pachapis achicyacäconga. Gampaj pacha usharashanpis pacha warashanömi ricacongapaj.

Job 31:31

Wasëcho cajcunapis llapanmi micusha upusha goyaj.

Salmos 112:4

Alli runacunapäga chacajcho caycaptinmi achqui yurircusha. Tayta Diosga alli shongumi, cuyapäcojmi, allillata rurajmi.

Salmos 37:6

Chauraga Diosmi allita ruraj cashayquita ricacächenga. Alli runa cashayquitana pï-maytapis musyachenga.

Salmos 41:1

Cushishami cawanga pobricunatawan wacchacunata yarpäga. Chay runataga ima disigrasya chayaptinpis Tayta Dios salbangami.

Proverbios 14:31

Pobricunata ñacachejcunaga camaj Tayta Diostami rabyachin. Pobricunata cuyapajcunami ichanga Tayta Diosta rispitan.

Proverbios 28:27

Pobricunata yanapajtaga manami imapis pishengachu. Mana yanapajcunatami ichanga ñacajcuna maldisyunta gonga.

Isaías 29:18

Chay junäga mana wiyaj upacunapis liguipashanta wiyanganami. Gapracunapis ricanganami. Manami chacaychönönachu canga.

Isaías 42:16

Gapracuna aywashanpaga chacaytapis achicyajmanmi ticrarachishaj. Jatun ragracunatapis pampamanna ticrarachishaj. Paycunataga pushashäpaj mana rejsishan nänicunapami, quichqui nänicunapami. Chaycunataga rasunpami rurashaj.

Isaías 60:2

Cay pachataga chacajmi chapacurcusha. Nasyuncunataga yanauyaycajmi ñiticurcusha. Gammanmi ichanga achquino noga chayamushäpaj. Munayniyoj cashäpis gamcunawanmi caycangapaj.

Ezequiel 18:16

Capaschari pitapis mana ñacachinmanchu. Capaschari imata mañacuptinpis rindataga mana charinmanchu. Capaschari pitapis mana suwapanmanchu. Capaschari micuyniynajcunata garanman. Capaschari röpaynaj caycajtana röpata goycunman.

Zacarías 14:7

Chay junäga almiraypämi canga. Tayta Diosllami musyan imano cananpaj cashantapis. Chay öraga manami musyacangapächu chacay ni junaj cashanpis. Chay öraga chacay captinpis junajpanöllami achicyaycangapaj.

Zacarías 6:15

Gamcuna Tayta Diosta wiyacuptiquega Tayta Diospa Templunta aröshishunayquipaj carupita-pachami runacuna shamonga. Chayno captinrämi gamcunaga musyanquipaj munayniyoj Tayta Dios cachamashanta.

Lucas 18:22

Chaura Jesús niran: «Jucrämi pishëshunqui. Llapan ima-aycayquitapis ranticuycuy. Nircur chay guellaytana pobricunata raquipanqui. Chayno rurarga syëluman riquësayquita churaycajnömi caycanqui. Nircur ichanga shamunqui gatirämänayquipaj.»

Deuteronomio 15:4

Chayno ruraptiquega goycushunayquipaj caycaj nasyuncho Tayta Dios bindisyunninta churamongapaj. Chaymi gamcunachöga pobricuna mana cangachu.