Isaías 52:8 - Tayta Diosninchi Isquirbichishan

⁸ ¡Wiyay-llapa! Ricachacojniquicunaga sinchipami gaparpan. Llapanmi juc shimilla cushicuypita gaparpan. Chaynöga gaparpaycan Tayta Dios Sionman cutimojta quiquincuna ñawinpa ricashpanmi.

Isaías 52:8 ပူးပေါင်းရင်းမြစ်များ

Salmos 102:22

Intëru nasyunpita runacuna, raycuna shuntacarcurmi Tayta Diosta aduranga.

Cantares 3:3

Siudäta täpaycaj runacunata tapucö «¿Manachu gamcuna ricashcanqui cuyaynëta?» nir.

Cantares 5:7

Chayno ashir puriycajtami tarimaran siudäta täpar tumaycaj runacunapis. Magamashpan rachiy-rachiylla ruramasha. Jacötapis firsapitami guechuramaran.

Isaías 24:14

Cawaycar quëdaj runacunaga Tayta Dios imanöpis rurashanta ricasha carmi cushicuypita gaparpanga. Tayta Diosta ricarmi maycho tiyaycashanchöpis cushisha cantanga.

Isaías 26:1

Chay junäga cay alabansatami Judá nasyun runacuna cantangapaj: «Noganchïpa siudäninchëga sumaj curalashami. Tayta Diosga salbamänanchïpaj rurasha ishcay ayway pergatami.

Isaías 27:2

Chay junaj Tayta Diosga nengapaj: «Fiyupa mishquejta wayoj übas chacrata cantapay-llapa.

Isaías 30:26

Tayta Diosga jampipashpan watapangapämi pay castigar däñashan runacunapa guerinta. Chauraga quillapis achicyangapaj intinörämi. Intipa achicyayninnami cangapaj ganchis intipa achicyayninnöraj.

Isaías 35:10

Tayta Dios salbar jorgamushan cajcunaga cutimongami. Cantashpanmi Sionman yayconga. Chaychöga imaypis cushishallami goyangapaj. Paycunapäga cushicuywan alli goyayllanami cangapaj. Llaquicuypis nanaypis manami canganachu.

Isaías 40:9

Sionman alli willapata apaj, altunnin puntaman wichay. Chaypita intërupa willacushpayqui llapan callpayquipa gayaray. Jerusalenman alli willapata apaj, mana manchacuypa sinchi gayaray. Judá siudäcunacho tiyajcunata willapay «¡Diosninchëga jananchichönami!» nir.

Isaías 48:20

Caldeacho caycaj Babiloniapita llojshicuy-llapa. Gueshpir aywacuy-llapa. Llojshicunanpaj caj willapataga fiyupa cushicur gayacuyparaj willacuy. Intëruman musyachiy. Cayno willacuy «¡Tayta Diosga salbashami sirbejnin Jacobpita mirajcunata!

Isaías 56:10

Paycunata mandaycäga gaprayashami carcaycan. Manami imatapis musyanchu. Llapanpis paycunaga carcaycan mana wagyacoj allgunömi. Paycunaga goyay-goyaymi jitaräcun. Puñullarmi cacun.

Isaías 58:1

Tayta Dios nimaran: «Mana manchacuypa llapan callpayquiwan gayacamay. Trompëta wagajnöraj sinchipa gayacamay. Jacobpita miraj acrashä runacunata juchanpita piñacuy.

Isaías 62:6

Jerusalén, curalaraj pergayquicunamanmi ricachacojcunata churashcä. Paycunaga chacaypa junajpapis mana chawaypami nircaycanga: «Tayta Diosta sirbejcunaga ama upällacaycäriychu.

Jeremías 31:12

Cutiycamorga Sionman aywaycärir cushisha cantanga. Bindisyunnëwanmi cushisha goyanga. Achcami canga rïgupis, bïnupis, asëtipis, uyshapis, wäcapis. Chaura paycunaga caycangapaj alli pargusha wertanömi. Manami yapayga imaypis ñacanganachu.

Jeremías 32:39

Paycunataga yarpayninchömi shacyächishaj cawashancamaga nogallatana rispitamänanpaj, chaynöpana quiquincunapis, wamrancunapis alli cawananpaj.

