Isaías 55:13 - Tayta Diosninchi Isquirbichishan

¹³ Cashacuna cashanchömi pïno yöracuna wiñamongapaj. Ishancacuna cashanchömi rayan yöracuna wiñamongapaj. Chayno captinmi nogaga intërucho rejsisha cashaj. Chaytaga imaycamapis manami pipis gongangachu.»

Isaías 55:13 ပူးပေါင်းရင်းမြစ်များ

Salmos 96:12

Chacracunapis chaycho caycajcunapis cushicuchun. Munticho caj yöracunapis llapan cushicuypita gaparpächun.

Isaías 19:20

Chayga señal cangapaj munayniyoj Tayta Diosta Egiptuchöpis rispitashan musyacänanpämi. Paycunaga fiyupa ñacachiptinmi yanapänanpaj Tayta Diosta mañaconga. Chaura paymi cachamongapaj juc salbajta imapitapis chapänanpaj, ñacaycajta jorgunanpaj.

Isaías 32:13

Acrashä runacunapa chacrancunachöga wiñamonga cashawan jachacunallami shatayänanpaj. Cushicur goyashan wasincunachöpis wiñamonga cashawan jachacunallanami.

Isaías 35:1

Chunyaj jircacunapis chaqui pachapis cushicuchun. Gala pampacuna cushicur berdiypa-berdir guewa wiñar waytachun.

Isaías 35:2

Chauraga waytapis aypallami canga. Cushicur cantaypis cangami. Tayta Diosmi camacächej-aywan chaqui jircacuna Libanuno cuyayllapaj cananpaj. Chaynöpis camacächenga Carmelo jircano, Sarón guechwano alli allpa cananpaj. Chayrämi llapan ricangapaj Tayta Dios cuyayllapaj munayniyoj caycajta.

Isaías 41:19

Chunyaj chaqui jircachönami guerucunata wiñachimushaj: sedruta, acaciata, rayanta, olivo yörata. Chaqui jircacunachömi wiñachishaj pïnucunata, siprescunata chaycunatawan iwal abeto yöracunatapis.

Isaías 43:21

Chay runacunataga quiquëpämi rurarä. Paycunataga alabamänanpämi rurarä.

Isaías 5:6

Chunyajtami cachaycushaj. Manami pipis captupangachu, ni uryangapischu. Shatallanami, cashallanami juntacurcongapaj. Pucutaycunatapis nishaj chay pachamanga manana aywananpaj, mana tamyananpaj.»

Isaías 54:10

Puntacuna juc-läman witicuriptinpis, jircacuna gotucäcuptinpis, gamta cuyaytaga manami cachaycushayquipächu. Ni alli conträtuta rurashanchïpitapis manami cutiricushächu.» Cuyapäshoj Tayta Diosmi chayno nin.

Isaías 56:5

warmi ollgu wamrancunata charänanpita mas allitami goshaj. Chaynömi camacächishaj wasëcho tiyananpaj, wasë ruriman yaycunanpaj. Chaynöpami jutin imaycamapis mana gongacangachu.

Isaías 60:13

«Libanucho riquësacuna caycajtaga gammanmi apamonga. Apamonga pïnuta, abetota, sipresta. Chaycunaga canga Templöta mas camarächinanpämi. Chaynöpami chaquë lluchcarashan Temploga fiyupa rispitasha canga.

Isaías 60:17

«Runsipa ruquinmi apapämushayqui gorita; fyërrupa ruquinna guellayta; guerupa ruquinna runsita; rumipa ruquinna fyërruta. Jauca goyayllanami cangapaj. Alli cajta rurayllanami canga.

Isaías 60:21

«Marcayquichöga alli runacunallanami tiyanga. Chaychöga paycunallami imaycamapis tiyacongapaj. Paycunami caycan lantashä lantapita chillguimojcunaga. Paycunataga quiquëmi churashcä munayniyoj cashäta juccunata musyachinäpaj.

Isaías 61:3

Sioncho llaquicuycajcunata shoganäpaj: pengacuycashanpa ruquin corönatana jatipänäpaj, llaquicuycashanpa ruquin cushicuyta tarichinäpaj; wagaycashanpa ruquin cushicur cantananpaj. Chaymi paycunataga nengapaj «Sinchi guerucuna» nir. Paycunaga caycangapaj Tayta Dios munayniyoj cashanta juccunata musyachinanpämi.

Isaías 63:12

¿Maychötaj caycan fiyupa munayninwan Moisesta yan'gaj? ¿Maychötaj caycan imaycamapis rejsisha cananpaj lamar yacuta ishcayman raquirej Dios?

