Isaías 50:10 - Tayta Diosninchi Isquirbichishan

¹⁰ ¿Pitaj Tayta Diosta rispitan? ¿Pitaj Tayta Diosta sirbejta wiyacun? Chacaycho purirpis Tayta Diosman yäracojcunallami, upinaycajlla achquin caycaptinpis Diosman guellicojcunallami wiyacun y rispitan.

Isaías 50:10 ပူးပေါင်းရင်းမြစ်များ

2 Samuel 22:29

Tayta Dios, gammi achicyaj pachata ricaycächimanqui. Chacaj pachacho ricacunätapis gammi cawaycächimanqui.

1 Crónicas 5:20

Tayta Dios yanapaptin binsiran Agar runacunataga mincaynincunatawan. Pullan pillyacho Tayta Diosta mañacuran yanapänanpaj. Yäracuptinmi Tayta Diosga yanaparan.

2 Crónicas 20:12

Tayta Dios ¿manachu paycunata castiganquiman? Nogacunapaga callpäcunapis manami canchu aypalla suldäru yaycamur magamaptin ichipänäcunapaj. ¡Manami musyäcunachu imata ruraytapis. Chaymi gamllaman yäracaycämö Tayta Dios!»

2 Crónicas 20:20

Tutannenga tutalla llapan camaricuran Tecoa chunyajpana aywananpaj. Aywananpaj caycashancho Josafatga ichiycur llapanta niran: «Jerusalén runacunawan Judá runacuna Tayta Diosllaman yäracuy. Payllaman yäracushaga llapanchöpis allimanmi churamäshun. Profëtacuna nishancunaman yäracushun. Chauraga llapanpis allimi canga.»

Job 13:15

Pay wañuchimänan captinpis jinallami shuyäcushaj. Paypa ñaupanchömi chapacur rimashaj.

Job 29:3

Pay achquinwan achquipämaptinmi chacaypapis alli purej cä.

Salmos 111:10

Rasunpa yachaj canapäga rimëru Tayta Diostami rispitaypaj. Tayta Diosta rispitajcunaga alli yarpayniyojmi. ¡Tayta Diosga imaypis alabashami canga!

Salmos 128:1

Cushishami cawanga Tayta Diosta rispitajcunaga, payta wiyacojcunaga.

Salmos 145:21

Nogaga Tayta Diosllatami alabashaj. Juchaynaj Tayta Diosta llapan adurachun cananpis imaycamapis.

Salmos 23:4

Gam, Tayta Dios yanapaycämaptiquega yanauyaycaj ragracunapa purirpis manami imapitapis manchacushächu. Manami imapitapis yarpachacushächu bastunniquiwan chapämänayquipaj cashanta musyaycashpäga.

Salmos 25:12

Tayta Diosga payta rispitaj runata quiquinmi yachachin imano cawananpäpis.

Salmos 25:14

Tayta Diosga rispitajcunapa amïgunmi. Parlacur aunishantapis musyachinmi.

Salmos 28:7

Tayta Diosmi fiyupa munayniyoj chapämäga. Paymanmi llapan shongöpa yäracö. Paymi yanapäman. Chaypitami fiyupa cushisha goyä. Chaymi Tayta Diosta agradësicur alabashaj.

Salmos 42:11

Chauraga ¿imanirtaj yarpachacöman? ¿Imanirtaj llaquicöman? Tayta Diosmanmi yäracuycä. Payllatami alabaycäshäpis. Paymi Salbamaj Diosnëga.

Salmos 62:8

Marca-masëcuna payllaman yäracuyga ari. Mana manchacuypa willapay mañacushayqui öra. ¡Tayta Diosmi pacacunanchëga! Selah

Eclesiastés 12:13

Chayllatanami rimashcä. Mananami mas yachachinäpaj cannachu. Tayta Diosta rispitar mandamintuncunata cumliy. Runacunaga chaypämi cay pachacho cawan.

Isaías 10:20

Chay wichanga wallcallapis quëdaj Israel runacuna mananami Asiria runacunaman yäracongapänachu. Chaypa ruquenga yäraconga Israelpa Santo Diosnillanmannami.

Isaías 12:2

Tayta Diosmi salbaman. Payman yäracurmi imapitapis mana manchacöchu. Tayta Diosmi callpata goman, imapitapis pacaman. Paymi salbamajnë.»

