Isaías 54:11 - Tayta Diosninchi Isquirbichishan

¹¹ Tayta Diosga Jerusalén siudäta nin: «¡Pasaypa llaquisha, ñacachisha caycaj, pipis shogashunayquipaj mana caj ricay! Nogami pergayquicunatapis camacächishaj cuyayllapaj ‹carbunclo› rumicunapa jananman. Chaura simintuyquipis ‹zafiro› rumipitami cuyayllapaj canga.

Isaías 54:11 ပူးပေါင်းရင်းမြစ်များ

1 Reyes 5:17

Rayga jorgachiran jatusaj allinnin rumicunata, llagllasha rumicunata Templupa simintunpaj.

1 Reyes 6:30

Templu pampantaga Rispitädu caj pampatapis Mas Rispitädu caj pampatapis goriwan chapyaran.

1 Crónicas 29:2

Callpaycurmi nogaga shuntashcä Tayta Diospa Templunta aruchinanpaj. Shuntashcä gorita, yuraj guellayta, runsita, fyërruta, gueruta. Shuntashcä tucuy-niraj achic-achicyaycaj rumicunata Templuta camarächinanpaj.

2 Crónicas 3:6

Camaränanpaj cuyayllapaj achicyaj perlascunata churaparan. Goriga caran Parvaim partipita.

Job 28:16

Fiyupa mas alli caj goriwanpis manami pägashwanchu. Manami pägashwanchu ni ‹cornalina› ni ‹zafiro› cuyayllapaj rumicunawanpis.

Salmos 34:19

Allillata ruraj runacunataga imapis mana allicunarämi chayan. Chaycunapitaga llapanpitapis Tayta Diosmi salban.

Éxodo 2:23

Chaypita mas unaytanaga Egiptupa raynin wañuran. Israelcunaga jinalla Diosta mañacurcaycaran amatar ñacay aruycunacho cashpan. Chayno llaquicur mañacushancunata Dios wiyaran.

Éxodo 24:10

Chaychömi mayurcunaga ricaran Israelcuna yäracushan Tayta Diosta. Lluchcarashanga zafiro rumipita rurashano chip-chipyaycaj caycaran. Colorninpis syëlunöraj caran.

Éxodo 3:2

Chaycho Tayta Diospa anjilnin Moisesta yuriparan shiracho nina rataycajno. Moisés nina rataycajta ricar cuentata gocuriran shirata mana ushashanta.

Éxodo 3:7

Chaypis Tayta Dios sïguir niycaran: «Musyämi Egiptucho acrashä runacuna fiyupa llaquicur goyaycashanta. Wiyashcämi capatasnincuna ñacachiptin llaquicur mañacamashantapis.

Cantares 5:14

Maquincunapis caycan gori surtïjapa ñawinman perlascunata churapashanömi. Cuerpunpis caycan camaraj llushway.

Isaías 14:32

Chay nasyun runacunapa cachancunataga ¿imatataj nishwan? Paycunataga nishun: «Sión lömataga Tayta Diosmi sumaj camacächisha. Acrashan runacunacho ñacajcunapis chaymanmi pacaconga» nir.

Isaías 28:16

Chaypitami Tayta Diosga nin: «Sionmanmi juc rumita churaj-aywä. Chaymanga churashaj acrasha rumitami. Chay rumiga cangapaj llapanpita mas allimi. Jinachöpis chay rumimi simintupa isquïnancho puntu rumi cangapaj. Chayman yäracoj cäga allimi goyanga.

Isaías 44:28

Nogami ray Cirota në: ‹Gammi canqui uyshërö. Gamga llapantapis noga munashänömi ruranquipaj› nir. Paymi Jerusalenta nenga: ‹Gamtaga yapaymi allchashunquipaj› nir. Templutanami nenga: ‹Yapaymi simintuyquita pergayta gallaycongapaj› nir.»

Isaías 49:14

Sión runacunaga nej: «Tayta Diosga cachaycamashcanchïmi. Diosnëga manami yarpämannachu» nir.

