Isaías 57:11 - Tayta Diosninchi Isquirbichishan

¹¹ «¿Pita manchacushpayquitaj nogata engañamashcanqui? ¿Pita rispitashpayquitaj nogata gongaycamashcanqui? ¿Unaypita-pacha mana rimacuptëchu gamcunaga mana rispitamanquichu?

Isaías 57:11 ပူးပေါင်းရင်းမြစ်များ

Salmos 50:21

Chayno llapanta ruraptiquipis upällami cacushcä. ¿Gamnölla cashätachu yarpashcanqui? Chayno rurashayquipitaga piñacushayquimi. Llapanpitami jusgashayqui.

Salmos 78:36

Paycunaga janan shongullami Tayta Diosta alabaj. Imata nirpis llullapajmi.

Proverbios 29:25

Runacunata manchacorga ima mana allimanpis chayanmi. Tayta Diosman yäracojcunatami ichanga imapis mana chayanchu.

Eclesiastés 8:11

Fiyu runata juchanpita mana castigaptenga runacuna sïguirmi jucha rurayllapaj yarparcaycanga.

Isaías 26:10

Fiyu runacunata may-jina cuyapaptiquipis paycunaga manami yachacongapächu alli cajta rurayta. Paycunaga alli runacunapa ñaupancho tiyaycarpis mana allillatami ruran. Paycunaga manami manchacushunquichu fiyupa munayniyoj Tayta Dios captiquipis.

Isaías 30:9

Cay nasyun runacunaga mana wiyacoj llullami. Tayta Dios yachachishantapis manami wiyayta munanchu.

Isaías 42:14

Tayta Diosmi cayno nin: «Achca watami mana rimacushcächu. Shongullächo yarparashcä, upällalla cacushcä. Cananmi ichanga gueshyacoj warmi nanaywan gaparashanno gayarayparaj willacushaj.

Isaías 44:20

Chayga uchpata micojnömi. Chayno ruräga quiquillanmi llutanta yarpar ruraycan. Chay runacunaga manami yarpachacongapischu: «Aptaraycashä ïduluga ¿manachuraj manacajlla?» nir.

Isaías 47:7

‹Imaycamapis raynallami cashaj› nirayqui. Ichanga noga ruranäpaj cashanta manami yarpashcanquichu. Imano ushacänayquipaj cashantapis manami musyashcanquichu.

Jeremías 2:32

¿Jipash cashan wichan camaränanpaj ima-aycantapis churacushanta, jaticushanta warmi gongaycunmanchuraj? Acrashä runacunami ichanga ñaupatana gongaycamasha.

Jeremías 3:21

«Chunyaj jircacunacho gaparashanmi wiyacaycan. Israelcunami wagashpan cuyapänanpaj mañacurcaycan. Paycunaga allipa aywarcaycashanpitami llutanpa aywacusha. Chaymi Tayta Diosnin caycaptë nogataga gongaycäramasha.

Jeremías 38:19

Chaura Sedequías niran: «Babiloniacunaman guellicoj Judá runacunatami manchacö. Babiloniacunapa maquincho captë chay guellicojcunaga magar-ushamangami.»

Jeremías 41:18

Aywacuyta yarparan Babilonia runacunapita gueshpinanpämi. Gedaliasta Ismael wañuchishanpita Babilonia runacunata fiyupa manchacuran. Gedaliastaga Babiloniapa rayninmi churasha caran Judá nasyunpa gobernadornin cananpaj.

Jeremías 42:20

Gamcunaga Tayta Diosta mañacapänäpaj ruwacamashpayquimi nimarayqui: ‹Nogacunapaj Tayta Diosninchïta mañacuycuy. Nircorga imata nishantapis willamay nishanno ruranäcunapaj ari› nir. Canan nogaga gamcunata willashcä imano willanäpäpis Tayta Dios nimashantami. Ichanga gamcuna manami wiyacuyta munanquichu. Chay nishayquita mana cumlir gamcunaga fiyupa juchatami aparicuycanqui.

Ezequiel 13:22

Gamcunaga noga mana munashätami rurashcanqui. Chaymi llullacur engañashpayqui alli runacunata llaquicuyman churashcanqui. Fiyu runacunatanami ichanga shacyächishcanqui mana allicunata ruraycänanpaj, chaynöpana noga castiganäpaj caycajpita mana salbacunanpaj.

Oseas 11:12

Tayta Dios nin: «Efraín runacunaga tucuynöpami llullapämasha. Israel runacunaga tucuynöpami manacajcunata nimasha. Judá runacunaga noga Tayta Diosninta gongaycamashami. Cananga ïdulucunatana mana cachaypa adurarcaycan.

Mateo 25:25

Chayno captiqui manchacushpämi guellayniquitaga pampaycurä. Chaymi cananga guellayniquita cashgallanta apamushcä.›

Hechos 5:3

Waquillanta apashanta musyar Pedro niran: «Ananías, ¿imanirtaj Satanás yarpayta goshushayquita chasquishcanqui? ¿Imanirtaj Espíritu Santuta llullapaycanqui? ‹Cayllachömi ranticushcä› nerga llullacuycanquimi.

2 Tesalonicenses 2:9

Jesucristo manaraj cutimuptinmi Satanaspa munayninwan fiyu runaga tucuy milagrucunata ruranga.

1 Timoteo 4:2

Paycunaga llullacushpanmi ishcay cära canga. Chaymi llutancunata yachachirpis mana imapis gocongachu.

Apocalipsis 21:8

Juchasapacunami ichanga nina gochaman aywanga. Chayga caycan guepa caj wañuymi. Chaymanmi aywanga mana wiyacamajcuna, mana yäracamajcuna, chiquicojcuna, wañuchicojcuna, majayoj caycar jucwan cacojcuna, brüjucuna, ïdulucunata adurajcuna, llullacojcunapis.»

Apocalipsis 22:15

Chay siudächöga manami cangachu juchasapacuna: Diosman mana yäracojcuna, brüjucuna, majayoj caycar jucwan cacojcuna, runa-masinta wañuchejcuna, ïdulucunata adurajcuna, runa-masinta engañajcunapis.