Isaías 51:3 - Tayta Diosninchi Isquirbichishan

³ Ragällan caycaj Sión siudätaga nogami cuyapäshaj. Chunyaj chaqui jircatami wertamanna ticrarachishaj. Chaura cangapaj Edencho cashan wertanömi. Chaychöga cangapaj cushicuyllana, jauca goyayllana, alabansacunata cantayllana.

Isaías 51:3 ပူးပေါင်းရင်းမြစ်များ

Génesis 13:10

Chaura Lotga intërupa ricachacuran. Ricäriran Jordán mayu aywajpa Zoar marcacama. Chay ragran pampa aywajpa Edén werta cashannöraj achca yacuyoj caycämuran. Egiptucho tiyashanta cachaycushan-nirajraj caycämuran. (Chayno caycaran Sodoma siudäta Gomorra siudäta Tayta Dios manaraj illgächiptinmi.)

Salmos 85:8

Tayta Diosllatana wiyacushaj. Payga acrashan runacunata alli goyächinanpämi aunisha. Chaura acrashancunaga llutancunata mananami ruranganachu.

Isaías 12:1

Chay wichanga ninquipaj: «Gamta agradësicömi Tayta Dios. Nogapaj fiyupa rabyashami caycarayqui. Cananga rabyashayquipita allchacashcanquinami. Allinami goyaycächimanqui.

Isaías 25:9

Chay junaj runacuna nengapaj: «Chaynömi noganchïpa Diosninchëga. Paymanmi yäracuranchi. Tayta Diosmi salbamashcanchi. Pay salbamashanchïpita cushicur gaparpäshun ari.»

Isaías 35:6

Wegrucunapis capshinörämi pinticachangapaj. Mana rimaj upacunapis shimin pashtaptin gayarayparämi rimanga. Chunyaj jircachönami yacu pashtacaramonga pultutuyllana. Chaqui jircapanami mayunöraj yacu aywanga.

Isaías 41:16

Paycunaga wayra apacuptin illgashannömi ushacangapaj. Löcu wayra shamur wacpa-caypa machirishannömi illgangapaj. Chaynöpami Tayta Dios yanapäshushayquipita fiyupa cushicunquipaj. Santo Diosniquipäga fiyupa cushishami caycanquipaj.

Isaías 43:19

Cananga mushojtanami ruraj-aywä. Chayga yurimojnami-aywan. ¿Manachu cuentata gocunqui? Chunyaj chaqui jircapami juc nänita rurashaj. Imapis mana wayushan chaqui jircachömi mayuta yurichishaj.

Isaías 44:26

Sirbimajnë rimashantami ichanga cumlichë. Cachäcuna ima rurayta yarpashanpis llapan allillami llojshipanga. Nogami në Jerusalencho yapay runacuna tiyananpaj cashanta, Judächo caj siudäcunapis llapan allchasha cananpaj cashanta. Nogami camacächishaj ragällan caycajcuna yapay wasiyänanpaj.

Isaías 49:13

¡Syëlu, cushicuypita gaparay! Tayta Diosga acrashan runacunata shogashami. ¡Allpa, fiyupa cushicuy! Acrashan runacuna llaquicuycaptin Tayta Diosga cuyapashami. ¡Jircacuna, cushisha caycashayqui musyacänanpaj gaparpay!

Isaías 49:19

«Aypalla runacuna cutimuptin nasyunniqui pasaypa quichquimi ricaconga. Ragällan cajcunamanpis, pasaypa chunyaj cajcunamanpis runacuna juntangami. Ushashojcunaga carupanami aywaconga.

Isaías 49:8

Tayta Diosga caynömi nin: «Ruwacamashayqui örami wiyashcä. Yanapänäta nistashayqui örami yanaparä. Nogami chapäshayqui. Israelcunawan conträtu rurashä señal canayquipämi churashayqui. Chaynöpami nasyun yapay allina canga. Pasaypa pirdichisha caycaj chacracunachöpis yapayna tiyanga.

Isaías 51:12

Tayta Diosmi cayno nisha: «Noga quiquëmi gamcunataga shacyächë. ¿Pitataj manchacunqui? ¿Runa-masiquitachu? ¿Guewanölla wañoj runacunatachu manchacunqui?

Isaías 52:9

¡Jerusalenpa juchusha caycaj pergacuna cushicushpayqui llapayqui gaparpay! Acrashan runacunata Tayta Diosga cuyapashanami. Jerusalentaga salbashanami.

Isaías 61:10

Tayta Diosnëga salbamashami. Llapanchöpis allichömi jorgamasha. Chayno yanapämashanpitami cushicö. Almäpis fiyupa cushicun. Cananga caycä casarananpaj mösu alli rucacusha caycajnömi, u casarananpaj caycaj jipash camaränanpaj bisticusha caycajnömi.

Isaías 65:18

Ruranäpaj caycajpäga imaycamapis fiyupa cushicuy-llapa. Mushoj Jerusalentami camashaj chaycho fiyupa cushicuy cananpaj.

Jeremías 31:25

Fiyupa uticasha caycajtaga nogami jamachishaj. Ñacaycajcunataga nogami jorgushaj.»

Ezequiel 28:13

Edén wertachömi caycarayqui. Röpayquipis caycaran tucuy-niraj achicyaj rumicunawan burdashami. Chay achicyaj rumicunapa jutenga caynömi caran: Rubí, crisólito, jade, topacio, cornalina, jaspe, zafiro, granate, esmeralda. Aläjayquicuna, arëtiquicuna gorillapita caran. Chaycunaga gam yurishayquipita-pacha camarishanami caycaran.

Ezequiel 36:11

Camacächishaj gamcunachöga runacunapis uywacunapis mirananpaj. Chaycunaga aypallamanmi miranga. Runacunapis caycanga unay cashanno aypallami. Unay cashayquipitaga mas allimi goyanquipaj. Chayrämi musyanquipaj noga Tayta Dios cashäta.

Ezequiel 36:35

Chaymi ricajcunaga nenga: «Cay chacraga chunyaj chaqui jircami caran. Cananga Edén wertano cuyayllapänami caycan. Illgächisha, juchuchisha, pirasyasha cashan siudäcunapis cananga runa tiyanannami caycan. Sumaj curalashanami caycan» nir.

Joel 2:3

Chaycunaga caycan nina llapanta ushacurcojnömi. Chaycunaga caycan nina rataycashanpita upiptin shanshallanna cawaycajnömi. Chaycuna manaraj chayamuptenga cay pacha caran cuyayllapämi. Aywacuptinnaga quëdasha chunyaj chaqui jircanömi. Chaycunapitaga manami imapis gueshpinchu.

1 Pedro 1:8

Gamcunaga Jesucristuta mana ricasha caycarpis cuyaycanquimi. Canan mana ricarpis payllaman yäracurmi cawaycanqui. Chayno cushisha cawashayquega tantiyaytapis mana atipaypämi.