Isaías 5:30 - Tayta Diosninchi Isquirbichishan

³⁰ Chayamushpan chay runacunaga Israelcunaman yaycunanpaj gaparpangapaj lamar yacunörämi. Chay runacuna aywaycämushan caj-läpa ricärerga ricangapaj fiyupa chacashatarämi. Chacasha captinmi junaj cashanpis mana musyacangachu.

Isaías 5:30 ပူးပေါင်းရင်းမြစ်များ

Eclesiastés 12:2

Tayta Diosta yarpay canan, inti caycashancama, quillapis, goyllarcunapis achicyaycashancama, tamyariptinpis pucutay jinallaraj caycashancama.

Isaías 13:10

Intipis yagarcamullarnami chacacäconga. Quillapis mananami achicyanganachu. Goyllarcunapis manami achicyanganachu. Janaj pachaga pasaypa yanauyaycajmi ricacongapaj.

Isaías 13:4

Masqui wiyay. Aypalla runacuna shuntacasha cashanmi puntacunapita wiyacaycämun. Masqui wiyay. Achca nasyun runacuna shuntacaycur gaparashanmi wiyacaycämun. Munayniyoj Tayta Diosmi shuntaycan pillyaman aywananpaj camaricusha caycaj suldäruncunata.

Isaías 17:12

¡Wiyay-llapa chiquishoj aypalla marca runacuna ollgurcaycashanta! ¡Paycuna ollgur gaparpashanga wiyacaycan chayasha mayu bunyaylla aywaycajnörämi!

Isaías 30:6

Egiptuman aywajcunaga chunyaj Neguevpami päsarcaycan bürruncunata y camëlluncunata cargasha. Päsarcaycan micucoj liyuncuna tiyashanpami, culebracuna, buylaj culebracuna tiyashanpami. Ima-aycantapis, cuestaj cösancunatapis apacurcaycan mana bälej Egipto nasyunman.

Isaías 59:9

Juchanchïcunapitami salbacunanchïpäga fiyupa sasa caycan. Chaynöpami Tayta Diospa achicyaynin mana chayamunchu. Achicyajta shuyarashanchïpis chacajllami caycan. Achicyayta munaycarpis yanauyaycajllachörämi purircaycanchi.

Isaías 8:22

Cay pachacho imata ashirpis manami imatapis tarengapächu ni ricangapächu. Cay pachachöga caycangapaj llaquicuyllami. Llaquicuyllawanmi pachapis chacacäconga. Chay runacunataga chacajmanmi jitarponga.

Jeremías 13:16

Yanauyaycaj chacaj pachaman Tayta Dios manaraj chayachishushayquicama payta rispitay. Yanauyaycaj chacayta chayachimuptenga jircacunachöpis tacacanquipämi. Tayta Diosta rispitay shuyaraycashayqui achquita manaraj chacajman ticrachiptin.

Jeremías 30:5

Chay rimashanga caynömi caycan: «¡Fiyupa llaquicuywan gaparpashanmi wiyacaycan! ¡Fiyupa manchariywan wagarcaycashanmi wiyacaycan!

Jeremías 50:42

Paycunaga sablincunawan, lëchancunawanmi carcaycan. Paycunaga fiyu runacunami. Manami pitapis cuyapanchu. Pillyashpanpis gaparpan lamar yacu pullchajyar gaparajnörämi. Cawallun muntashallami aywanpis. Babiloniacunawan pillyananpäga camaricushallanami carcaycan.

Jeremías 6:23

Chay runacunaga lëchanwan sablinwan camaricushallanami carcaycan. Chay runacunaga fiyumi. Manami pitapis cuyapanchu. Pillyapaj gayarparpis lamar yacu gaparajnörämi gaparpan. Llapanpis cawallun muntashallami aywarcaycämun. Jerusalén runacunawan pillyananpaj camaricushanami carcaycan.» Judá runacunaga nircaycan:

Lamentaciones 3:2

Paymi yanauyaycajman pushamaran. Achqui mana cashancho purichir ñacachimaran.

Ezequiel 26:3

«Chaypitami noga Tayta Dios në: «Tiro, nogaga gampa contrayquimi ricacö. Nogami camacächishaj juc-lä nasyun runacuna contrayqui ricacunanpaj. Paycuna shamonga lamar yacu wayrawan pullchajyar shamushannömi.

Joel 2:10

Chaycuna chayamuptin cay pachapis janaj pachapis manchariywan sicsicyanmi. Intiwan quillapis chacacäcunmi. Goyllarcunapis achicyaycashanpita manami achicyannachu.

Amós 5:18

¡Ay imanöraj canga, Tayta Dios shamunan junajta shuyarpaycajcuna! ¿Gamcunaga musyaycanquichu gamcunapaj imano chay junaj cananpaj cashantapis? Achicyaj cananpa ruquin chay junäga cangapaj yanauyaycaj chacaymi.

Amós 8:9

Tayta Dios nin: «Chay nishä junajmi camacächishäpaj inti las-dösicho caycaptin pacha chacacäcunanpaj. Pullan junaj alli achicyaraycaptinmi camacächishaj intëru mundupa chacay ricacunanpaj.

Mateo 24:29

«Fiyupa ñacaycuna päsariptillanmi intipis chacacäconga. Quillapis mana achicyamonganachu. Goyllarcunapis shicwacamonga. Janaj pachapis fiyupami sicsicyanga.

Apocalipsis 6:12

Röllucho sojta caj lagaraycaj sërata Cashni uysha jorguriptinmi cay pachacho fiyupa timlur caran. Chay örami ricarä inti chacacäcojta, quillapis yawar-niraj pucaman ticracurejta.