Isaías 5:7 - Tayta Diosninchi Isquirbichishan

⁷ Chacrapa duyñonga munayniyoj Tayta Diosmi. Lantashan übasga caycan Israel nasyun runacunami, Judá runacunami. Tayta Diosga munaran layninta chay runacuna cumlinantami. Nishanga wañuchinacuyllatami aruycan. Tayta Diosga niran allillata rurananpämi. Nishanga ñacajcuna gaparpashallanmi wiyacaycan.

Isaías 5:7 ပူးပေါင်းရင်းမြစ်များ

Génesis 4:10

Niptin Tayta Dios niran: «¿Imanirtaj wauguiquita wañuchishcanqui? Wauguiquipa yawarnin mashtaraycajmi gayacaycäman gamta castiganäpaj.

2 Samuel 7:10

Camarishcä juc pachata acrashä Israel runacunapäpis. Quiquinpachöna tiyananpaj churashcä. Chaychöga manami pipis rimapangachu. Fiyu runacunapis manami ñaupatanöga ñacachengachu.

Job 34:28

Chay fiyu runacuna ñacachiptinmi pobricunaga Tayta Diosta mañacuran. Chaura Tayta Diosnami wiyaran.

Salmos 147:11

Chaypa ruquin Tayta Diosga cushicun payta rispitaptinmi, pay cuyacoj cashanman yäracuptinmi.

Salmos 149:4

Tayta Diosga cushicunmi acrashan runacuna alabaptin. Umildicunatami yanapan allicho llojshinanpaj.

Salmos 80:15

Chay übastaga quiquiquimi lantarayqui. Chillguiptenga quiquiquipaj cananpämi ricarayqui.

Éxodo 3:7

Chaypis Tayta Dios sïguir niycaran: «Musyämi Egiptucho acrashä runacuna fiyupa llaquicur goyaycashanta. Wiyashcämi capatasnincuna ñacachiptin llaquicur mañacamashantapis.

Proverbios 21:13

Pobri runa ruwacur mañacuptin mana cäsojtaga quiquintapis ruwacur mañacuptin Tayta Diosga manami cäsongachu.

Eclesiastés 4:1

Chaypita ricarä cay pachacho imano ñacaycächejtapis. Ricashcä ñacajcuna wagaycajta. Wagaptinpis manami pipis shoganchu. Ñacachejcunaga firsapita imatapis rurachin. Chaypis ñacajcunataga manami pipis shoganchu.

Cantares 7:6

Cuyaynë, gamga canqui fiyupa cuyayllapämi. Mana cachaypa cuyacuypaj, fiyupa cuyayllapämi canqui.

Isaías 1:21

Ñaupata alli goyaj Jerusalén runacuna, imanöshi pirdicashcanqui. Ñaupataga llapaniquimi rasun cajllata rurarayqui. Allillata rurarmi goyarayquipis. Cananga llapaniquipis wañuchicojllamanmi ticrashcanquipis.

Isaías 1:6

Chaqui-puntayquipita umayquicama manami sänuga canquinachu. Intëruyquipis gueri-guerillanami, goyuy-goyuyllami, däñashallami caycanqui. Manami pipis jampipäshurayquichu ni watapäshurayquipischu. Nanayniqui chawananpaj asëtiwan manami pipis churapäshurayquichu.

Isaías 27:2

Chay junaj Tayta Diosga nengapaj: «Fiyupa mishquejta wayoj übas chacrata cantapay-llapa.

Isaías 3:14

Tayta Diosmi arriglananpaj gayachishpan dimanducho arriglajcunatawan mandajcunata nenga: «Gamcunami übas wertäno caycajcunatapis illgächishcanqui. Pobricunatapis suwapashcanqui. Suwacushayquicunatanami wasiquicunaman juntaycächinqui.

Isaías 3:15

¿Imanirtaj chaynöga acrashä runacunata ñacaycächinqui? ¿Imanirtaj pobricunata ñacachishcanqui?» Munayniyoj Tayta Diosmi chayno nishunqui.

Isaías 3:17

Chaypita castigashpämi umantapis garachuwan galayächishaj. Llapan runa ricaymi gala-umalla purenga.»

Isaías 30:12

Chaypitami Israelcunapa Santo Tayta Diosnenga nin: «Gamcunaga willaycächishäta manami wiyayta munanquichu. Chaypa ruquenga yarparcaycanqui wañuchinacuyllapaj, mana allita rurayllapaj.

Isaías 46:12

Wiyamay rumi shongu runacuna. Gamcunaga manami salbasharächu caycanqui.

Isaías 5:2

Chacrata ojtir allpata sumaj tacuchiran. Rumincunatapis acrarcur-acrarcur jitariran. Chaymanna lantaran alli ñawiyoj übas sapicunata. Übas chacra chaupinchönami täpar ricchacuna törrita aruran. Übasta bïnupaj gapchinanpäpis juc pösuta camariran. Amïgöga yarparan übasnin mishquejta wayunantami. Nishan chay übasga pochgojtami wayusha.