Isaías 63:14

Uywacuna guechwa pampaman chayaycur alli guewacho cushicushannömi Tayta Diospa Espiritunpis jamayta tarichiran. Chayno alli jamananpämi acrashayqui runacunataga pushamurayqui. Chayno rurashayquipitami munayniyoj cashayquita may-chaychöpis parlasha.»

Isaías 7:11

«Cumlinäpaj cashanta musyanayquipaj noga Tayta Diosniquita mañacamay juc señalta ricachinäpaj. Mañacamaptiquega señalta ricachishayquimi janaj pachachöpis, pacha rurinchöpis.»

Isaías 7:19

Paycuna llapan chayamushpan tiyacaycärengapaj chunyaj ragracunacho, jircacunacho caycaj machaycunachöpis. Tiyacaycärengapaj shata casha caycashancunacho, uywacuna yacuta upunan particunachöpis.

Isaías 7:24

Chaymanga runapis yaycongapaj lëchanwanrämi jirca animalta charinanpaj. Chaynöga cangapaj intëru nasyun shatawan cashallana juntasha captinmi.

Jeremías 13:11

Imanömi runa chegllancho chanaj watarächin wachcuta, chaynömi nogaga Israel runacunatawan Judá runacunata charashcä. Chaynöga charashcä acrashä runacuna cananpaj, noga munashäta willacunanpaj, cuyacoj cashäta, alli cashäta willacunanpämi. Nishä paycunaga manami wiyacamashachu. Noga Tayta Diosmi chayno në.

Jeremías 33:9

Jerusalenta yanapashäta musyashpanmi llapan nasyun runacuna rispitamanga, alabamanga. Noganami cay siudäpaj fiyupa cushicushaj. Jauca goyänanpaj Jerusalenta alli yanapashäta mayaycorga intëru munducho tiyajcunami almiranga, mancharenga.»

Jeremías 50:5

Sionman aywaj nänipa aywarmi tapuconga. Nircur chaymanmi aywanga cayno nishpan: ‹Llapanchi shuntacaycur aywar Tayta Dioswan conträtuta rurashun imaycamapis allilla canapaj. Chay conträtutaga amana imaypis gongashunnachu.›

Ezequiel 28:24

Israelga yapay mananami ñacanganachu. Bisïnun nasyun runacunaga casha tucshejno, shira rachejnöpis mananami manacajman churanganachu. Chaura noga Tayta Dios cashä musyacangami.

Miqueas 7:4

Paycunacho mas rispitasha caj runacunapis cashanömi caycan. Mas yäracuypaj runapis shiranömi caycan. Imano captinpis chayamongapänami llapanpita jusgasha cananpaj junaj. Chaytaga maynami willacojcuna willacuran. Chay öraga runacuna manami ima ruraytapis camäpacongapächu.

Zacarías 1:8

Tayta Dios ribilamashanga caynömi caran: Juc chacay ricarä Tayta Diospa anjilnin puca cawallun muntasha caycajta. Chay anjilga ichiraycasha achca yöracuna caycashan pampa guechwacho. Paypa guepancho caycasha achcaj muntäducuna. Cawalluncunaga caran: pucacuna, bäyucuna, yurajcuna.

Lucas 2:14

«¡Syëlucho cajcunapis Tayta Diosta alabaycullächun! ¡Cay pachachöpis Tayta Diosta wiyacojcunapaj alli goyay caycullächun!»

Juan 15:8

Noga munashäno cawashpayquimi rasunpa disïpulöcuna carcaycanqui. Chayno alli cawaptiqui Taytäga fiyupami cushicun. Chayrämi gamcunaga canquipaj übas alli wayojnöpis.

Romanos 6:19

Mä cayta nishayqui sumaj tantiyanayquipaj: Ñaupataga juchapa munaynincho, bisyucunachömi cawashcanqui. Cananga Tayta Dios munashannöna caway ari allillatana rurar, juchata manana rurar.

2 Corintios 5:17

Pipis Jesucristuman yäracorga mushoj runanami caycan. Manami ñaupata cawashannönachu cawan. Llapanpis mushojnami.

1 Pedro 4:11

¿Alli willacuyta willacunayquipächu yachayta goshurayqui? Chauraga Tayta Dios nishancunata willacuy. ¿Juccunata yanapänayquipächu yachayta goshurayqui? Chauraga Tayta Dios yanapäshushayquiman-tupu yanapay. Chaynöpami runacuna Jesucristuta chasquicur Tayta Diosninchïta cushisha alabanga. Payga imaycamapis munayniyojmi caycan. Y imaycamapis alabasha caycullächun. Amén.