Isaías 55:2 - Tayta Diosninchi Isquirbichishan

² ¿Imanirtaj guellayniquita ushanqui mana micunachöga? ¿Imanirtaj arur gänashayquitapis ushanqui manacajcunachöga? Nogata wiyamay. Wiyacamashpayquega alli micuytami tarinquipaj. Fiyupa alli mishquej micuytami micunquipaj.

Isaías 55:2 ပူးပေါင်းရင်းမြစ်များ

Salmos 22:26

Umildicunaga sacsananyajmi miconga. Sirbiyta munaycajcunaga Tayta Diosta alabanga. Chaura para-simrimi cawangapaj.

Salmos 34:11

Wamräcuna, shamuy wiyamänayquipaj. Tayta Diosta rispitaytami yachachishayqui.

Salmos 36:8

Wasiquicho aypalla micuy captinmi llapanpis sacsan. Gamga yacutapis upuchinqui mishquej mayupitami.

Salmos 63:5

Fiyupami cushicushaj mishquej micuyta micushanöraj. Cushicushpä gamtami alabashayquipis.

Éxodo 15:26

Paycunata niran: «Wiyacamaptiquega, munashänölla cawaptiquega, laynëcunata cumliptiquega Egiptucunata castigar gueshyawan charichishäno manami castigashayquipächu. Nogami cä Tayta Diosniqui, imapitapis allchacächej.»

Proverbios 1:33

Willapashäta chasquicojcunami ichanga cushishalla goyanga. Imapitapis mana manchacuypa goyanga.»

Proverbios 7:23

Aywasha wañunanpaj cashanta mana musyashpan trampaman pichiusa yaycupaycojno. Shongunpa tucsipaycuptinrämi mayanga.

Proverbios 8:32

«Wamräcuna, canan willapashätaga sumaj wiyacuy. Yachachishäno cawarga cushishami goyanquipaj.

Proverbios 9:5

«Camaricushä micuyta micunapaj shamuy. Rurashä bïnuta upunapaj shamuy.

Eclesiastés 6:2

Waquintami Tayta Dios yanapan aypalla ima-aycayojpis cananpaj, rispitasha cananpaj. Ima munashancunapis imaypis mana pishinchu. Ichanga chaycunata quiquin ushanantaga Tayta Dios mana camacächinchu. Chaypa ruquin juccunarämi ushanga. Chayga caycan fiyupa llaquicuypämi. ¡Chaypis yangallami!

Isaías 1:19

Llapan nishäta wiyacorga chacrayquicho micuy wayojtapis allinnin cajtami micunquicunapaj.

Isaías 10:27

Chay junäga jorgushäpaj lasaj guepita aparipäshushayquitami. Yüguta matancayquiman churapäshushayquitapis paquirishäpaj.»

Isaías 25:6

Sión lömachömi munayniyoj Tayta Dios aypalla micuyta camarenga llapan nasyun runacunapaj. Chaychöga caycanga mishquej micuycuna, mas alli caj bïnupis.

Isaías 44:20

Chayga uchpata micojnömi. Chayno ruräga quiquillanmi llutanta yarpar ruraycan. Chay runacunaga manami yarpachacongapischu: «Aptaraycashä ïduluga ¿manachuraj manacajlla?» nir.

Isaías 46:6

Waquin runacunaga churacunanpita achca gorita jorgun. Guellaytapis balansacho pësan. Nircorga imanirajtapis ïduluta rurayta yachajwan parlan ‹diosnëta rurapämay› nir. Ruraparcuptenga chaypa ñaupanman gongurpacun, aduran.

Isaías 51:1

Tayta Diosmi cayno nin: «Allita rurar cawayta munajcuna, Noga nishäno rurayta munajcuna wiyamay. Masqui tantiyacuy maynin gagapita jorgusha cashayquitapis, maynincho caycaj rumicunapita llojshimushayquitapis.

Isaías 51:4

«Acrashä runacuna sumaj wiyamay. Acrashä nasyun runacuna sumaj tantiyay. Yachachicuynëcunatami willacachishäpaj. Chaycunaga llapan nasyun runacunapaj achquinömi canga noga munashänöna cawananpaj.

Isaías 51:7

«Alli caj imano cashantapis musyajcuna, yachachishäcunata ruraj runacuna wiyamay. Runacuna tucuyta nishuptiquipis ama llaquicuychu. Ashllishuptiquipis ama jagayaychu.

Isaías 62:8

Tayta Diosga munayniyoj cashpanmi juraran. Jurar niran: «Mananami imaypis camacächishänachu rïguyquita chiquishojcuna apacunantaga, ni ñacar rurashayqui bïnuyquita juc-lä runacuna upucurcunantapis.

