Isaías 56:2 - Tayta Diosninchi Isquirbichishan

² Cushishami cawanga nishäta cumlej runaga. Cushishami cawanga säbadu jamay junajta rispitaj runaga. Cushishami cawanga mana alli ruraycunata mana ruräshej runaga.»

Isaías 56:2 ပူးပေါင်းရင်းမြစ်များ

Nehemías 13:17

Chaymi Judäcunapa mandajnincunata piñacur nirä: «¡Säbadu jamay junajta mana rispitar gamcunaga fiyupa juchatami rurarcaycanqui!

Salmos 106:3

Rasun cajllata, alli cajllata ruraj cajcunaga cushishami cawanga.

Salmos 112:1

¡Aleluya! ¡Tayta Diosga alabasha cachun! Cushishami cawanga Tayta Diosta rispitaj cäga, mandamintuncunata cumlej cajpis.

Salmos 119:101

Mana alli ruraycunataga manami ruränachu palabrayquita wiyacunäpaj.

Salmos 128:1

Cushishami cawanga Tayta Diosta rispitajcunaga, payta wiyacojcunaga.

Salmos 34:14

Mana allita ama ruraynachu. Allillatana ruray. Piwanpis allilla goyay.

Salmos 37:27

Llutancunataga ama ruraychu. Allillata ruray. Chauraga Tayta Dios aunishushayqui pachallachömi tiyanquipaj.

Éxodo 20:10

Sojta junajpa warannin junäga Tayta Diosta aduranayquipaj säbadu jamay junajmi. Chay junäga ama arunquichu, quiquiqui, ollgu ni warmi wamrayqui, ollgu ni warmi uywayniqui, uywayquicuna, ni lagacamoj runacunapis.

Éxodo 20:8

«Ama gonganquichu säbadu jamay junäga rispitädu cashanta.

Proverbios 14:16

Yachaj tantiyaj runaga ima mana allimanpis chayayta manchacurmi witicun. Mana tantiyacojcunatami ichanga imapis mana gocunchu.

Proverbios 16:17

Alli runacunaga jucha ruraypita witicunmi. Jucha ruraypita witicojcunaga alli cawaymanmi chayanga.

Proverbios 16:6

Rasunpa cuyarga juchanpita perdunanmi. Tayta Diosta wiyacorga jucha ruraypita witicunmi.

Proverbios 4:13

Willapar yachachishushayquicunataga umayquiman sumaj churacuy. Ama gongaychu. Willapäshushayquicunata wiyacorga allimi goyanquipaj.

Proverbios 4:27

Alli caminupa puriycashayquipitaga janaman ni uramanpis ama yaycunquichu. Mana allicunataga ama ruraychu.

Eclesiastés 7:18

Chaymi mana tantiyaj upa canayquipa ruquenga rasunpa yachay cajta ashiy. Tayta Diosta rispitaj cäga imachöpis allimi llojshenga.

Isaías 56:4

Tayta Diosga caynömi nin: «Capun runacuna caycajpis säbadu jamay junajcunata rispitaptin; Noga munashäcunata cumliptin; conträtuta rurar parlashänölla ruraptenga

Isaías 56:6

Jäpa runacuna sirbimänanpaj, cuyamänanpaj Nogapa munaynëman guellicamur säbadu jamay junajta rispitar, conträtuta rurar parlacushäno llapanta cumliptenga

Isaías 58:13

«Säbadu jamay junajtaga rispitay. Chay junajchöga ama imatapis ranticunacuychu. Chay junäga gamcunapaj cachun cushicuy junaj. Tayta Diosniqui acrashan junaj captin rispitädu cachun. Ima rurayniquitapis cachaycur chay junajtaga rispitanqui. Quiquiqui allicho canallayquipäga ama imatapis ruraychu. Manacajcunata ama rimaychu.

Ezequiel 20:12

Chaynöpis willaparä säbadu jamay junajcunacho jamananpaj. Jamay junäga paycunapajwan nogapaj señalno cananpaj yachachirä. Chaynöpa noga Tayta Diosnin cashäta yarpänanpämi yachachirä.

Ezequiel 20:20

Säbadu jamay-junajtapis sumaj rispitay. Jamay junäga caycan juc señalmi gamcunata acrashäta musyanayquipaj. Chayrämi musyanquipaj noga Tayta Diosniqui cashäta» nir.

Levítico 19:30

Säbadu jamay junajchöga rispitamar jamanqui. Tiyanä Toldutapis rispitanqui. Noga Tayta Diosniquimi chayno në.

Lucas 11:28

Niptin Jesús niran: «Chaypa ruquenga cushisha cawanga Tayta Dios willacachishanta wiyar rurajcunami.»

Lucas 12:43

Cushishami canga, patrunnin cutimur mincacushannölla ruraycajta tarishan uywayga.

Juan 13:17

Cay nishäcunata alli tantiyacorga, llapantapis nishänölla cumlerga cushishami cawanquipaj.

Romanos 12:9

Janan shongulla cuyanacunayquipa ruquenga llapan shonguyquiwan jucniqui-jucniquipis cuyanacuy. Mana allicunata ruranayquipäga yarpayllapis ama yarpaychu. Chaypa ruquenga mana alli ruraycunata cachaycur allillata rurar caway-llapa.

Apocalipsis 22:14

Cushishami cawanga röpanta tagshacojnöpis juchancunapita arpinticojcunaga. Chaymi imaycamapis cawachicoj yörapa wayuyninta miconga. Mushoj Jerusalén siudämanpis yayconga.