Isaías 51:8 - Tayta Diosninchi Isquirbichishan

⁸ Chay runacunaga ushacangapaj puyu röpata ushacurcushannömi, millwa garachata curu ushacurcushannömi. Salbacoj cashämi ichanga imaycamapis chaynölla caycanga. Nogaga imaypis canan caycashänöllami caycäshaj.»

Isaías 51:8 ပူးပေါင်းရင်းမြစ်များ

Job 13:28

Imapis ismur ushacaycajnömi ushacaycä. Röpata puyu ushashannömi caycä.

Job 4:19

¡masrächari runataga «juchayoj» nenga! Runaga caycan manacajllami, ñuchu allpa janancho mitupita wasita jatarachishanöllami. Puyuno llapiriyllapämi caycanpis.

Isaías 14:11

Cananga pï-maypita rispitasha cashayquipis ushacashanami. Cushicunanpaj tacsha arpacunatapis manami tucannachu. Caychöga cämayquipis canga ismushayquimi. Jacuyquipis canga curucunallanami.›

Isaías 45:17

Israeltami ichanga Tayta Dios salbanga. Para-simrinami salbanga. Paycunaga manami imaypis pengaycho, ni manacajman churashapis cangapächu.

Isaías 46:13

Nogami camacächishaj salbanäpaj caycäga juclla chayamunanpaj. Salbanäpäga manami aycäpis pishinnachu. Sión runacunataga nogami salbashaj. Quiquëmi Israelchöpis caycäshaj.»

Isaías 50:9

Nogataga Tayta Diosmi yanapäman. Chauraga ¿piraj «juchayojmi canqui» nimanga? Puyu ushaptin röpa ushacashannömi conträcunaga llapan ushacanga.

Isaías 51:6

Syëlutapis ricäriy. Pachatapis ricäriy. Syëluga goshtaynöllami illgacäcongapaj. Allpapis röpa ushacajnöllami ushacangapaj. Runacunapis chuspicunanöllami wañongapaj. Salbacoj cashämi ichanga imaycamapis chaynölla caycanga. Nogaga imaypis canan caycashänöllami caycäshäpaj.

Isaías 54:9

«Noé cashan wichanmi jurarä yapayga allpata imaypis yacuwan manana jundichinäpaj. Chaynömi gamtapis jurashpä në gampäga imaypis manana rabyanäpaj. Mananami castïgutapis munachishayquinachu.

Isaías 66:24

«Chayno shamushpanmi ricangapaj Nogapa conträ jatarejcunataga wañusha carcaycajta. Chay runacunata micoj curucunaga mana wañojmi. Rupaj ninapis mana imaypis upejmi. ¡Chayga llapan runacunapäpis fiyupa melanaypämi canga!»

Daniel 9:24

«Ganchis chunca semänami camacächisha caycan nasyunniquipäwan rispitädu siudäniquipäga. Chaypitanaga jucha ruray manami canganachu. Mana alli ruraycunapis illganganami. Jucha rurashancunapitapis perdunashanami canga. Imaycamapis alli goyayllana canga. Suyñur ricashayquinömi llapan nishancuna cumlenga. Diospaj acrashanpis cangapaj fiyupa rispitäduna.

Oseas 5:12

Chayno cashanpitami, Efraín runacunapäga cashaj puyuno. Judá runacunapäna cashaj mana allchacaj guerino.

Lucas 1:50

Pay munashanno cawajcunata Diosninchëga imaycamapis cuyapangami.