Isaías 52:14 - Tayta Diosninchi Isquirbichishan

¹⁴ Paypa cäran imano caycajtapis ricar achcajmi fiyupa manchacuran. Cäran caycaran mana camaraj. Manami runa-nirajnachu caran.

Isaías 52:14 ပူးပေါင်းရင်းမြစ်များ

Salmos 22:15

Shimëpis chaquicäcushami. Gallöpis watacäcushami. Wañushata-japuyna jitaraycajta cachaycamashcanqui.

Salmos 22:17

Pasaypa tullullannami caycä. Chiquimajcunaga cushipämashpan mana cachaycuypami ricapaycäman.

Salmos 71:7

Achcajmi nogata ricamar almirasha. Ichanga gammi nogataga chapämarayqui.

Isaías 50:6

Astimänanpäpis wajtäta camapashcämi. Shapräta achur-ushaptinpis manami rimacushcächu. Ashllircaycämaptin, togapaycämaptinpis cäräta manami chapacushcächu.

Mateo 26:67

Nircur Jesusta gagllanman togaparan, puñityaran. Wacpita-caypita lajyar-usharan.

Mateo 27:14

Chayno niptinpis Jesusga manami imatapis rimacuranchu. Chaymi Pilatoga fiyupa yarpachacushpan ima niytapis mana camäpacuranchu.

Mateo 7:28

Jesús chayno yachachiptinmi runacuna fiyupa almirasha carcaycaran.

Marcos 10:26

Chayno niptin disïpuluncunaga piyur-raj manchacäcur niran: «Chayno captenga ¿piraj salbacunman?»

Marcos 10:32

Chaypitaga Jerusalenman näni wichajpa Jesús ñaupa-puntata aywaycaran. Disïpuluncunaga almirasha aywarcaycaran. Paycunapa guepanta aywajcunapis mancharisha aywarcaycaran. Jesusga yapay chunca ishcay disïpuluncunata shuyni gayaran. Nircorga ima päsananpaj cashantapis willar niran:

Marcos 5:42

Chayno niptin wamraga jinan öra cawarimur jatariran. Chaypita puriytana gallaycuran. (Chay wamraga caran chunca ishcay (12) watayojna.) Jipash-mallwa cawarimushanta ricaycur runacunaga fiyupa almiraran.

Marcos 6:51

Chayar can'waman wicharcuptinnaga wayrapis chawacäcuran. Chaycunata ricarmi disïpuluncunaga fiyupa mancharir yarpachacuran.

Marcos 7:37

Runacunaga fiyupa almirashpan nircaycaran: «Fiyupa allitami ruran llapantapis. Upacunatapis wiyachin; rimachin» nir.

Lucas 2:47

Chaura llapan wiyajcuna almirasha carcaycaran alli yarpaysapa captin tapushancunata alli yachaptin.

Lucas 22:64

Ñawinta bendarcur lagyaran. Nircur niran: «¡Mä willamay pï chayachishushayquitapis!» nir.

Lucas 4:36

Chaynöta ricar llapan runacuna fiyupa almiraran. Jucnin-jucninna ninacuran: «¡Ima munayniyojraj payga! Juc shimilla niptin dyablucunapis wiyacur llojshin» nir.

Lucas 5:26

Chaynöta ricaycur llapan runacuna almirashpan Tayta Diosta alabaran. Fiyupa almirasha cashpan paycuna niran: «¡Cananga fiyupa almiraypajcunatami ricashcanchi!»