Isaías 57:6 - Tayta Diosninchi Isquirbichishan

⁶ «Israel, gamga yacu aywaj ragra cantuncunacho caycaj ullush rumicunatami adurayta munanqui. Bïnu ofrendacunatapis chaycunamanmi wiñapashcanqui. Chaqui micuy ofrendacunatapis ‹paypaj› nir apashcanqui. ¿Chayno rurasha caycaptiquichi nogaga upällalla cacushaj?

Isaías 57:6 ပူးပေါင်းရင်းမြစ်များ

Isaías 65:11

Ichanga nogata gamcuna cachaycamashcanquimi. Rispitädu jircätapis gongaycushcanquimi. Gamcunaga ‹alli surtita tarichicoj diospaj› nirmi garaycanqui. ‹Alli distïnuta tarichicoj diospämi› nir bïnutapis jichapaycanqui.

Isaías 66:3

Waquin runacunami ichanga aduramashpan töruta rupachinanpaj pishtan. Runa-masintapis wañuchin. Uyshata nogapaj pishtan. Allgutapis cuncanta milluypa wañuchin. Chaqui micuy ofrendancunatapis nogapaj churan. Nircorga cuchipa yawarnintapis churan. Aduramashpan insinsutapis rupachin. Nircorga ïdulucunatapis aduran. Chayno melanaypajcunata rurananpaj acrajcunaga chaycunata rurashpan fiyupa cushicun.

Jeremías 19:13

Judäpa raynincunapa palasyuncunawan Jerusalencho caycaj wasicuna, goyllarcunata adurashpan insinsucunata saumachishanpis, juc dioscunata adurar bïnuta jichapashan wasi janancunapis Tofetno ganrami quëdanga.› »

Jeremías 3:9

Mana pengacuypami rumicunata, jatusaj yöracunata rispitar adurasha. Chayno rurarmi nasyunnintaga pasaypa ganrachisha.

Jeremías 32:29

Siudäman yaycaycämoj Babilonia runacunaga yaycushpan ninatami sindipaycärenga. Chaura wasin janancunacho Baalta adurashpan insinsu rupachicunancunatapis rupacurcongami. Fiyupa rabyachimar mana rejsishan dioscunapaj bïnuta jichapänan wasincunatapis rupacurcongami.

Jeremías 5:29

Chayno rurarcaycaptenga ¿imanirtaj mana castigämanchu? Chayno runacunataga yarpachacunanpaj ¿manachu castigäman? Noga Tayta Diosmi chayno në.

Jeremías 5:9

Chayno carcaycaptenga ¿imanirtaj mana castigämanchu? Chayno runacunataga yarpachacunanpaj ¿manachu castigäman?

Jeremías 7:18

Wamrancunami yantata shuntarcur apapan. Papänincunami ninata ratachin. Warmicunana jarinata chapun llapsha tantacunata rurananpaj. Nircurna ‹Syëlupa Maman› nishanpaj churan. Juc-lä runacuna ‹diosnë› nishanpäpis bïnuta tacshipan nogata fiyupa rabyachimänanpaj.

Jeremías 9:9

Chayno rurarcaycaptenga ¿imanirtaj mana castigämanchu? ¿Imanirtaj mana castigämanchu yapaycho chayno mana rurananpaj?» Chaynömi Tayta Dios nisha.

Ezequiel 20:39

« ‹Israel runacuna, nogami Tayta Diosniqui cä. Mana wiyacamayta munashpayquega ayway ari mana bälej ïdulucunata aduraj. Ichanga amana manacajman churamaynachu mana bälej ïduluyquicunata ofrendayquicunawan adurashpayqui.