Isaías 51:1 - Tayta Diosninchi Isquirbichishan

¹ Tayta Diosmi cayno nin: «Allita rurar cawayta munajcuna, Noga nishäno rurayta munajcuna wiyamay. Masqui tantiyacuy maynin gagapita jorgusha cashayquitapis, maynincho caycaj rumicunapita llojshimushayquitapis.

Isaías 51:1 ပူးပေါင်းရင်းမြစ်များ

2 Crónicas 15:2

Asata tariparcur niran: «Ray Asa, Judäcuna, Benjamincuna llapayqui wiyamay. Tayta Diosman yäracuptiquega Tayta Diospis gamcunawanmi caycan. Pay munashanno goyaptiquega yanapäshunquimi. Payta gongaycäriptiquimi ichanga cachaycushunquipaj.

Salmos 24:6

Chayno alli car-rämi cawanan Tayta Diosta sirbiyta munajcunaga, Jacobpa Diosninpa ñaupancho goyayta munajcunaga. Selah

Salmos 94:15

Ushanantaga Tayta Dios munashannönami llapantapis arriglanga. Alli runacunapis «chayno allimi» nenga.

Proverbios 15:9

Fiyu runacuna llutanta rurar goyashantaga Tayta Dios fiyupa melanäcunmi. Tayta Dios munashanno goyaj runacunatami ichanga cuyan.

Proverbios 21:21

Alli cajta rurajcuna, cuyapäcoj cajcunaga alli cawaytami tarenga, y pï-maypis rispitangami.

Isaías 45:19

Noga manami pacayllapaga parlächu. Ni chacaj pachacunachöpis manami parlächu. Jacobpita mirajcunata nogaga manami nishcächu: ‹Imapis mana cashancunacho ashimay› nir. Noga Tayta Diosga rasun cajllatami parlä. Alli cajllatami musyachë.

Isaías 48:1

Jacobpita miraj cashpayqui Israel jutita aparajcuna wiyay. Judá trïbu runacuna wiyay. Gamcunaga juranquipis Tayta Diospa jutinchömi. Israelpa Diosnintami mañacunquipis. Ichanga janan shongullami Tayta Diosta rispitaj-tucunqui.

Isaías 48:12

«Jacobpita mirar-aywaj gayashä Israelcuna wiyamay: Noga japallämi cä Diosga. Nogallami gallarinanpita-pacha ushanancamapis caycä.

Isaías 51:4

«Acrashä runacuna sumaj wiyamay. Acrashä nasyun runacuna sumaj tantiyay. Yachachicuynëcunatami willacachishäpaj. Chaycunaga llapan nasyun runacunapaj achquinömi canga noga munashänöna cawananpaj.

Isaías 51:7

«Alli caj imano cashantapis musyajcuna, yachachishäcunata ruraj runacuna wiyamay. Runacuna tucuyta nishuptiquipis ama llaquicuychu. Ashllishuptiquipis ama jagayaychu.

Isaías 55:6

Canan timpu cashancama Tayta Diosta ashiy. Manaraj carucho cashancama gayacuy.

Isaías 65:10

Nogata yäracamaj runacunapami Sarón guechwa pampachömi uyshancuna michicunan canga. Acor guechwa pampachönami wäcancuna tiyanga.

Amós 5:6

Tayta Dios munashanno rurarga cawanquimi-llapa. Mana wiyacuptiquimi ichanga ushacächicojcunata Pay cachamonga Israelcuna tiyarcaycashanman. Chaura Betelchöga manami pipis cangachu mana allicunapita salbananpaj.

Sofonías 2:3

Cay pachacho umildi cajcuna, pay nishanta wiyacojcuna, llapaniqui Tayta Dios munashanno ruray. Rasun cajllata rurashpayqui umildilla goyay. Chayno goyashpayquega capaschari salbacunquimanpis Tayta Dios rabyar jusganan junäga.

Mateo 5:6

«Cushishami cawanga fiyupa yargaycajno yacunaycajnöpis Tayta Dios munashanno alli rurayta munajcunaga. Paycunatami Tayta Dios yanapanga.

Mateo 6:33

Chaycunapaj yarpachacunayquipa ruquenga yarpachacunquiman Tayta Diospa maquincho cawanayquipaj. Pay munashanno cawaptiquega imata nistashayquitapis tarichishunquipämi.

Romanos 10:3

Paycunaga manami tantiyanchu Tayta Diosninchi alli ricananpaj camacächishanta. Paycunaga yarpan quiquincuna layta cumlishanwan alli ricasha caytami. Chaynöpami mana cäsushachu Tayta Dios alli ricananpaj cashantapis.

Romanos 14:19

Chayno captenga sumaj yarpachacushun ermänucunawan alli cawananchïpaj. Jucninchi-jucninchïpis shacyächinacushun Tayta Diosninchi munashanno cawananchïpaj.

Filipenses 3:13

Ermänucuna, quiquilläpitaga manami llapan nishäta cumlëmanchu. Ichanga canancamapis chayashäta manami ricapächu. Chaypa ruquenga waran-waran yarpachacö Tayta Dios munashanno mas alli cawanäpämi.

1 Timoteo 6:11

Timoteo, gamga Tayta Diosta sirbejmi canqui. Llapan mana alli ruraycunapita witicuy; Tayta Diosninchi munashallanta ruray; payllaman yäracuy; cuyapäcuy; pasinsacuy; ama alli-tucuychu.

2 Timoteo 2:22

Waquin mösucuna mana allita yarpar llutanta rurashannöga ama ruraychu. Chaypa ruquenga Jesucristo munashanno goyaj ermänucunano allillata ruranqui. Tayta Diosninchïman yäracunqui. Pï-maywanpis cuyanacunqui. Pï-maywanpis alli ricanacunqui.

Hebreos 12:14

Llapanwanpis allilla ricanacunqui. Tayta Diosninchi munashallanta ruranqui. Man'chäga pipis manami Tayta Diospa ñaupanman chayangachu.