Isaías 62:9

Chaypa ruquenga quiquiquicunanami micuyniquita shuntar micunquipaj. Übasniquicunatapis pallar shuntanquipaj. Bïnuta rurashayquitapis quiquiquicunami upunquipaj. Chayno rurashpayqui nogata alabamanquipaj rispitädu Templöpa sawan ruricho.»

Isaías 65:23

Paycuna manami yangallapäga arongachu. Wamrancunapis manaraj auquinyarga manami wañongachu. Chaynöga paycuna canga noga bindisyunta goshä runacunapita miraj cashpanmi. Paycunapita mirar aywajcunapis chaynömi cawangapaj.

Jeremías 12:13

Acrashä runacunaga rïguta muruycärir cashallatami shuntasha. Chay-jina ñacar arushanpis yangallami casha. Noga fiyupa rabyacurcushäpitami cosëchanga pirdisha.»

Jeremías 17:24

« ‹Nishäta rasunpa wiyacuy. Säbadu jamay junajchöga siudäman maygan puncupapis ima guepitapis ama yaycachiychu. Chay junäga ama arunquichu. Cachun nogata aduramänayquipaj acrasha junaj.

Jeremías 2:13

Acrashä runacunaga ishcay casta juchatami rurasha. Mana chaquej yacu pashtajno caycaptëpis Nogaman yäracaycämashanpita cachaycamasha. Y quiquincunami ïdulucunata adurasha sagra pösuncunata rurajno. Chay pösuncunaga yacuta manami juntachinchu.

Jeremías 31:14

Nogami camacächishaj cüracuna alli micuyllata micunanpaj. Noga bindisyunta goshäwanmi acrashä runacunaga cushisha goyanga.» Tayta Diosmi chayno nisha.

Oseas 12:1

Efraín runacunaga masta-mastami llullacuycan. Fiyupanami wañuchinacurcaycan. Paycunaga wayrallata goyarpoj gatirajnömi manacajcunallata rurarcaycan. Wayrata upoj-japuyllami carcaycan. Asiria runacunawan parlacorga chaytami ruraycan. Egiptumanpis garayninta asëtita apaycächin.»

Oseas 8:7

«Paycunaga wayratami murusha, löcu wayratana shuntangapis. Rïguncuna manami wayonganachu. Mana wayuptin jarinapis manami canganachu. Ichiclla cajllantapis juc-lä jäpa runacunami micucarcärenga.

Habacuc 2:13

Chay-jina ñacar arushayquitapis munayniyoj Tayta Diosga manacajllamanmi ticrachengapaj. Llapan arushayquicunatapis nina ruparmi ushanga.

Mateo 15:9

Paycunaga runa yachachishannöllami aduraycäman. Chaymi aduramashantaga mana chasquëchu.› »

Mateo 22:4

Chauraga yapayshi waquin uywaynincunata cachasha. Uywaycunaga cayno nisha: ‹Casaray fistaman shamuyna-llapa. Micuy camarishanami caycan. Wäcacuna wera besëracunapis pishtashanami caycan. Llapanpis listunami.›

Mateo 5:6

«Cushishami cawanga fiyupa yargaycajno yacunaycajnöpis Tayta Dios munashanno alli rurayta munajcunaga. Paycunatami Tayta Dios yanapanga.

Marcos 7:14

Chayno nircur runacunata niran: «Llapaniqui wiyamay. Nishätaga sumaj tantiyacuy.

Lucas 15:23

Nircur mas werannin töru-mallwatapis pishtay fistata rurananchïpaj.

Juan 6:27

Micunallayquipäga ama yarpachacuychu. Chaypa ruquenga yarpachacuy imaycamapis cawanayquipaj caj micuyta tarinayquipaj. Chayno cawachicoj micuytaga noga Destinädu Runami tarichishayqui. Chaypämi nogataga Taytä cachamasha.»

Romanos 10:17

Chaymi willacuyta wiyar-raj pipis yäracun. Chay willacuyga caycan Jesucristo willacushancunami.

Romanos 9:31

Israelcunami ichanga Tayta Diosninchi alli ricananpaj laycunata cumliyta munarpis mana camäpacuranchu.

Deuteronomio 11:13

«Canan junaj willapashä mandamintucunata cumliptiqui, Tayta Diosta cuyaptiqui, llapan shonguyquipa, llapan buluntäniquiwan payta sirbiptiqui

Hebreos 13:9

Chaymi llutan yachachicojcuna yachachishantaga ama chasquipaychu. «Tayta Dios munashanno alli cawanayquipaj rejsishallata micuy» nirpis manacajcunallata yachachishunqui. Tayta Diosninchëga alli ricashunqui manami imatapis rejsishacunallata micuptiquirächu. Man'chäga pay cuyapäcoj carmi imachöpis yanapäshunqui.