Isaías 58:1 - Tayta Diosninchi Isquirbichishan

¹ Tayta Dios nimaran: «Mana manchacuypa llapan callpayquiwan gayacamay. Trompëta wagajnöraj sinchipa gayacamay. Jacobpita miraj acrashä runacunata juchanpita piñacuy.

Isaías 58:1 ပူးပေါင်းရင်းမြစ်များ

Isaías 2:5

Jacobpita mirar aywajcuna, Tayta Dios pushamashallanchïpa purishun ari.

Isaías 27:13

Chay junäga trompëtatami tucamongapaj. Chaura Asiriacho ogracasha caycajcunawan Egiptuman prësu aywasha caycajcunapis Jerusalenman shamongapaj fiyupa rispitädu lömacho Tayta Diosta adurananpaj.

Isaías 40:6

«Sinchipa gayacuy» nimashantami wiyashcä. Chaura nogaga tapushcä: «¿Ima nirtaj gayacushaj?» nir. Chaymi nimaran: «Gayacuy llapan runacuna llullu guewanölla caycashanta; alli cawashanpis waytanölla caycashanta.

Isaías 43:27

Unay rimir-punta caj awiluyquipis juchatami ruraran. Yachachishojniquicunapis conträmi ricacuran.

Isaías 50:1

Tayta Diosmi cayno nin: «¡Gamcunaga capas yarpanqui juc runa warminwan raquicajno Israelta cachaycushäta! Chauraga ¿maytaj raquicashä papil? ¡Capas yarpanqui pipapis jagan cashpä gamcuna uyway canayquipaj ranticuycushäta! Chauraga ¿maytaj jaga cashä papil? Chaypa ruquin gamcunaga juchayquipitami ranticusha cashcanqui. Gamcuna mana wiyacoj cashayquipitami mamayqui Israelga jitaricasha.

Isaías 56:10

Paycunata mandaycäga gaprayashami carcaycan. Manami imatapis musyanchu. Llapanpis paycunaga carcaycan mana wagyacoj allgunömi. Paycunaga goyay-goyaymi jitaräcun. Puñullarmi cacun.

Isaías 57:12

Imano cashayquitapis nogaga intërupami musyachishaj. Chauraga llapan rurashayquicunapis yangallapämi canga.

Isaías 59:12

Noganchëga Tayta Diosta fiyupami rabyachishcanchi. Juchanchïcunami chayno cashanchïta musyachimanchi. Jucha rurashanchïcunataga yarparaycanchïmi.

Jeremías 2:2

Jerusalenman aywanäpaj, chaycho tiyajcunata noga willapänäpaj. Caynömi Tayta Dios nin: «Nogaga yarpaycämi ñaupa wichan Nogallata wiyacamar cawashayquita. Chayraj majachacasha jipashnömi cuyamarayqui. Micuy mana wayunan chunyaj chaqui jircapapis gatirämarayquimi.

Jeremías 36:9

Josiaspa wamran Joacim pichga wata isgun quillanna Judäpa raynin caycaptin intëru Judächo tiyajcunaman Jerusalencho tiyajcunaman willacachiran ayunananpaj. Chaymi llapan siudäpita Jerusalenllaman shuntacaran.

Jeremías 6:17

Ricchacojcunata churarcur nogaga runacunata willashcä: ‹Ricchacojcuna trompëtata tucamushanta wiyaj-wiyajlla carcaycay› nir. Ichanga runacuna nisha: ‹Manami wiyayta munäcunachu› nir.

Lamentaciones 2:14

Profëtayquicuna willashushayquega manami rasunpachu caran. Juchayoj cashayquita paycunaga manami willashurayquichu. Willashuptiquega canan manami prësu aywanquimanchu caran. Llutanta willapäshushpayquimi gamcunataga riguichishurayqui.

Ezequiel 11:4

Runa, paycuna chayno cashanpita noga nishäta willanqui.»

Ezequiel 16:2

«Runa, Jerusalén runacunata willay fiyupa melanaypajcunata rurashanta.

Ezequiel 20:4

«¡Runa, gam jusgay ari! Jusgashpayqui niy unay taytancuna mana cachaypa fiyupa melanaypajcunata rurashanta.

Ezequiel 22:2

«Runa, gamga wañuchicojcuna tiyanan siudä imano cananpäpis rimay. Mana cachaypa melanaypajcunata rurashanta niy.

Ezequiel 23:36

Tayta Dios yapay nimaran: «Runa, Aholawan, Aholiba juchanpita imano cananpaj cashantapis willay. Melanaypaj ganracunata rurashanta mana pacaypa niy.

Ezequiel 33:3

Contran suldärucuna nasyunninman yaycuycajta ricar chay ricachacöga trompëtata tucashpan runacunata musyarachin.

Oseas 8:1

«¡Ricachacoj, trompëtata tucay! Acrashä runacuna cajmanmi juc anca aywaycämun. Aywaycämun acrashä runacuna conträtuta rurar parlashäta mana cumlishanpitami, yachachishäcunata mana wiyacushanpitami.

Jonás 1:2

«Ayway jatun Nínive siudäman. Chaycho willapanqui paycuna fiyupa mana allita ruraycashanpita chay siudäta illgächinäpaj caycashäta.»

Tito 2:15

Cay willapashäcunataga pitapis mana manchacuypa sumaj yachachir shacyächinqui wiyacunanpaj. Mana wiyacojcunataga tantiyachinqui jucha rurashanta cachaycunanpaj. Pipis manacajman churashunayquipäga achäquita ama ashiychu.

Apocalipsis 1:10

Chaycho caycarmi domingu junaj Espíritu Santupa munaynincho cashpä wiyarä trompëta wagamojnöraj guepäpita cayno

Apocalipsis 4:1

Chaypitanami ricarä syëlu puncu quicharaycajta. Chaychöpis rimir wiyashänölla yapay wiyarä trompëta wagamojtano. Cayno nimaran: «Cayman wichämuy. Cananmi ricachishayqui ima päsananpaj cajtapis.»