Isaías 26:9

Chacaycunapapis gamllamanmi yarparaycä. Llapan shongöpami gamta ashiycä. Cay pachacho caj runacunata llapanta jusgaptiquirämi yachaconga allita rurayta.

Isaías 42:1

Tayta Diosmi cayno nin: «Caychömi caycan sirbimajnë. Paytaga nogami yanapaycä. Paytaga nogami acrashcä. Paypämi nogaga fiyupa cushicö. Paymanmi espiritöta churashcä. Chaymi llapan nasyuncunacho alli goyay cananpaj arriglanga.

Isaías 50:4

Tayta Diosga yachachimasha uticasha caycajcunata shacyächir cushicachinäpämi. Tayta Dios nimashanta masta-masta tantiyacunäpämi cada tuta wiyaj wiyajlla caycächiman.

Isaías 53:11

Ñacashanpitaraj chaycunata ricar fiyupami cushicongapaj. Tayta Diosta sirbëga achcajtami salbangapaj. Payga achcajpa juchantami apanga.

Isaías 59:9

Juchanchïcunapitami salbacunanchïpäga fiyupa sasa caycan. Chaynöpami Tayta Diospa achicyaynin mana chayamunchu. Achicyajta shuyarashanchïpis chacajllami caycan. Achicyayta munaycarpis yanauyaycajllachörämi purircaycanchi.

Isaías 8:17

Jacobpita mirar aywaj runacunapita Tayta Dios pacacusha captinpis nogaga paymanmi imaypis yäracö. Imano captinpis payllamanmi yäracuycä.

Isaías 9:2

Chacaycho puriycajcunami achicyajta ricärisha. Yanauyaycajcho tiyaycajcunapämi achicyacurcusha.

Lamentaciones 3:2

Paymi yanauyaycajman pushamaran. Achqui mana cashancho purichir ñacachimaran.

Daniel 3:28

Chaura Nabucodonosorga niran: «¡Sadracpa, Mesacpa, Abed-negopa Diosnenga alabasha cachun! Paymi anjilninta cachamuran sirbejnincunata salbananpaj. Paycunaga Diosnillanta adurayta munashpanmi mana rurashachu noga nishätaga. Diosninta cachaycur gongurpaycur juc diosta adurananpitaga wañuytami munaran.

Nahúm 1:7

Tayta Diosga fiyupa allimi. Payga ñacaycashanchi öra pacamajninchïmi. Payman yäracoj cajcunataga imapitapis chapanmi.

Sofonías 3:12

Gamcuna tiyashayquichöga cachaycushäpaj rispitacojcunatawan, alli runacunallatanami. Paycunaga nogallamannami yäracamongapäpis.

Hageo 1:12

Tayta Dios chayno Hageowan willacachishanta wiyaycärir Zorobabel, Josué, waquin runacunapis fiyupa manchariran.

Malaquías 3:16

Chaura Tayta Diosta rasunpa rispitar wiyacojcunalla quiquin-pura parlaran. Tayta Diosnami llapan parlashancunata wiyaran. Chaura Tayta Dios ricapaycaptin libruman isquirbicaran payta rispitajcunapa jutincuna.

Juan 12:46

Nogaga achquimi cä. Cay pachaman shamushcä nogaman riguejcuna chacaychöno mana cawananpämi.

Juan 8:12

Chaypitaga runacunata Jesús niran: «Nogami cay pachacho caycaj runacunapäga achqui caycä. Chaymi nishäta wiyacojcunaga cawachicoj achquichöna goyanga. Manami chacaychönachu canga.»

Efesios 5:8

Gamcunapis unayga chacajcho caycajnömi juchata rurar goyarayqui. Cananmi ichanga Jesucristuta chasquicur achicyajllacho caycajno cawaycanqui. Jesucristuta chasquicushana caycarga waran-waran pay munashannöna caway.

Hebreos 5:9

Chayno Tayta Diosta wiyacoj cashanpitami payta wiyacoj cajtaga salbananpaj munayniyoj caycan.

1 Pedro 5:7

Tayta Diosninchi cuyaycäshuptiquega ima yarpachacuyniquicunatapis paypa maquinman churaycuy.

1 Samuel 30:6

Chaura Davidga fiyupa yarpachacuycaran. Yan'guincunaga fiyupa rabyasha caycaran wamrancunata apacushanpita. Chaymi Davidta sajmayta munaycaran. Davidmi ichanga Tayta Diosman yäracuran.