Isaías 50:1 - Tayta Diosninchi Isquirbichishan

¹ Tayta Diosmi cayno nin: «¡Gamcunaga capas yarpanqui juc runa warminwan raquicajno Israelta cachaycushäta! Chauraga ¿maytaj raquicashä papil? ¡Capas yarpanqui pipapis jagan cashpä gamcuna uyway canayquipaj ranticuycushäta! Chauraga ¿maytaj jaga cashä papil? Chaypa ruquin gamcunaga juchayquipitami ranticusha cashcanqui. Gamcuna mana wiyacoj cashayquipitami mamayqui Israelga jitaricasha.

Isaías 50:1 ပူးပေါင်းရင်းမြစ်များ

1 Reyes 21:25

Acabnöga manami pipis juchata rurashachu. Payga warmin Jezabelpa shimintami chasquej. Tayta Diosta mana wiyacur juchata ruraran.

2 Reyes 17:17

Wamrancunata ollguta warmitapis rupachiran. Musyacoj cayta, brüju cayta yachacuran. Chayno rurarmi Tayta Diospa ñaupancho fiyupa mana allita ruraran. Chaura Tayta Diospis fiyupa rabyaran.

2 Reyes 4:1

Juc profëtapa warmin aywaran Eliseoman. Chayaycur niran: «Nogapa runäga wañushana. Gam musyashayquinöpis payga Tayta Diostami sirbisha. Ichanga jaga-tucushcäcunami. Cananga ristamaj runa cobracoj shamusha. Munan ishcan wamräta apacuyta jagapita aruchinanpaj.»

Nehemías 5:5

Nogacunapis paycunapis carcaycä chay famillyapita mirajllami. Wamräcunapis paycunapa wamran-nirajllami. Chayno caycaptinpis nogacunaga wamräcunata warmita ollgutapis churaycä uyway cananpaj. Waquenga maynami warmi wamräcuna uywayna caycan. Imanöpapis mananami jorguyta puydëcunanachu. Muruna chacräcuna, übas chacräcunapis jucpanami.»

Ester 7:4

Nogataga juc chiquimajmi llapan marca-masëcunatawan ranticamasha wañuchimänanpaj. Uyway canäcunallapaj ranticaycamasha captenga manami rimacömanchu. Pay ranticamashallanpitaga manami umayquita nanächëmanchu.»

Salmos 44:12

Acrashayqui runacunataga barätullami ranticuycushcanqui. Manami gänashcanquipischu.

Éxodo 21:7

«Pipis warmi wamranta uyway cananpaj ranticuptenga manami ollgu uywaytanöga cachaycongachu.

Isaías 1:28

Mana wiyacojcunawan juchasapacunami ichanga wañuchicanga. Tayta Diosta gongaycoj cajcunaga llapanmi wañonga.

Isaías 27:8

Castigaytaga castigashami. Ichanga yachayllapami castigasha. Acrashan runacunataga nasyunninpita juc-läman prësu apachisha. Imanömi chunyajpita wayra fiyupa wayrämun, chaynömi pichaypa apacuran.

Isaías 43:27

Unay rimir-punta caj awiluyquipis juchatami ruraran. Yachachishojniquicunapis conträmi ricacuran.

Isaías 46:8

«Chaycunapaj yarpachacuy-llapa. Conträ caycajcuna sumaj yarpachacuy.

Isaías 52:3

Tayta Diosga caynömi nin: «Uywayno canayquipaj juc-lä nasyunman gamcunata prësu apashuptiqui manami ima pägatapis chasquishcächu. Chaymi canan gamcunata jorgamushpäpis mana ni imatapis pägashächu.

Isaías 54:6

Gamga cachaycusha jipashnömi fiyupa llaquisha caycarayqui. Chayno caycajtami Tayta Diosniqui yapay gayashurayqui.» Tayta Diosniquimi chayno nin.

Isaías 54:7

«Gamtaga rätullami cachaycurä. Ichanga fiyupa cuyapäcoj cashpämi yapay shuntashayqui.

Isaías 58:1

Tayta Dios nimaran: «Mana manchacuypa llapan callpayquiwan gayacamay. Trompëta wagajnöraj sinchipa gayacamay. Jacobpita miraj acrashä runacunata juchanpita piñacuy.

Isaías 64:6

Nogacunaga llapäpis caycä ganra runanömi. Allita rurashäcunapis ganra räpunömi caycan. Llapanëpis caycä garwashtar öja yagashanömi. Juchäcunami wayra apajnöpis mana alliman chayaycächiman.

Jeremías 3:1

Tayta Dios cayno nin: «Capas juc runa warminwan raquicäcun. Capas chay warmi raquicashana cashpan juc runawanna camacan. Chayno caycaptin ¿rimir caj runanga chay warmita yapay amistapanmanchuraj? ¡Manami! ¡Chayno ruraptenga nasyunpaj fiyupa pengaymi canman! Ichanga gam Israelcuna jucwan-jucwan cacoj warminömi juc dioscunata adurashcanqui. Chayno carcurpis ¿Nogaman cutimuytachu munarcaycanqui?

Jeremías 3:8

Judäga musyanmi Israelwan raquicashpä gargushäta. Payta gargushcä nogawan caycashpan jucwan-jucwan cacushanpitami. Chayno rurasha caycaptëpis Israelpa mana wiyacoj ñañan Judäga manami manchacamashachu. Chaymi mañösa warmino rurayta gallaycusha.

Jeremías 4:18

Quiquiqui mana allita rurashayquipitami chaynöga päsashurayqui. Fiyupa llaquicuycunaga gamcunaman chayamusha mana allicunata rurashayquipitami. Chayno yarpachacur llaquicuptiqui shonguyquipis nananrämi.»

Oseas 4:5

Gamcunaga quiquiquicunapa juchayquipitami pagaspa junajpapis mana alliman chayanquipaj. Profëtacunapis mana alliman tunengapaj. Mamayquitanami illgarachishaj.

Levítico 25:39

«Marca-masiqui ushapacar ‹maquillayquichöna goyäcushaj› nishuptiqui chay runata ama fiyupa aruchinquichu uyway runatanöga.

Mateo 18:25

Jagata cutichiyta manana atipananpaj captinshi mandajnenga nisha: ‹Jagäta cutichimänanpaj cay uywaynëta ranticuycuy warmintinta wamrantinta llapan ima-aycantawanpis.›

Deuteronomio 32:30

¿Imanöpataj warangantin runacunata jucnaylla gaticachanman? ¿Imanöpataj chunca warangantin runacunata ishcajlla gaticachanman? Chayno captinpis Israelcunata chayno gaticachasha imapitapis chapaj Tayta Dios contrancunapa munayninman cachaycuptinnami.