Isaías 54:10 - Tayta Diosninchi Isquirbichishan

¹⁰ Puntacuna juc-läman witicuriptinpis, jircacuna gotucäcuptinpis, gamta cuyaytaga manami cachaycushayquipächu. Ni alli conträtuta rurashanchïpitapis manami cutiricushächu.» Cuyapäshoj Tayta Diosmi chayno nin.

Isaías 54:10 ပူးပေါင်းရင်းမြစ်များ

2 Samuel 23:5

Nogapita mirar aywajcunataga Tayta Dios manami cachaycongachu. Imaycamapis yanapämänanpämi aunimasha. Sumajmi parlashcäcuna. Manami rucacangachu. Paymi imapitapis alliman jorgaman. Yarpashäcuna alli llojshinanpaj camacächin.

Salmos 102:26

Llapanmi chaycunapis illgangapaj. Gammi ichanga jinalla caycanquipaj. Llapan chaycunaga röpanömi ushacanga. Juc runa röpata rucacurejno gam rucachiptiquega rucachishami canga.

Salmos 46:2

Chaymi ama manchacushunchu cay pacha intërupa rachicaycaptinpis, jircacuna lamarman tallpucaycaptinpis,

Salmos 46:3

lamar yacu gaparar wac-läman cay-läman pullchajyaptinpis, lamar pullchajyaptin jircacuna sicsicyaptinpis. Selah

Isaías 49:10

Chauraga yargaypis ni yacunaypis manami canganachu. Intipis, ni acaypis manami ñacachengapächu. Chaynöga canga paycunata noga cuyaptëmi, pusharaptëmi. Chuya yacu pashtajcunamanmi pushashaj.

Isaías 49:15

Tayta Diosmi ichanga nin: «¿Juc warmi gongaycunmanchuraj wamranta, quiquinpa wamran caycaptin mananachuraj cuyanman? Wamranta juc warmi gongaycuptinpis Nogaga manami gongashayquichu.

Isaías 54:8

Illajpita rabyacurcushpämi juc rätulla mana ricamänayquipaj witicurirä. Ichanga imaycamapis cuyapäcoj cashpämi gamta cuyapashcä.» Jorgushoj Tayta Diosniquimi chayno nin.

Isaías 55:12

Gamcunaga cushishami aywacunquipaj. Allillami cuticunquipaj. Gamcunata ricashushpayqui puntacunapis puytush lömacunapis cushicuypitami cantangapaj. Jircacunacho caj yöracunapis llapanmi macshongapaj.

Isaías 55:3

Noga cajman shamuy. Nircorga willapashäta wiyacuy. Nishäcunata wiyamay. Chauraga cawanquipämi. Gamcunawanmi conträtuta rurashun imaycamapis alli goyänanchïpaj. Chaynöpami ray Davidta cuyar aunishäta cumlishaj.

Isaías 55:7

Fiyu runacunaga mana allicunata ama rurachunnachu, mana allita rurananpäga ama yarpächunnachu. Tayta Diosman yapay cutichun. Chaura paypis cuyapangami. Payga amatar alli cashpanmi perdunacun.

Isaías 59:21

Tayta Diosga caynömi nin: «Nogaga paycunawan parlacurmi conträtuta ruraycä. Chaymi në: ‹Espiritöga gamcunapita manami witengachu. Yachachishäcunapis gamcunapita manami gongacangachu. Imaypis manami gongacangachu gamcunapita ni gamcunapita mirajcunapitapis› nir.»

Isaías 61:8

Chayga canga Tayta Dios cayno nishanpitami: «Nogaga alli rurajcunatami cuyä. Suwacunata, wañuchicojcunataga chiquëmi. Aunishänömi gamcunaga päguyquita chasquinqui. Gamcunawan imaycamapis allilla cananchïpaj conträtutami rurashun.

Isaías 63:7

Nogaga Tayta Dios cuyapäcoj cashantami parlayta munä. Tayta Diosga noganchïpaj ima-aycatapis rurashami. Israel runacunata fiyupami cuyapasha. Cuyacoj cashpan yanapämashanpitami payta alabayta munä.

Isaías 9:6

Cushicuy caycan juc wamra noganchïcho yurishanpitami. Juc wamratami Tayta Dios gomashcanchi. Paytami munayninta gosha mandananpaj. Paytami pï-maypis rejsenga: «Almiraypaj tantiyachicoj» nir, «Binsej Dios» nir, «Para-simri cawaj Tayta» nir, «Alli goyayta tarichicoj mandaj» nir.

Jeremías 31:36

«Imayllapis chaycuna manana captenga Israelcunapis manami noga acrashä runacunanachu canman. Noga Tayta Diosmi chayno në.

Jeremías 33:20

«Noga Tayta Diosmi në: Nogami nirä chacaypis junajpis cananpaj. Chayno nishäta manami ‹Chaynöga ama cachunchu› nëmanchu. Chay nishänömi chacaypis junajpis imaycamapis caycanga.

Ezequiel 16:42

Chayrämi gampaj rabyasha caycashä päsarconga. Chauraga manami rabyashanachu cashaj. Allinami cashaj.

Ezequiel 34:25

« ‹Uyu uyshano caycaj acrashä runacunawanmi alli parlacushaj allillana goyänanpaj. Israel nasyunpitaga micucoj animalcunata illgächishämi. Chaura paycunaga jäcoj intëru jircacunacho mana manchacuypana tiyacongapaj. Munticunachöpis puñucongapaj.

Malaquías 2:5

«Leví runacunawan conträtu rurashäga caran paycuna allilla goyänanpaj, alli cawananpämi. Chaynöga conträtuta rurarä rispitamar manchacamänanpämi. Chaura paycunaga rasunpami rispitar manchacamaran.

Números 25:12

Cananga Fineesta willay. Paywanga conträtutami rurashaj alli ricanäpaj.

Mateo 16:18

Chaymi cananga gamta Pedro në. Jutiquega rumi ninanmi caycan. Chaymi cay rumi janancho inlisyäta jatarichishaj. Satanaspis ni dyablucunapis manami binsengachu.

Mateo 24:35

Janaj pachapis cay pachapis ushacangami. Noga nishäcunami ichanga mana illgangapächu. Nishäcunaga llapanmi cumlenga.

Mateo 5:18

Syëlupis cay pachapis manaraj ushacaptinmi chay isquirbisha caycajcunaga cumlenga. Asta mas tacsha isquirbirashan cajllapis cumlengami.

Romanos 11:29

Tayta Diosninchi imatapis aunirga imaypis cumlengami. Chaynölla pitapis yanapänanpaj acrarga imaypis yanapangami.

Tito 3:5

Payga manami allita rurashanchïpitachu salbamashcanchi. Chaypa ruquenga cuyapämashpanchïmi salbamashcanchi, mayllamashcanchi. Espíritu Santunami mushoj goyayta gomashcanchi yapay yurishano goyänanchïpaj.

Hebreos 12:27

«Yapaymi» nerga musyachimanchi llapan camashancunata sicsicyachir illgarachinanpaj cashantami. Chayno ruraptinmi syëlucho caycaj mana ushacajcunallana quëdanga.

Apocalipsis 6:14

Syëlupis papil cauchucäcojnömi pitucäcuran. Jircacuna, lamar chaupin tishgucunapis juc-läman witiran.