Isaías 51:21

Chaymi llaquicur goyaycäga sumaj wiyay. Gamga manami bïnuta upucurcurchu machasha caycanqui.

Isaías 51:23

Chay cöpäpitaga noga upuchishäpaj fiyupa ñacachishojcunatana, ‹pampaman jitacay janayquipa päsanäpaj› nishojcunatana. Chaura gamcunaga pampaman jitacarayqui allpatano lluchcar-ushashunayquipaj.»

Isaías 54:12

‹Rubí› rumipitami ricachacuna törriquicunatapis rurashaj. Puncuyquicunatapis rurashaj ‹berilo› achicyaj rumipitami. Intëru cantun pergatapis cuyayllapaj rumicunawanmi pergashaj.

Isaías 54:6

Gamga cachaycusha jipashnömi fiyupa llaquisha caycarayqui. Chayno caycajtami Tayta Diosniqui yapay gayashurayqui.» Tayta Diosniquimi chayno nin.

Isaías 60:15

Unayga cacharishami quëdarayqui. Chiquishami carayqui. Japallayquimi quëdarayqui. Cananmi ichanga noga churashayquipaj imaycamapis allicho canayquipaj. Para-simri cushisha goyänayquipämi camacächishaj.

Jeremías 30:17

Gamtami ichanga gueriquicunata jampipäshayqui. ‹Dios cachaycushan siudä› nir manacajman churashuptiquipis gamtaga allchacächishayquipämi. Noga Tayta Diosmi chayno në.»

Lamentaciones 1:21

«Runacunaga wiyaycanmi llaquicur wagaycashäta. Ichanga shogamänanpaj manami pipis canchu. Llapan chiquimajcunami musyaycan mana allicho caycashäta. Paycunami cushicurcaycan gam chayno castigamashayquipita. Tayta Dios, nogata castigaycämashayquino paycunatapis castigayna ari.

Ezequiel 1:26

Chay jacuno jananchöna ricarä «zafiro» rumipitano rurasha sillun caycajta. Chay sillunchöna runa-niraj jamaraycajta ricarä.

Ezequiel 10:1

Chaypita, querubín anjilcunapa uman jananpa jacuno mashtaraycaj jananchöna ricarä sillunno yurircojta. Chayga caycaran «zafiro» rumipita rurashanömi.

Miqueas 7:11

«Jerusalén siudä, chayaycämunnami intëruyquipa curalaraj pergayquicuna allchachisha cananpaj caj junaj. Lindayquicunapis mas carupana cangapaj.

Mateo 8:24

Gochapa aywarcaycaptin Jesusga puñucäcuran. Chaycama fiyupa wayrawan yacu pullchajyar can'wata tallpuycächiranna.

Juan 16:33

«Llapantanami willapashcä nogaman sumaj yäracamunayquipaj. Nogaman yäracamuptiquega ñacayman chayaptiquipis yanapäshayquimi allilla goyänayquipaj. Chaymi sumaj balurchay. Cay pachata maquincho chararaycaj munayniyojcunatapis binsishcänami.»

Hechos 14:22

Chay marcacunaman cutir Jesusman yäracojcunata shacyächiran mana yamacänanpaj. Willaparan «Tayta Diospa ñaupanman chayanapäga fiyupa ñacaycunamanraj chayashun» nir.

Efesios 2:20

Chaynöpami gamcunaga Tayta Diosninchïpa inlisyannöna carcaycanqui. Apostulcuna, profëtacuna yachachishancunaga inlisyapa simintunnömi caycan. Jesucristunami inlisyapa isquïnancho puntu rumi caycajno caycan.

Deuteronomio 31:17

Chaura nogapis paycunapaj fiyupami rabyacurcushäpaj. Manana yanapäshänachu. Paycuna ñacaptinpis mananami imapis gocamanganachu. Fiyupa ñacar llaquicur-rämi nenga: ‹¿Manachuraj cayno päsaycämanchi Tayta Diosninchi manana yanapämasha?› nir.