Isaías 51:23 - Tayta Diosninchi Isquirbichishan

²³ Chay cöpäpitaga noga upuchishäpaj fiyupa ñacachishojcunatana, ‹pampaman jitacay janayquipa päsanäpaj› nishojcunatana. Chaura gamcunaga pampaman jitacarayqui allpatano lluchcar-ushashunayquipaj.»

Isaías 51:23 ပူးပေါင်းရင်းမြစ်များ

Salmos 129:3

Chiquimajcuna astimar wajtäta rachisha. Camillunta chutashanörämi garäcunapis rawaychasha quëdasha.

Salmos 66:12

Gammi camacächishcanqui manacajcunallapis manacajman churamänanpaj. Chayasha mayuman yagajnömi, ninacho rupajnömi fiyupa mana allicunaman chayachimashcanqui. Chaypitarämi ima-aycapis cananpaj yanapämashcanqui.

Proverbios 11:8

Tayta Dios alli runacunataga ñacaypita jorgunmi. Fiyucunatanami ruquin churan ñacananpaj.

Proverbios 21:18

Llullacuna, fiyu runacunaga alli runacunapa ruquinmi ñacanga.

Abdías 1:16

Imanömi gamcuna rispitädu puntächo cushicur machänayquicama upurayqui, chaynömi llapan nasyuncunapis castigaptë ashgaj cöpata upongapaj. Paycunaga wicyayllami upongapaj. Chaynöpami paycunaga ushajpaj illgangapaj.

Miqueas 7:10

Chaytaga ricangami chiquimajcunapis. Chaura paycunaga fiyupa pengay-tucushami ricaconga. Paycunaga caynömi tapumaran: ‹¿Maychötaj caycan Tayta Diosniqui?› nir. Paycunataga ricashaj nogapita mas piyur ruracasha caycajtami. Paycunaga cangapäpis cällicho caycaj mituta lluchcar-ushashanömi.

Zacarías 12:2

«Jerusalentaga nogami ticrachishaj castigacuna cöpämanno. Chaymi bisïnun nasyun runacuna Jerusalenman, Judá siudäcunaman magaj yaycorga machashano ricacongapaj. Chauraga yarpashancuna yangami canga.

Josué 10:24

Josuëman chayaycachiptin, payga llapan Israel runacunata gayachiran. Nircur paywan caycaj mandaj suldärucunata niran: «Cayman shaycamur raycunapa cuncanpita lluchcay.» Chaura paycunaga nishanno ruraran.

Apocalipsis 11:2

Templupa wajtancho caj sawantaga ama tupumunquichu. Chay sawantaga cachaycushcä mana wiyacamaj runacuna munashanta ruracunanpämi. Paycunami chuscu chunca ishcay quillantin Jerusalencho tiyaj runacunata munaynincho chararanga.

Apocalipsis 17:18

Puca waräcuyta muntaraycaj mañösa warmiga jatuncaray siudämanmi tincuycan. Chay siudäpa mandajnenga may-chaycho tiyaj mandajcunatapis munayninchömi charararan.»