Jeremías 33:11

cushisha fistata rurarcaycajta, majachacashpan fistata rurarcaycajtapis. Templumanpis agradësicamashpan ofrendacunata apamongapämi. Chaynöpis wiyanquipämi «Munayniyoj Tayta Diosta agradësicuy pay alli cashanpita, cuyacoj caynenga imaypis mana ushacaj cashanpita nejta. Rimashäno rasunpami nogaga cay nasyunpa surtinta rucachishaj unayno cananpaj. Noga Tayta Diosmi chayno në.»

Jeremías 33:7

Juc-läman gargushä Judäcunatawan Israelcunataga cutichimushämi. Paycunataga wasita jatarachej-jinami jatarachishaj yapay unayno allina goyänanpaj.

Jeremías 6:17

Ricchacojcunata churarcur nogaga runacunata willashcä: ‹Ricchacojcuna trompëtata tucamushanta wiyaj-wiyajlla carcaycay› nir. Ichanga runacuna nisha: ‹Manami wiyayta munäcunachu› nir.

Ezequiel 3:17

«Runa, gamtaga churashcä Israelcunapa ricachacojnin canayquipämi. Imatapis gamta willapaptëga gamnami noga nishäta paycunata willapanquipaj. Chaynöpami paycunaga willapashana caycanga.

Ezequiel 33:7

«Runa, chaynömi gamta nogaga churashcä Israelcunapa ricachacojninno canayquipaj. Nogami gamta willapäshayqui. Imano ruranäpaj caycashantapis gamnami runacunata willapanqui.

Sofonías 3:9

«Chay wichanga camacächishaj llapan nasyun runacuna alli cajllatana parlananpaj. Chaynöpami llapan runacuna juc shongunölla nogallatana aduramashpan sirbimanga.

Zacarías 12:8

«Chay junäga noga Tayta Diosmi imapitapis chapäshaj Jerusalencho tiyajcunata. Chaycho tiyajcuna pishi callpa cajmi cangapaj ray David cashanno fiyupa sinchi. Davidpita mirar aywaj mandaycajcunanami canga Diosno, guërraman aywaycaj runacunapa ñaupanta aywaj anjilnëno.

Hechos 2:1

Pentecostés fista junajmi Jesusman yäracojcuna juc wasicho shuntacasha carcaycaran.

Hechos 4:32

Yäracojcunaga achcaj carpis juc yarpayllami caran. Manami ni mayganpis ima-aycantapis «quiquilläpämi» niranchu. Chaypa ruquenga llapan imallatapis raquipänacoj.

1 Corintios 1:10

Ermänucuna, Taytanchi Jesucristupa jutincho gamcunata ruwacö. Llapaniquipis juc shongulla caway. Apänacur ama raquicaychu. Chaypa ruquenga cuyay munaypaj caway. Imapaj yarparpis tantiyachinacuy cushisha goyänayquipaj.

1 Corintios 13:12

Cananga mauca espëjuwan ricacojnöpis sumäga manarämi tantiyanchïrächu. Jesucristo shamunanpaj junaj chayamuptinmi ichanga quiquin Tayta Dioswanna tincushunpaj. Cananga pay imano cashantapis yanga-yangallami musyä. Chay junajmi ichanga pay rejsimashanchïnöna noganchïpis rejsishunpaj.

Hebreos 13:17

Ermänucuna, Tayta Diospa palabranta willapäshoj mayur ermänucunata wiyacuy. Tayta Diosta cuentata gonanpaj cashanta musyarmi paycunaga gamcunapaj waran-waran yarpachacuycan sumaj ricashunayquipaj. Chayno caycaptenga cushishalla yachachishunayquipaj imachöpis yanapay. Chapata ruraptiquega willapäshushayquipis yangallapämi canga.

Apocalipsis 18:20

Syëlucho cajcuna, fiyupa cushicuy. Tayta Diospa apostulnincuna, profëtancuna, llapan yäracojcunapis cushicuy. Gamcunata ñacachishushayquipitami Tayta Dios chay siudäta ushacächisha.

Apocalipsis 19:4

Chaypitanami Tayta Diospa ñaupancho caj ishcay chunca chuscu (24) mayur runacuna, chuscu munayniyoj anjil-nirajcunapis gongurpacuran llapanpaj munayniyoj Tayta Diosta adurananpaj. Paycunami niran: «¡Amén, Tayta Dios alabasha cachun!»