Isaías 50:7 - Tayta Diosninchi Isquirbichishan

⁷ Ichanga Tayta Diosmi yanapäman. Chaymi ashllimashancunaga mana nanämanchu. Musyaycämi pengaycho mana canätaga. Chaymi mana cuyucoj gagano caycä.

Isaías 50:7 ပူးပေါင်းရင်းမြစ်များ

Salmos 110:1

Tayta Diosmi tayta raynëta nisha: «Cay derëchu caj lädöman jamacuy llapan chiquishojcunata munayniquiman churanäcama» nir.

Salmos 54:6

Noganami llapan buluntänëpa ofrendata garashayqui. Gam alli cashayquipita alabashayqui.

Isaías 29:22

Chaypitami Abrahamta jorgamoj Tayta Diosga Israelcunata nin: «Cananpitaga Jacobpita miraj Israelcuna manami pengaycho canganachu. Cäranpis manchacuywan manami jucajyacäconganachu.

Isaías 42:1

Tayta Diosmi cayno nin: «Caychömi caycan sirbimajnë. Paytaga nogami yanapaycä. Paytaga nogami acrashcä. Paypämi nogaga fiyupa cushicö. Paymanmi espiritöta churashcä. Chaymi llapan nasyuncunacho alli goyay cananpaj arriglanga.

Isaías 45:17

Israeltami ichanga Tayta Dios salbanga. Para-simrinami salbanga. Paycunaga manami imaypis pengaycho, ni manacajman churashapis cangapächu.

Isaías 49:23

Raycunami wamrachacushunquipaj. Raypa jipash wamrancunanami uywashunquipaj. Paycunaga rispitashushpayquimi gongurpaconga. Chaquiquiman ñuchu allpa lagacajtapis lajwangami. Chaymi musyanquipaj noga Tayta Dios cashäta. Musyanquipaj nogaman yäracamoj cäga mana pengaycho ricacushanta.»

Isaías 49:8

Tayta Diosga caynömi nin: «Ruwacamashayqui örami wiyashcä. Yanapänäta nistashayqui örami yanaparä. Nogami chapäshayqui. Israelcunawan conträtu rurashä señal canayquipämi churashayqui. Chaynöpami nasyun yapay allina canga. Pasaypa pirdichisha caycaj chacracunachöpis yapayna tiyanga.

Isaías 50:9

Nogataga Tayta Diosmi yanapäman. Chauraga ¿piraj «juchayojmi canqui» nimanga? Puyu ushaptin röpa ushacashannömi conträcunaga llapan ushacanga.

Isaías 54:4

Ama manchacuychu. Manami pengaychöga canquipächu. Manami ashllishunquipäpischu. Ni manami imapitapis pengacunquipächu. Wawaynaj jipash car pengacushayquitapis gongaycunquipämi. Manami yarpanquipänachu biyüda captiqui manacajman churashushayquitapis.

Jeremías 1:18

Cananmi gamta noga churaycä sumaj curalasha caycaj siudäno, fyërru tushano, runsipita tapya caycajno jinyu canayquipaj. Chaynöpami intëru Judá nasyuncho tiyaj runacunawanga mana manchacuypa llapanwan parlanquipaj. Parlanquipaj Judá nasyunpa raynincunawan, mandajnincunawan, cürancunawan, llapan runacunawanpis.

Miqueas 1:2

Tayta Dios rimachiptin Miqueas cayno niran: «Llapaniqui runacuna wiyay. Intëru nasyuncho tiyajcuna wiyashpayqui sumaj tantiyacuy-llapa. Munayniyoj Tayta Diosmi rispitädu Templunpita-pacha nishunquipaj juchata rurashayquicunata.

Lucas 9:51

Janaj pachaman aywacunanpaj wallcana pishiptin Jesusga Jerusalenman aywananpaj camaricuran.

Juan 16:33

«Llapantanami willapashcä nogaman sumaj yäracamunayquipaj. Nogaman yäracamuptiquega ñacayman chayaptiquipis yanapäshayquimi allilla goyänayquipaj. Chaymi sumaj balurchay. Cay pachata maquincho chararaycaj munayniyojcunatapis binsishcänami.»

Romanos 1:16

Nogaga manami pengacöchu alli willacuyta willacur. Chay alli willacuyga Tayta Diospa munayninmi Jesucristuman llapan yäracojcuna salbacunanpaj. Chaymi rimëru willapä Israel-masëcunata, chaypitana juc-lä runacunata.

Hebreos 13:6

Chayno niycämaptinchëga llapan shongunchïwan yäracur nishun: «Tayta Diosga yanapaycämanmi. Chaymi imatapis mana manchacöchu. ¿Imataräshi ruramanman runa-masëga?»

1 Pedro 4:1

Jesucristo cay pachacho ñacasha caycaptenga gamcunapis ñacayta ama manchacuychu. Payno ñacarmi yachacunqui jucha ruraycunata cachaycuyta.

1 Pedro 4:16

Jesucristuman yäracushayquipita ñacarga ama pengacuychu. Chaypa ruquenga salbashushayquipita Tayta Diosninchïta alabay.