Isaías 5:5 - Tayta Diosninchi Isquirbichishan

⁵ Cananmi ichanga übas wertäta imano ruranäpaj caycashantapis willashayqui: Guenchashäcunatami ushajpaj jorgurishaj illgächinanpaj. Perga curalaraycajtami juchurgärachishaj pï-maypis lluchcacunanpaj.

Isaías 5:5 ပူးပေါင်းရင်းမြစ်များ

Génesis 11:4

Chaypita llapan parlacur ninacuran: «Jatun marcata rurashun. Chaychöna juc törrita rurashun syëlucama chayajta. Chaynöpami rejsisha cashun. Chaura cay pachachöga noganchi manami intëruman mashtacäshunnachu.»

Génesis 11:7

Chaymi paycuna cajman urarcur rimashancunata achca castaman ticrachishun quiquin-pura mana tantiyachinacunanpaj.»

Nehemías 2:3

Nircur rayta nirä: «¡Tayta rayga imaycamapis cawachun! Awilöcuna pamparaycashan siudä pasaypa ragällan, puncuncunapis nina rupasha caycaptenga ¿imanirtaj mana llaquicömanchu ari tayta?»

Salmos 89:40

Siudänincunapa curralnincunatapis gashargärishcanquimi.

Salmos 89:41

Pï-maypis chaypa päsajcunaga munashantami suwapan. Läduncho tiyajcunapis asipan.

Proverbios 24:31

Chaychömi ricashcä chacran jacha juntashalla caycajta, pergancunapis juchusha caycajta.

Eclesiastés 3:3

Canmi wañuchinan timpu; jampina timpupis. Canmi juchuchina timpu; jatarachinan timpupis.

Isaías 10:6

Paytami cachä acrashä juchasapa runacunata magananpaj. Rabyachimaj nasyun runacunamanmi cachä. Chayman cachä ima-aycantapis suwapänanpaj, guechunanpaj, cällicho caycaj mituta-jina lluchcargärinanpämi.

Isaías 25:10

Sión lömataga Tayta Diosmi imapitapis chapanga. Moabtami ichanga lluchcar-ushanga. Ganrata lluchcashannömi lluchcarenga.

Isaías 28:18

Wañuywan parlashayquega anulacangami; manami bälenganachu. Fiyupa manchariypaj mana alli disigrasyami chayamongapaj. Chaura chay mana alliga ushajpämi ñitirishunquipaj.

Isaías 28:3

Nircur latojpaj lluchcarenga upyallata aroj Efraín runacuna alli-tucushanta, corönanta.

Isaías 32:10

Gamcuna cananga mana yarpachacuypa goyarcaycanqui. Cananpita wata masllataga fiyupami llaquicunquipaj. Chaynöga canquipaj cosëchata mana shuntar. Yapayga manami übasta shuntanquipänachu.

Jeremías 18:11

«Judá runacunawan Jerusalén runacuna, wiyamay. Gamcunaman mana allita chayachimunäpämi camariycä. Gamcunata castiganäpämi yarpaycä. Chaymi gamcunaga arpinticushpayqui allillata rurarna goyay.

Jeremías 21:4

Israelcunapa Tayta Diosnenga caynömi nin: ‹Babiloniapa suldäruncunawan pillyarcaycashanpitami suldäruyquicunaga gueshpimonga. Curral wajtanpa tumaraycaj suldärucunatami siudä chaupinman gaycaramushaj.

Jeremías 28:8

Manaraj gampis nogapis cashanchi wichan unay profëtacunaga willacuran jatun nasyuncunacho, munayniyoj raycuna caycashancho guërra, ñacaycuna, fiyu gueshya cananpaj cashantami.

Jeremías 45:4

Ichanga noga Tayta Diosmi në: Nogaga rurashäcunatami illgächë. Lantashäcunatami achurë. Chaynömi rurashaj llapantapis cay pachacho cajtaga.

Lamentaciones 1:15

«Tayta Diosga yagarachisha washämaj jinyu runacunata. Paymi cachamusha magamänanpaj jäpa suldärucunatana, paycuna nogapa jinyu suldäröcunata wañuchinanpaj. Tayta Diosga llapiramasha juc runa bïnupaj übasta gapchirishannömi.

Lamentaciones 2:6

Chucllata usharejnömi Tayta Diosga Templunta usharisha. Tayta Diosmi camacächisha fistacunata, säbadu jamay junajcunatapis Sioncho gongaycärinanpäna. Fiyupa rabyacurcushpanmi camacächisha raypis ni cürapis manana cananpaj.

Lamentaciones 4:12

Cay pachacho caycaj raycuna, ni pï runapis cay munduchöga manami imaypis riguinmanchu caran chiquimajcuna Jerusalenta charicurcunantaga.

Daniel 8:13

Chaypitaga wiyarä juc anjil jucaj anjilta cayno tapuycajta: «¿Imaycamaraj chaynölla caycanga waran-waran Diospaj sacrifisyuta rupachinan cajchöga? ¿Imaycamaraj Diospa wasintaga manacajman churaycanga? ¿Imaycamaraj Diosman yäracojcunatapis manacajman churaycanga?»

Oseas 2:12

Cuchurachishämi übas yörancunata, ïgus yörancunatapis. Chaycunapämi payga nej: ‹Cuyashäcuna pägamashpanmi caycunataga goycamasha› nir. Chay chacrancunataga ushajpaj shatamanmi ticrarachishaj. Chay chacran wayuptenga jirca animalcunanami micucurcongapaj.

Oseas 2:14

«Chaypitarämi, nogaga yapay cuyacurcushaj. Chunyajman pushaycurmi alli shimëpa parlapäshaj yapay cuyacarcamänanpaj.

Lucas 21:24

Waquintami sabliwan wañuchenga. Waquintanami caru nasyuncunaman prësu apanga. Mana Israel runacunanami Jerusalentaga munaynincho cachengapaj Tayta Dios nishan cumlinancama.

Apocalipsis 11:2

Templupa wajtancho caj sawantaga ama tupumunquichu. Chay sawantaga cachaycushcä mana wiyacamaj runacuna munashanta ruracunanpämi. Paycunami chuscu chunca ishcay quillantin Jerusalencho tiyaj runacunata munaynincho chararanga.