Isaías 59:13

Tayta Dios nishantaga manami cumlishcanchïchu ni wiyacushcanchïpischu. Paytaga chiquicarcärishcanchïmi. Noganchëga wañuchicuyllapämi, juc runata mana alli rurayllapämi parlashcanchi. Jucta-jucta engañanallanchïpämi parlacushcanchïpis.

Isaías 59:14

Chaynöpami alli cajta ruraytaga gongaycärishana. Alli cajta ruraytaga pipis manami yarpannachu. Parlashantaga runacuna manami cumlinnachu. Suwapänacur suwapänacullarnami goyarcaycan.

Isaías 59:4

Pipis manami rasun cajtaga dimandacunnachu. Pipis manami cannachu rasun cajllawan dimanduman chayäga. Chaypa ruquenga llullacunanpaj cajllamanmi yarparaycan. Llullacuyllata rimananpämi carcaycan. Mana allitami gueshyaj carcaycan. Chayno carmi wañuchinacuyllacho carcaycan.

Isaías 62:5

Imanömi juc mösu majachacan jipashwan, chaynömi Diosga paypana canayquipaj shuntashunquipaj. Tayta Diosga cushishami caycangapaj warminwan runan cushisha goyashanno.

Jeremías 12:10

Übas chacrata michicojcuna uywanwan lluchcachishannömi, contran mandajcunaga acrashä runacunata usharisha. Chay chacrä jananpami purisha. Chayno purishpanmi mas cuyashä chacrata chunyajman ticrarachisha.

Jeremías 24:2

Jucaj canastachöga caycasha ñaupa pogoj caj ïgus maysi micucuyllami. Jucajchöna caycasha mana alli caj ïgus mana micuypaj, melanaypaj.

Jeremías 50:46

Babilonia chayno ushacaptenga intëru nasyun runacunami manchariywan sicsicyanga. ‹Washaycamay› nir gaparashanpis intëru nasyuncunamanmi wiyacangapaj.»

Ezequiel 22:29

Runacunaga suwacullar, imatapis mana allicunata rurallarmi cawan. Pobricunatawan muchupacajcunata ima-aycantapis guechun. Juc-lä runacunata tucuynöpa ñacachin.›

Oseas 10:1

Israelga caycan übas achcata wayuraycajnömi. Mas achca wayuynin captin mas achcatami capillancunatapis ruraran. Mas cuyayllapaj micuynincuna wayuptin mas cuyayllapätami ïduluncunatapis ruraran.

Miqueas 6:12

Cay siudächo caj rïcucunaga llapanpis ñacachicojcunallami. Llapanpis llullacunallami caycan.

Miqueas 6:8

Runa, Tayta Diosga maynami nisha-cashunqui, alli cajllata, pay munashan cajllata ruranayquipaj. Payga munan: Alli cajllata ruranayquitami, pï-maytapis cuyanayquitami, imata Tayta Dios nishushayquitapis wiyacur cumlinayquitami.

Habacuc 1:3

¿Imanirtaj ricachimanqui fiyupa llaquicuycunatawan mana alli ruraycunata? Noga goyaycashächöga caycan mana alli rurayllami, wañuchinacuyllami. May-chaychöpis caycan rimanacuyllami, pillyallami.

Sofonías 3:17

Tayta Diosniquega gamcunachömi caycan. ¡Payga munayniyoj cashpanmi salbashunquipaj! Gamcunapäga Tayta Dios cushishami caycangapaj. Cuyacoj cashpanmi alli cawaytana goshunquipaj. Cushisha cashpanmi

Mateo 23:23

«¡Ay imanöraj canqui lay yachachejcunawan fariseucuna! ¡Janan shongullami carcaycanqui! Gamcunaga irbabuynapita, anispita, cominuspita, diesmuta raquiycanqui ‹Diospaj› nir. Chaypis manami cumlinquichu rasunpa cumlinayquipaj caj mandamintucunataga. Runa-masiquiwan alli arriglanquiman, runa-masiquita cuyapanquiman, Tayta Diosta wiyacunquiman. Cay mandamintucunataga imaypis cumlinquiman waquin caj mandamintucunatapis mana gongaypa.

Lucas 18:7

Chacaypapis junajpapis acrashan runacuna gayacuypa mañacuycaptenga ¿manachuraj Tayta Diospis yanapanga? U ¿yanapänanpaj shuyarächengachuraj?

Juan 15:2

Chaymi maygan rämäpis mana wayoj cajtaga Taytä muturin. Wayoj cajtami ichanga Taytä rämapanga mas wayunanpaj.

Deuteronomio 15:9

Jagacunata perdunanan wata chayamunanpaj cashantana tantiyar ama yarpanquichu manana ristanayquipaj cashanta. Mana ristaptiquega pishipacaycho caycaj runa Tayta Diosman quijacuptin juchayojmi ricacunquipaj.

Santiago 5:4

Piyunniquicunata manapis pägar engañar aruchishcanqui. Paycunami Tayta Diosninchïta wagar mañacurcaycan. Mañacushantaga Tayta Diosninchi wiyashanami.